Rom 16:20 - Yesus Aqa Anjam Bole

²⁰ Qotei a na iga so bole ti lawo kumbra ti egeqnu. Sokiñala a na Satan ojsim osi bosim nuŋgo siŋgaq di atim niŋgi na sosqab. Gago Tamo Koba Yesus a niŋgi qa are boleiyeme.

Rom 16:20 ပူးပေါင်းရင်းမြစ်များ

Matyu 4:10

Onaqa Yesus na minjej, “Satan, ni ulaŋ. Qotei aqa anjam bei nami endegsib neŋgreŋyeb unu, ‘Ino Tamo Koba Qotei a segi qa louoqnsimqa aqa sorgomq di soqne.’”

Luk 10:19

Niŋgi quiye. E na Qotei aqa siŋgila niŋgi eŋgonum deqa niŋgi amal uge ti degiŋ ti naŋgo siŋgila tentsib laqnqab. Nuŋgo jeu tamo Satan aqa siŋgila kalil dego niŋgi na kobotoqnqab. Deqa iŋgi bei na yala niŋgi ugeugeiŋgwa keresai.

Rom 15:33

Qotei a na iga so bole ti lawo kumbra ti egeqnu. A niŋgi kalil koba na soqnebe. Bole.

Rom 16:23

Gaius a na dego niŋgi kaiyeiŋgwo. A na e osiqa aqa segi talq dia e geregereibeqnu. Osiqa Kristen tamo uŋgasari kalil endia unub qaji naŋgi dego geregereinjreqnu. Erastus wo gago was Kwartus wo naŋgi aiyel dego niŋgi kaiyeiŋgonub. Erastus a na Korin qure naŋgo silali taqateqnu.

Rom 16:24

Gago Tamo Koba Yesus Kristus a niŋgi kalil qa are boleiyeme. Bole.

Rom 8:37

Ariya Kristus na iga qalaqalaigej deqa gulube kalil di gagoq di brantoqnqas di uŋgum. A na gaigai iga aqaryaigeqnu deqa iga qoto siŋgilaoqnsim tigelejunum.

1 Korin 16:23

Tamo Koba Yesus a niŋgi qa are boleiyeme.

Galesia 6:18

O was qu, gago Tamo Koba Yesus Kristus a niŋgi qa are boleiyosim nuŋgo qunuŋ taqatoqneme. Bole.

Filipai 4:23

Tamo Koba Yesus Kristus a niŋgi qa are tulaŋ boleiyosim nuŋgo qunuŋ geregere taqateme.

1 Tesalonaika 5:28

Gago Tamo Koba Yesus Kristus a niŋgi qa are boleiyeme.

2 Tesalonaika 3:18

Gago Tamo Koba Yesus Kristus a niŋgi kalil qa are boleiyeme.

2 Timoti 4:22

Tamo Koba Yesus a na ino qunuŋ geregere taqateme. Osim niŋgi kalil qa are boleiyeme.

Filemon 1:25

Tamo Koba Yesus Kristus a niŋgi qa are boleiyosim nuŋgo qunuŋ geregere taqatoqneme.

1 Jon 3:8

Satan a nami une atsiq boqnej agi bini degsi unu. Deqa tamo a une atoqnqas di a Satan aqa tamo sqas. Ariya Qotei aqa Ŋiri a Satan aqa wau kobotqa bej.

Uli Anjam 12:10

Onaqa olo laŋ goge dia laŋ aŋgro bei tulaŋ koba leleŋonaqa e aqa kakoro quem. A endegsi marej, “Tamo uŋgasari naŋgi padalqa laqnabqa gago Tamo Koba Qotei a na naŋgi eleŋqo. A kumbra di yqo deqa aqa siŋgila boleq dekritqo. Deqa a gago Mandor Koba unu. Gago was naŋgo ñam ugetetnjro qaji tamo Satan a na qolo ti qanam ti Qotei aqa ŋamgalaq dia naŋgo ñam ugetetnjreqnu. Satan agi waiyonub mandamq aiqo. Deqa bini Qotei aqa Ŋiri Kristus a ñam koba ti siŋgila ti ejunu.

Uli Anjam 22:21

Tamo Koba Yesus a tamo uŋgasari kalil naŋgi qa are tulaŋ boleiyeme.