Rom 14:23 - Yesus Aqa Anjam Bole

²³ Ariya tamo bei a iŋgi bei uyqa osim areqalo aiyeltosim uyqas di a une ti sqas. A Qotei qa aqa areqalo siŋgilatosiq ariya a qaliesai, a iŋgi di uyqas di kumbra bole kio sai kio. Degsim a une ti sqas. Iga Qotei qa gago areqalo siŋgilatosim ariya iga qaliesai, kumbra bei bole kio sai kio. Osim iga kumbra di yqom di iga une yonum.

Rom 14:23 ပူးပေါင်းရင်းမြစ်များ

Rom 13:2

Deqa tamo naŋgi mandor kokba naŋgo anjam gotraŋyqab di naŋgi Qotei aqa anjam dego gotraŋyonub. Naŋgo kumbra dena naŋgi awai uge oqab.

Rom 14:5

Tamo bei a endegsi are qalqas, “Bati qudei yori bati kokba. Bati qudei bati laŋaj.” Ariya tamo bei a marqas, “Sai. Bati kalil kerekere unub.” O was qu, niŋgi segi segi nuŋgo areqalo geregere tenemtosib areqalo bole ti soqniye.

1 Korin 8:7

Ariya Kristen tamo qudei naŋgi anjam deqa geregere poinjrosaiunu. Naŋgi nami iŋgi iŋgi oqnsib gisaŋ qotei naŋgo sulum atrainjroqneb deqa bini naŋgi endegsib are qaleqnub, “Iga sulum atrainjro qaji iŋgi di uyqom di iga sulum naŋgi di olo atrainjroqnqom. Dena iga unetqom.” O was qu, naŋgi powo bole osai deqa naŋgi degsib are qaleqnub.

Taitus 1:15

Tamo uŋgasari Qotei aqa ŋamgalaq di une saiqoji unub qaji naŋgi mareqnub, “Iŋgi iŋgi kalil Qotei na atej qaji di jiga saiqoji.” Osib uyeqnub. Ariya tamo uŋgasari kumbra jigat dauryoqnsib Kristus qa naŋgo areqalo siŋgilatosaieqnub qaji naŋgi mareqnub, “Iŋgi iŋgi kalil Qotei na atej qaji di jigat.” Osib uyqa urateqnub. Di kiyaqa? Naŋgo areqalo ti naŋgo are miligi ti di tulaŋ jigat deqa.

Hibru 11:6

Ariya was qu, tamo naŋgi Qotei qa naŋgo areqalo siŋgilatqasai di naŋgi Qotei aqa areqalo dauryqa keresai. Di kiyaqa? Tamo naŋgi Qotei aqa areq gilqa osibqa naŋgi mati a qa naŋgo areqalo siŋgilatosib marqab, “Qotei a unu. Deqa iga a qa ŋamosim gilsim itqom di a na awai boledamu iga egwas.” Tamo naŋgi degsib marqab di naŋgi Qotei aqa areqalo dauryqab.