Rom 15:7 - Yesus Aqa Anjam Bole

⁷ Kristus a nami niŋgi osiq geregereiŋgej dego kere niŋgi dego nuŋgo Kristen was qu naŋgi oqnsib geregereinjroqniye. Yim nuŋgo kumbra dena niŋgi Qotei aqa ñam tulaŋ soqtoqnqab.

Rom 15:7 ပူးပေါင်းရင်းမြစ်များ

Matyu 10:40

Osiqa Yesus a olo anjam endegsi minjrej, “Tamo bei na niŋgi osim geregereiŋgwas di a na e dego osim geregereibqas. Tamo a e oqas di a na ijo Abu e qariŋbej qaji di dego oqas.

Mak 9:37

“Tamo bei a ijo ñam qa are qalsimqa aŋgro kiñala endego bei osim geregereiyqas di a e dego osim geregereibqas. Tamo a e osim geregereibqas di a na e segi geregereibqasai. A na ijo Abu e qariŋbej qaji di dego osim geregereiyqas.”

Luk 15:2

Koroonabqa Farisi naŋgi ti dal anjam qalie tamo naŋgi ti di unsibqa Yesus yomuiyosib mareb, “Niŋgi uniye. Yesus a une tamo naŋgi joqsiqa koba na walweloqnsib iŋgi uyeqnub.”

Jon 13:34

Endego e dal anjam bunuj eŋgwai. Dal anjam bunuj agiende. Niŋgi nuŋgo was naŋgi qalaqalainjroqniye. E niŋgi qalaqalaiŋgeqnum dego kere niŋgi kamba dego nuŋgo was naŋgi qalaqalainjroqniye.

Jon 6:37

Tamo uŋgasari kalil Qotei na e ebej qaji naŋgi ijoq boqnqab. Tamo ijoq bqas qaji di e na olo wiyqa keresai bolesai.

Rom 15:9

Ariya Kristus a sawa bei bei qaji naŋgi qa dego wauoqnej. Di kiyaqa? Qotei a naŋgi qa dego are tulaŋ boleiyej. Aqa kumbra di naŋgi unsib aqa ñam soqtqajqa deqa Kristus a wauoqnej. Agi Qotei aqa anjam bei nami endegsib neŋgreŋyeb unu, “E sawa bei bei qaji naŋgo ambleq dia ino ñam soqtqai. E ino ñam soqtqa osiy ni qa louoqnqai.”

Rom 5:2

Yesus a na iga tamo uŋgasari a qa gago areqalo siŋgilateqnum qaji gam waqtetgej deqa Qotei a iga qa are tulaŋ boleiyonaqa iga eleŋej. Qotei na kumbra di iga egej deqa bini iga kumbra di osim tigelejunum. Deqa bini iga Qotei na laŋ qureq osi oqsim dia iga a ombla geregere sqajqa deqa tariŋeqnum. Iga deqa tulaŋ areboleboleigeqnaq unum.

Efesus 1:12

Iga Juda tamo uŋgasari namoqna Kristus qa gago areqalo siŋgilatosim dauryem. Qotei na iga aqa riaŋ koba ti aqa siŋgila ti deqa are qaloqnsim aqa ñam soqtoqnqajqa deqa marsiq iga giltgej.

Efesus 1:18

Ijo areqalo agiende. Qotei na nuŋgo areqalo suwantetŋgimqa iŋgi bole bole a nami niŋgi eŋgwa osiq metŋgej qaji di niŋgi poiŋgwajqa deqa. Agi niŋgi iŋgi di oqajqa tariŋoqnsib unub. Iga Qotei aqa segi tamo uŋgasari unum deqa a na iŋgi bole bole di iga egwa marsiq gereiyetgej unu.

Kolosi 3:13

Kristen tamo bei na niŋgi gulube eŋgimqa uŋgum gulube di qoboiyosib aqa une kobotetiye. Tamo Koba Kristus a na nuŋgo une kobotetŋgej deqa niŋgi dego degyiye.