Rom 2:13 - Yesus Aqa Anjam Bole

¹³ Di kiyaqa? Tamo naŋgi dal anjam laŋa quoqnsib olo dauryosaieqnub qaji naŋgi Qotei aqa ŋamgalaq di tamo bolesai. Tamo naŋgi dal anjam qusib dauryeqnub qaji naŋgi segi Qotei na tamo bole une saiqoji qa minjrqas.

Rom 2:13 ပူးပေါင်းရင်းမြစ်များ

Luk 18:14

Yesus a yawo anjam degsi minjrsiqa olo minjrej, “Niŋgi quiye. E bole merŋgwai. Takis o qaji tamo di aqa une kalil Qotei na kobotetonaqa a olo puluosiqa aqa talq aiej. Ariya Farisi tamo di aqa une Qotei na kobotetosai. Di kiyaqa? Tamo kalil naŋgo segi ñam soqteqnub qaji naŋgi di Qotei na olo naŋgo ñam aguq atetnjrqas. Ariya tamo naŋgi naŋgo segi ñam aguq ateqnub qaji naŋgi di Qotei na olo naŋgo ñam soqtetnjrqas.”

Luk 8:21

Onaqa Yesus na kamba minjrej, “Tamo uŋgasari Qotei aqa anjam qusib dauryeqnub qaji naŋgi ijo ai bole. Naŋgi ijo was bole dego.”

Jon 13:17

Kumbra e yeqnum qaji endi aqa utru niŋgi poiŋgwo. Deqa niŋgi ijo kumbra endi dauryqab di niŋgi tulaŋ areboleboleiŋgwas.

Aposel 13:39

Niŋgi Moses aqa dal anjam dauryqab dena Qotei a nuŋgo une kobotetŋgwasai. Niŋgi dena Qotei aqa ŋamdamuq di une saiqoji sqa keresai. Tamo naŋgi Yesus qa naŋgo areqalo siŋgilatqab qaji naŋgi segi Qotei na une kobotetnjrimqa naŋgi aqa ŋamdamuq di une saiqoji sqab.

Rom 10:5

Tamo naŋgi dal anjam dauryeqnub qaji naŋgi Qotei na kiersim tamo bole une saiqoji qa minjrqas? Moses a deqa osiqa nami endegsi neŋgreŋyej, “Tamo bei a dal anjam kalil dauryekritosim di a ŋambile sqas.” Moses a anjam degsi neŋgreŋyej.

Rom 2:25

Bole, ni dal anjam dauryoqnsim ariya ni muluŋ dego aiqam di kumbra bole. Ariya ni dal anjam gotraŋyoqnsim laŋa muluŋ aiqam di keresai. Ino kumbra dena ni tamo muluŋ aiosai qaji naŋgi bulosim laŋa unum.

Rom 3:20

Deqa tamo bei a dal anjam dauryosim dena a Qotei aqa ŋamgalaq di tamo bole une saiqoji sqajqa tamo dego bei sosai. Dal anjam na iga gago une osorgeqnu. Di segi.

Rom 3:23

Iga kalil une ateqnum deqa iga laŋ qureq oqsim dia Qotei ombla sqa keresai.

Rom 3:30

Qotei a segi qujai Qotei bole. Deqa muluŋ aio qaji tamo ti muluŋ aiosaieqnub qaji tamo naŋgi ti Yesus qa naŋgo areqalo siŋgilatqab di Qotei a naŋgo areqalo di unsim naŋgi tamo bole une saiqoji qa minjrqas.

1 Korin 4:4

Bole, e ijo kumbra uge bei qa poibosai. Ariya e endegsi marqa keresai, “E tamo tiŋtiŋo.” E degsi marqa keresai. Tamo Koba Qotei a segi na e pegibqas. Di aqa wau.

Galesia 2:16

Ariya iga qalieonum, tamo naŋgi Moses aqa dal anjam dauryqab dena Qotei na naŋgi tamo bole une saiqoji qa minjrqasai. Tamo naŋgi Kristus Yesus qa naŋgo areqalo siŋgilatqab gam dena qujai Qotei na naŋgi tamo bole une saiqoji qa minjrqas. Iga dego Kristus Yesus qa gago areqalo siŋgilateqnum. Di kiyaqa? Iga qalie, gam dena qujai Qotei na iga tamo bole une saiqoji qa mergwas. Iga dal anjam dauryqom gam dena sai. Di kiyaqa? Tamo bei a dal anjam dauryqas Qotei a deqa are qalsim a tamo bole une saiqoji qa minjqasai. Sai bolesai.

Galesia 5:4

Niŋgi qudei mareqnub, “Iga dal anjam dauryqom gam dena Qotei na iga tamo bole une saiqoji qa mergwas.” Niŋgi degsib mareqnub di niŋgi Kristus uratonub. Qotei a niŋgi qa are tulaŋ boleiyeqnu aqa kumbra di dego niŋgi qoreiyonub.

Jems 1:27

Iga Kristen tamo uŋgasari iga kumbra bole endeqaji yoqnqom. Iga na aŋgro mandum naŋgi ti uŋa qobul naŋgi ti geregereinjroqnsim naŋgo gulube kalil qoboiyetnjroqnqom. Osim iga gago segi walwel geregere taqatosim mandam endeqa kumbra jigat kalil uratekritqom. Iga kumbra degsi yoqnqom di iga Qotei aqa ŋamgalaq di Kristen tamo boledamu une saiqoji sqom.

1 Jon 2:29

Niŋgi qalie, Kristus aqa kumbra kalil tiŋtiŋo. Deqa niŋgi endegsib qalieoiye. Tamo kalil kumbra tiŋtiŋ yeqnub qaji naŋgi Qotei aqa segi aŋgro bole tiŋtiŋ unub.

1 Jon 3:7

O ijo aŋgro kalil, niŋgi geregere ŋam atoqniye. Tamo bei na bosim niŋgi gisaŋgo uge. Tamo a kumbra tiŋtiŋ dauryqas di a Qotei aqa ŋamgalaq di tamo tiŋtiŋo sqas. Kristus a tamo tiŋtiŋo unu dego kere.