Rom 14:7 - Yesus Aqa Anjam Bole

⁷ Iga qalie, gago ambleq di tamo bei a endegsi marqa keresai, “Ijo ŋambile di ijo segi. E segi na taqatejunum. E moiqai di e segi na marsiy moiqai.” A degsi marqa keresai.

Rom 14:7 ပူးပေါင်းရင်းမြစ်များ

Rom 14:9

Kristus a dego moisiq olo ŋambile osiq subq na tigelej. Di kiyaqa? A tamo ŋambile unub qaji ti tamo moreŋeb qaji naŋgi ti naŋgo Tamo Koba sqajqa deqa.

Rom 8:38

Od, Qotei na iga tulaŋ qalaqalaigeqnu. Deqa e endegsi ijo are siŋgilatosim qalieonum, iŋgi bei na Qotei getentim a na iga olo qalaqalaigwasai iŋgi dego bei sosai. Moio ti ŋambile ti laŋ aŋgro naŋgi ti mondor siŋgila naŋgi ti iŋgi iŋgi bini unub qaji naŋgi ti iŋgi iŋgi bunuqna branteleŋqab qaji naŋgi ti iŋgi iŋgi kalil siŋgila ejunub qaji naŋgi ti iŋgi iŋgi kalil laŋ goge di unub qaji naŋgi ti iŋgi iŋgi kalil mandam sorgomq di unub qaji naŋgi ti iŋgi iŋgi kalil Qotei na nami ateleŋej qaji naŋgi ti kalil dena Qotei getentqa keresai. Yim a na iga olo qalaqalaigwasai. Iga qalieonum, gago Tamo Koba Kristus Yesus aqa siŋgila na Qotei na iga qalaqalaigoqnsim sqas.

2 Korin 5:15

Iga ŋambile unum deqa iga gago segi jejamu qa are qalsim walwelqasai. Utru deqa a iga qa moiej. A gago sawa osiq moisiq olo subq na tigelej deqa iga a qa are qalsim walweloqnqom.

1 Tesalonaika 5:10

Yesus a iga qa moiej deqa iga ŋambile sqom kio iga moiqom kio di uŋgum. Iga Yesus koba na ŋambile gaigai sqom.

Taitus 2:14

Kristus a na iga eleŋosim gago une kalil kobotqajqa deqa marsiq aqa segi ŋambile uratosiq moiej. Iga aqa segi tamo uŋgasari boledamu sosim kumbra bole bole siŋgila na dauryoqnqajqa deqa marsiq aqa segi ŋambile uratej.

1 Pita 4:2

Deqa a mandamq endia jejamu korbi sosimqa a aqa areqalo namij olo dauryqasai. A Qotei aqa areqalo segi dauryoqnqas.