Rom 15:24 - Yesus Aqa Anjam Bole

²⁴ Deqa e Spen sawaq aiqa osiyqa e mati niŋgi qa bosiy nuŋgsiy niŋgi ti koba na sokiñalayitqa niŋgi iŋgi iŋgi qa aqaryaibibqa e Spen sawaq aiqai.

Rom 15:24 ပူးပေါင်းရင်းမြစ်များ

Aposel 15:3

Naŋgi degsib anjam keretosib naŋgi qariŋnjrnab aieb. Naŋgi aioqnsibqa Fonisia sawa ti Samaria sawa ti dia Kristen tamo uŋgasari naŋgi itnjroqnsibqa endegsib minjroqneb, “Qotei na sawa bei bei qaji tamo uŋgasari naŋgi dego are bulyetnjreqnu.” Degsib minjreqnab naŋgi quoqnsib tulaŋ areboleboleinjroqnej.

Aposel 19:21

Bati bei Qotei aqa Mondor na Pol areqalo yonaqa a endegsi marej, “E Masedonia sawa ti Akaia sawa ti dia walweloqnsiyqa dena aisiy Jerusalem qureq di brantqai.” Osiqa marej, “Di koboamqa e Jerusalem uratosiy gilsiy Rom qure dego unqai.”

Aposel 21:5

Ariya bati 7-pela koboonaqa iga Pol ombla na qure di uratosim qobuŋ gogetqa marsim alile aiem. Kristen tamo uŋgasari naŋgo aŋgro ti naŋgi na iga suweigosib alile aisim dia iga koba na siŋga pulutosim Qotei pailyem.

Rom 1:12

Ijo areqalo agiende. E niŋgi qa bosiy niŋgi Yesus qa nuŋgo areqalo siŋgilateqnub qaji di unsiyqa dena ijo are siŋgilatqai. Ariya niŋgi dego e Yesus qa ijo areqalo siŋgilateqnum qaji di unsibqa dena nuŋgo are siŋgilatqab. Gam dena e ti niŋgi ti are siŋgilatosim sqom.

Rom 15:28

Deqa e mati wau di kobotosiy silali di Jerusalem osiy gilsiy bunuqna e Spen sawaq aiqa osiy e niŋgi qa bosiy nuŋgwai.

3 Jon 1:6

Kristen was qudei naŋgi ino qalaqalaiyo kumbra deqa saeqnab Kristen tamo uŋgasari endia unub qaji naŋgi queqnub. Ariya Kristen was naŋgi di olo tigelosib walwelqa laqnibqa ni na iŋgi iŋgi qa naŋgi aqaryainjre. Ni degyqam di kumbra bolequja. Ni Qotei aqa areqalo dauryosim naŋgi aqaryainjrim naŋgi gilqab.