Rom 16:6 - Yesus Aqa Anjam Bole

⁶ Niŋgi na ijo kaiye anjam endi osib Maria dego minjiye. A niŋgi aqaryaiŋgwa are qaloqnsiq waukobaoqnej.

Rom 16:6 ပူးပေါင်းရင်းမြစ်များ

Matyu 27:55

Ariya Yesus a ŋamburbasq di moinaqa uŋgasari qudei naŋgi isaq di tigelesosib Yesus koqyesoqneb. Bei Maria Makdala qure qaji. Maria bei agi Jems wo Josep wo naŋgo ani. Ariya uŋa bei Sebedi aqa ŋiri aiyel naŋgo ani. Yesus a nami Galili sawaq di sonaqa uŋgasari naŋgi di a daurysib laqnsib kaŋgalyoqneb. Bunuqna Yesus a Galili sawa uratosiqa a na naŋgi joqsiqa koba na Jerusalem beleŋeb.

Matyu 5:47

Niŋgi nuŋgo was naŋgi segi gereinjroqnqab di kumbra tulaŋ bolesai. Nuŋgo kumbra dena niŋgi tamo qudei naŋgi buŋnjrqasai. Tamo naŋgi Qotei qaliesai qaji naŋgi dego naŋgo segi was naŋgi gereinjreqnub.

Rom 16:12

Niŋgi Trifina wo Trifosa wo naŋgi aiyel dego ijo kaiye anjam endi minjriye. Naŋgi aiyel Tamo Koba Yesus qa waukobaeqnub. Niŋgi ijo kaiye anjam endi osib Persis dego minjiye. A ijo kadoi bole. A Tamo Koba Yesus aqa wau siŋgila na ojeqnu.

Rom 16:5

Niŋgi na ijo kaiye anjam endi osib Kristen tamo uŋgasari kalil Prisila wo Akwila wo naŋgo talq dia koroosib loueqnub qaji naŋgi dego minjriye. Osib Epainetus dego ijo kaiye anjam endi minjiye. A ijo kadoi bole. A Esia sawa qaji. Nami tamo kalil Esia sawaq di unub qaji naŋgi are bulyosaisonabqa Epainetus a namoqna are bulyosiq Kristus qa aqa areqalo siŋgilatej.

Rom 16:7

Niŋgi na ijo kaiye anjam endi osib Andronikus wo Junias wo naŋgi aiyel dego minjriye. Naŋgi aiyel ijo leŋ naŋgi. Jeu tamo naŋgi na naŋgi aiyel e ombla na ojeleŋosib tonto talq breigonab soqnem. Qotei na naŋgi aiyel wau enjrej deqa naŋgi aqa anjam maroqnsib laqnub. Deqa naŋgi aiyel dego ñam ti. Nami e are bulyosaisonam naŋgi namoqna are bulyosib Kristus qa naŋgo areqalo siŋgilateb.

1 Tesalonaika 5:12

Ariya was qu, iga niŋgi endegsi merŋgwom. Niŋgi nuŋgo Kristen gate naŋgo sorgomq di soqniye. Tamo Koba Yesus a na naŋgi gate ateleŋej deqa naŋgi niŋgi aqaryaiŋgwajqa wauoqnsib Qotei aqa anjam niŋgi merŋgoqnsib nuŋgo kumbra tingitetŋgeqnub.

1 Timoti 5:10

Naŋgi nami wau bole bole yoqneb deqa naŋgi tamo uŋgasari naŋgo ŋamgalaq di uŋa bole. Naŋgi na naŋgo aŋgro naŋgi geregere-injroqnsib boletnjroqneb. Tamo laŋaj naŋgi naŋgo meq beqnabqa oqnsib geregereinjroqneb. Naŋgi na Kristen tamo uŋgasari naŋgo siŋga yansetnjroqneb. Tamo uŋgasari naŋgi gulube ti sonabqa naŋgi na aqaryainjroqneb. O Timoti, ni na uŋa qobul deqaji naŋgo ñam neŋgreŋyim Kristen tamo uŋgasari naŋgi na iŋgi iŋgi qa aqaryainjroqnqab.