Rom 15:28 - Yesus Aqa Anjam Bole

²⁸ Deqa e mati wau di kobotosiy silali di Jerusalem osiy gilsiy bunuqna e Spen sawaq aiqa osiy e niŋgi qa bosiy nuŋgwai.

Rom 15:28 ပူးပေါင်းရင်းမြစ်များ

Matyu 27:66

Pailat a naŋgi degsi minjrnaqa naŋgi na qaja tamo qudei naŋgi joqsib gilsib minjreb, “Niŋgi na sub me geregere taqatesoqniye.” Degsib minjrsib meniŋ kobaquja nami sub me getentesoqnej qaji di olo geregere siŋgilatosib sub meq di saga waiyeb. Tamo qudei naŋgi na Yesus aqa jejamu bajiŋqa bosib saga taqal atibqa naŋgi bunuqna bosib saga unqab. Dena naŋgi poinjrqas, naŋgi Yesus bajiŋonub. Deqa osib saga waiyeb.

Jon 3:33

Tamo naŋgi Yesus aqa anjam ojeqnub qaji naŋgi a qa naŋgo areqalo siŋgilatoqnsib mareqnub, “Bole, Qotei a anjam bole qa utru.” Naŋgi degsib mareqnub.

Aposel 19:21

Bati bei Qotei aqa Mondor na Pol areqalo yonaqa a endegsi marej, “E Masedonia sawa ti Akaia sawa ti dia walweloqnsiyqa dena aisiy Jerusalem qureq di brantqai.” Osiqa marej, “Di koboamqa e Jerusalem uratosiy gilsiy Rom qure dego unqai.”

Rom 15:24

Deqa e Spen sawaq aiqa osiyqa e mati niŋgi qa bosiy nuŋgsiy niŋgi ti koba na sokiñalayitqa niŋgi iŋgi iŋgi qa aqaryaibibqa e Spen sawaq aiqai.

Filipai 4:17

Niŋgi na e silali ebqajqa e deqa are qalosaieqnum. Niŋgi kumbra bole bole yoqnibqa Qotei na olo kamba niŋgi kumbra bole eŋgwajqa e deqa are qaleqnum.