Rom 15:6 - Yesus Aqa Anjam Bole

⁶ Sosib niŋgi kalil medabu qujaitosib gago Tamo Koba Yesus Kristus aqa Abu Qotei aqa ñam soqtoqniye.

Rom 15:6 ပူးပေါင်းရင်းမြစ်များ

Jon 20:17

Onaqa Yesus na Maria minjej, “Ni e ojaim. Di kiyaqa? E ijo Abu aqaq oqosaiunum deqa. Ariya ni ijo was naŋgoq gilsim endegsi minjre, ‘Yesus a marqo, “E ijo Abu aqaq olo oqwai. Ijo Abu agi nuŋgo Abu dego. Ijo Qotei agi nuŋgo Qotei dego.” ’ Ni gilsim naŋgi degsi minjre.”

Aposel 4:24

Sainjrnab qusibqa tulaŋ areboleboleinjrej. Deqa naŋgi kalil medabu qujaitosib Qotei endegsib pailyeb, “O Tamo Koba Qotei, ni na laŋ ti mandam ti yuwal ti iŋgi iŋgi kalil dego atem unub.

Aposel 4:32

Bati deqa tamo uŋgasari Yesus qa naŋgo areqalo siŋgilateb qaji naŋgi kalil areqalo qujaitosib soqneb. Tamo bei na aqa iŋgi iŋgi saiaosiq aqa segi qa marosaioqnej. Naŋgo iŋgi iŋgi kalil di koba qaji degsib maroqnsib Yesus aqa tamo uŋgasari kalil naŋgi jeisib enjroqneb.

2 Korin 1:3

Iga gago Tamo Koba Yesus Kristus aqa Abu Qotei aqa ñam soqtoqnqom. A gago Abu deqa a iga qa are tulaŋ boleiyeqnu. A iga qa dulqajqa utru. A tamo kalil gulube ti unub qaji naŋgo are latetnjro qaji Qotei.

2 Korin 11:31

Tamo Koba Yesus aqa Abu Qotei a qalie, e anjam bole maronum. E gisaŋosai. Deqa iga bati gaigai aqa ñam soqtoqnqom.

Efesus 1:17

A gago Tamo Koba Yesus Kristus aqa Qotei. A gago Abu riaŋ koba ti siŋgila ti unu qaji. Deqa e niŋgi qa endegsi pailyeqnum, “O Abu, ni na Efesus naŋgi areqalo bole enjrimqa naŋgi ino anjam aqa utru geregere poinjrim ni qa bole qalieoqnqab.”

Efesus 1:3

Iga Qotei aqa ñam soqtoqnqom. A gago Tamo Koba Yesus Kristus aqa Abu Qotei. A Kristus aqa wau na laŋ qaji iŋgi bole bole iga egej. A gago qunuŋ qa are qalsiq deqa iŋgi di iga egej.

Kolosi 1:3

Bati aqo Timoti wo pailyoqnsimqa iga niŋgi qa are qaloqnsim deqa iga gaigai gago Tamo Koba Yesus Kristus aqa Abu Qotei biŋiyeqnum.

1 Pita 1:3

Iga gago Tamo Koba Yesus Kristus aqa Abu Qotei aqa ñam soqtoqnqom. Qotei a iga qa tulaŋ dulosiqa Yesus Kristus olo subq na tigeltej. Gam dena Qotei na iga ŋambile bunuj egej. Ŋambile bunuj dena iga siŋgilatgejunu deqa iga iŋgi bole bole Qotei na mondoŋ egwas qaji deqa tariŋoqnsim unum.

Uli Anjam 1:6

Iga aqa Abu Qotei aqa atra tamo sqajqa deqa a na iga giltgej. Iga Qotei ombla mandor kokba sqajqa deqa ti iga giltgej. Yesus Kristus a bati gaigai ñam koba ti siŋgila koba ti sqas. Bole.