Rom 2:18 - Yesus Aqa Anjam Bole

¹⁸ Bole, niŋgi Qotei aqa areqalo qalie bole. A na aqa dal anjam niŋgi osorŋgej deqa niŋgi kumbra tiŋtiŋ dauryqajqa tulaŋ arearetŋgeqnu.

Rom 2:18 ပူးပေါင်းရင်းမြစ်များ

Luk 1:4

Deqa ni sisiyosim poimim endegsi marqam, “Bole, anjam iga nami mergoqneb qaji di bole kalil.”

Luk 12:47

“Niŋgi quiye. Tal lanja na aqa wau tamo bei minjqas, ‘Ni wau di ye.’ Yimqa a geregere qusim olo asgimosim wau di yosaiamqa tal lanja na a kumbaiŋyogargekobatqas.

Jon 13:17

Kumbra e yeqnum qaji endi aqa utru niŋgi poiŋgwo. Deqa niŋgi ijo kumbra endi dauryqab di niŋgi tulaŋ areboleboleiŋgwas.

Rom 15:4

Qotei aqa anjam kalil naŋgi nami neŋgreŋyeb qaji di iga Qotei aqa gam osorgwajqa deqa osib neŋgreŋyeb. Anjam dena gago areqalo siŋgilatetgim iga siŋgila na tigelosim Qotei na mondoŋ iga oqajqa deqa tariŋoqnsim sqom. Utru deqa neŋgreŋyeb.

Rom 2:19

Osib niŋgi endegsib are qaleqnub, “Iga dal anjam ti unum deqa iga powo bole ti anjam bole ti ejunum. Deqa tamo ŋam qandimo unub qaji naŋgi iga na gam osornjreqnum. Osim tamo naŋgi ambruq di unub qaji iga na suwantnjreqnum. Tamo powo saiqoji unub qaji naŋgi iga na powo enjreqnum. Tamo naŋgi aŋgro kiñilala bulosib Qotei aqa anjam qaliesai qaji naŋgi iga na anjam aqa damu osornjreqnum.”

Filipai 1:10

O was qu, niŋgi kumbra kalil geregere pegiyosib kumbra tulaŋ boledamu dauryqajqa deqa e niŋgi qa pailyeqnum. Yimqa niŋgi kumbra bole bole yoqnsib une saiqoji soqnib diŋo bati bqas. Diŋo bati deqa Kristus a olo bosim tamo uŋgasari naŋgo une qa naŋgi peginjrqas.

1 Tesalonaika 5:21

Anjam kalil niŋgi queqnub qaji di niŋgi geregere quoqnsib tenemtoqnsib pegiyoqniye. Osib kumbra kalil dego pegiyoqnsib kumbra bole segi siŋgilatosib ojesoqniye.

Hibru 5:14

Ariya tamo naŋgi kokbaonub qaji naŋgi iŋgi siŋgila uyeqnub. Naŋgi bati gargekoba Qotei aqa anjam dauryoqneb deqa naŋgi kumbra bole ti kumbra uge ti geregere peginjreqnub.

Jems 4:17

Ni geregere are qale. Ni kumbra bole qa qalieosim ariya ni dauryqasai di ni une yonum.