Rom 14:22 - Yesus Aqa Anjam Bole

²² Niŋgi Qotei qa nuŋgo areqalo siŋgilateqnub deqa niŋgi qalie, niŋgi iŋgi iŋgi kalil uyqa kere. Ariya niŋgi iŋgi bei uyib nuŋgo was bei a unsim uneq aiaim deqa niŋgi nuŋgo qalie di nuŋgo are miligiq di ulitib soqnem. Yim Qotei a segi unqas. Tamo bei a iŋgi bei bole qa marsim uyqa are gulubeiyqasai di a arebolebole na uyem.

Rom 14:22 ပူးပေါင်းရင်းမြစ်များ

Aposel 24:16

E subq na tigelo bati qa tariŋeqnum deqa e bati gaigai ijo segi so geregere taqatoqnsimqa Qotei aqa ŋamdamuq dia, tamo uŋgasari kalil naŋgo ŋamdamuq dia kumbra bole bole yoqnsim laqnum.

Rom 14:14

Tamo Koba Yesus a na e powo ebej deqa e qalieonum, iŋgi iŋgi kalil Qotei na ateleŋej qaji di aqa ŋamgalaq di jiga bei saiqoji. Ariya Kristen was bei a iŋgi bei qa endegsi are qalqas, “Iŋgi di jigat.” A degsi are qalqas deqa a iŋgi di getentqas.

Rom 14:2

Tamo qudei naŋgi Yesus qa naŋgo areqalo siŋgilateqnub deqa naŋgi iŋgi uyo bei getentosaieqnub. Kalil uyeqnub. Ariya tamo qudei naŋgo areqalo kiñala siŋgilaosaiunu deqa naŋgi wagme qudei uyosaieqnub. Kalil getenteqnub.

Rom 14:23

Ariya tamo bei a iŋgi bei uyqa osim areqalo aiyeltosim uyqas di a une ti sqas. A Qotei qa aqa areqalo siŋgilatosiq ariya a qaliesai, a iŋgi di uyqas di kumbra bole kio sai kio. Degsim a une ti sqas. Iga Qotei qa gago areqalo siŋgilatosim ariya iga qaliesai, kumbra bei bole kio sai kio. Osim iga kumbra di yqom di iga une yonum.

Rom 14:5

Tamo bei a endegsi are qalqas, “Bati qudei yori bati kokba. Bati qudei bati laŋaj.” Ariya tamo bei a marqas, “Sai. Bati kalil kerekere unub.” O was qu, niŋgi segi segi nuŋgo areqalo geregere tenemtosib areqalo bole ti soqniye.

Rom 2:1

Niŋgi qudei tamo naŋgo jejamuq di anjam qametnjreqnub qaji niŋgi segi segi e na endegsi merŋgwai. Ni segi une saiqoji qa marqa keresai. Ni que. Ni na tamo naŋgo jejamuq di anjam qametnjreqnum di ni segi dego ino jejamuq di anjam qameqnum. Di kiyaqa? Kumbra uge naŋgi yeqnub qaji di ni segi dego yeqnum.

Rom 7:15

Kumbra e yeqnum qaji di aqa utru e poibosai. Kumbra e yqajqa arearetbeqnu qaji di e olo yosaieqnum. Ariya kumbra e yqajqa arearetbosaieqnu qaji di e olo yeqnum.

Rom 7:24

Gulube dena ijo areqalo tulaŋ ugetetbeqnu! Deqa tamo yai na e aqaryaibimqa e ijo jejamu moiqas qaji endi olo uratqai?

1 Korin 8:7

Ariya Kristen tamo qudei naŋgi anjam deqa geregere poinjrosaiunu. Naŋgi nami iŋgi iŋgi oqnsib gisaŋ qotei naŋgo sulum atrainjroqneb deqa bini naŋgi endegsib are qaleqnub, “Iga sulum atrainjro qaji iŋgi di uyqom di iga sulum naŋgi di olo atrainjroqnqom. Dena iga unetqom.” O was qu, naŋgi powo bole osai deqa naŋgi degsib are qaleqnub.

2 Korin 1:12

O was qu, e ijo kumbra bei endeqa tulaŋ areboleboleibqo. Ijo are miligiq di e qalieonum, e kumbra bole tiŋtiŋ segi dauryoqnsim yeqnum. Kumbra Qotei na osorbej qaji di segi e dauryoqnsim yeqnum. E mandam tamo naŋgoq dena powo osim kumbra di yosaieqnum. Qotei a e qa are boleiyosiq kumbra di osorbej deqa e yeqnum. Deqa e tamo uŋgasari kalil naŋgo ambleq dia kumbra di yeqnum. Agi e nuŋgo ambleq di dego nami kumbra di tulaŋ koba yoqnem.

Galesia 6:1

O was qu, nuŋgo ambleq di tamo bei a une bei atim unsibqa niŋgi Qotei aqa Mondor dauryeqnub qaji niŋgi na tamo di lawo na osib aqa kumbra gereiyetiye. Ariya niŋgi geregere ŋam atsib soqniye. Satan a na niŋgi dego uneq waiŋgimqa niŋgi uloŋo uge.

Jems 3:13

Nuŋgo ambleq di tamo qudei naŋgi areqalo bole ti powo ti unub kio? Tamo deqaji qudei naŋgi sosibqa naŋgo walwel bole yoqnebe. Naŋgi diqoqnsib naŋgo segi ñam soqtoqnaib. Naŋgi areqalo bole ti powo ti sosib kumbra bole bole yoqnebe. Yim tamo naŋgi naŋgo kumbra di unsib marqab, “Naŋgi tamo bole.”

1 Jon 3:21

Deqa ijo kadoi bole, iga gago une bei qa are gulubeigwasai di iga Qotei aqa ulatamuq di siŋgila na tigelesqom.