Rom 14:5 - Yesus Aqa Anjam Bole

⁵ Tamo bei a endegsi are qalqas, “Bati qudei yori bati kokba. Bati qudei bati laŋaj.” Ariya tamo bei a marqas, “Sai. Bati kalil kerekere unub.” O was qu, niŋgi segi segi nuŋgo areqalo geregere tenemtosib areqalo bole ti soqniye.

Rom 14:5 ပူးပေါင်းရင်းမြစ်များ

Luk 1:1

O Tamo Koba Tiofilus, nami kumbra kalil Qotei a gago ambleq di yoqnej qaji di aqa wau tamo naŋgi unoqnsib iga saigoqneb. Deqa tamo gargekoba naŋgi qusib neŋgreŋyeleŋeb.

Rom 14:14

Tamo Koba Yesus a na e powo ebej deqa e qalieonum, iŋgi iŋgi kalil Qotei na ateleŋej qaji di aqa ŋamgalaq di jiga bei saiqoji. Ariya Kristen was bei a iŋgi bei qa endegsi are qalqas, “Iŋgi di jigat.” A degsi are qalqas deqa a iŋgi di getentqas.

Rom 14:23

Ariya tamo bei a iŋgi bei uyqa osim areqalo aiyeltosim uyqas di a une ti sqas. A Qotei qa aqa areqalo siŋgilatosiq ariya a qaliesai, a iŋgi di uyqas di kumbra bole kio sai kio. Degsim a une ti sqas. Iga Qotei qa gago areqalo siŋgilatosim ariya iga qaliesai, kumbra bei bole kio sai kio. Osim iga kumbra di yqom di iga une yonum.

Rom 4:21

A qalieej, anjam Qotei na nami minjej qaji di a dauryosim yqa kere.

1 Korin 8:11

Nuŋgo powo dena niŋgi na Kristen was bei di powo bole osai qaji a uneq waiyonub. Niŋgi qalie, Kristus a was deqa moiej.

1 Korin 8:7

Ariya Kristen tamo qudei naŋgi anjam deqa geregere poinjrosaiunu. Naŋgi nami iŋgi iŋgi oqnsib gisaŋ qotei naŋgo sulum atrainjroqneb deqa bini naŋgi endegsib are qaleqnub, “Iga sulum atrainjro qaji iŋgi di uyqom di iga sulum naŋgi di olo atrainjroqnqom. Dena iga unetqom.” O was qu, naŋgi powo bole osai deqa naŋgi degsib are qaleqnub.