Rom 14:6 - Yesus Aqa Anjam Bole

⁶ Tamo qudei naŋgi yori bati qudei uneqnub. Di naŋgi Tamo Koba Yesus qa are qalsib deqa uneqnub. Tamo qudei naŋgi iŋgi iŋgi kalil uyeqnub. Di naŋgi Tamo Koba Yesus qa are qalsib deqa iŋgi iŋgi kalil uyeqnub. Di kiyaqa? Naŋgi iŋgi uyqa oqnsib Qotei pailyoqnsib uyeqnub. Tamo qudei naŋgi iŋgi qudei getenteqnub. Di naŋgi Tamo Koba Yesus qa are qalsib deqa getenteqnub. Naŋgi dego iŋgi getentqa oqnsib Qotei pailyoqnsib getenteqnub.

Rom 14:6 ပူးပေါင်းရင်းမြစ်များ

Matyu 14:19

Onaqa naŋgi na bem ti qe ti di osi bosib Yesus yonabqa a na tamo uŋgasari kalil naŋgi minjrej, “Niŋgi kalil ñiŋq di awoeleŋoiye.” Onaqa naŋgi kalil awoonabqa Yesus na bem 5-pela ti qe aiyel ti di osiqa laŋ goge tarosiq Qotei pailyej. Pailyo koboonaqa bem ti qe ti giŋgeŋyosiqa aqa aŋgro naŋgi enjrnaqa naŋgi na osi giloqnsibqa tamo uŋgasari naŋgi jeisib enjreqnab uyoqneb.

Matyu 15:36

Degsi minjrnaqa naŋgi kalil mandamq di awoonabqa Yesus na bem 7-pela ti qe ti di osiqa Qotei pailyosiqa bem ti qe ti giŋgeŋyosiqa aqa aŋgro naŋgi enjreqnaqa naŋgi na osi giloqnsibqa tamo uŋgasari naŋgi enjreqnab uyoqneb.

Jon 6:28

Onaqa naŋgi na kamba Yesus nenemyeb, “Iga wau kie yonamqa Qotei a marqas, ‘Di ijo wau bole agide’?”

Galesia 4:10

Niŋgi gaigai yori bati kokba unqajqa are qaleqnub. Niŋgi bai qala bunuj qa ti wausau bunuj qa ti deqa are koba qaleqnub.