Rom 15:29 - Yesus Aqa Anjam Bole

²⁹ E qalieonum. E niŋgi qa bqai di e Kristus aqa kumbra bole osi bosiy niŋgi osorŋgitqa dena niŋgi siŋgilaqab.

Rom 15:29 ပူးပေါင်းရင်းမြစ်များ

Aposel 19:21

Bati bei Qotei aqa Mondor na Pol areqalo yonaqa a endegsi marej, “E Masedonia sawa ti Akaia sawa ti dia walweloqnsiyqa dena aisiy Jerusalem qureq di brantqai.” Osiqa marej, “Di koboamqa e Jerusalem uratosiy gilsiy Rom qure dego unqai.”

Rom 15:23

Ariya bini e sawa endia wau bei saiqoji. Wausau gargekoba e niŋgi nuŋgwajqa are qaloqnem.

Rom 15:32

Deqa Qotei na marim e niŋgi qa bosiy nuŋgsiy dena e areboleboleibqas. Osiy niŋgi koba na aqaratosiy dena siŋgila oqai.

2 Korin 1:15

E niŋgi qa ijo areqalo siŋgilatosim endegsi maronum, niŋgi ijo kumbra kalil qa areboleboleiŋgwas. Utru deqa e nami anjam endegsi qosem, e mati niŋgi qa bosiy nuŋgsiy olo niŋgi uratŋgsiy Masedonia sawaq gilsiy dena puluosiy bosiy niŋgi olo nuŋgwai. Deqa bati aiyel e niŋgi nuŋgwajqa are qalem. Yim ijo kumbra dena Qotei na niŋgi gereiŋgoaiyeltŋgwajqa deqa. E niŋgi olo uratŋgsiy Judia sawaq aiqa laqnitqa niŋgi silali qa aqaryaibibqa e gamq dia iŋgi bei qa truquaim deqa are qalem.

Efesus 1:3

Iga Qotei aqa ñam soqtoqnqom. A gago Tamo Koba Yesus Kristus aqa Abu Qotei. A Kristus aqa wau na laŋ qaji iŋgi bole bole iga egej. A gago qunuŋ qa are qalsiq deqa iŋgi di iga egej.

Efesus 3:8

Qotei aqa tamo uŋgasari kalil naŋgi na e tulaŋ buŋbejunub. Ariya Qotei a e qa are boleiyosiq wau ebej. E na sawa bei bei qaji tamo naŋgi Kristus aqa anjam bole minjre minjre laqajqa deqa osiq e wau ebej. Anjam bole di aqa utru agiende. Kristus na iga laŋ qaji iŋgi bole bole egeqnu. Iŋgi bole bole di aqa utru iga na ubtsim marqa keresai.

Efesus 4:13

Kristus aqa wau di gilsi gilsim bunuqna iga Kristen tamo uŋgasari kalil iga a qa gago areqalo siŋgilaboletosim koba na are qujaitosim sqom. Sosim bati deqa iga kalil Qotei aqa Ŋiri qa bole qalieqom. Kumbra dena iga tulaŋ boleoqnsim siŋgilaoqnsim Kristus aqa segi kumbra bole keretosim dauryqom.