Rom 14:14 - Yesus Aqa Anjam Bole

¹⁴ Tamo Koba Yesus a na e powo ebej deqa e qalieonum, iŋgi iŋgi kalil Qotei na ateleŋej qaji di aqa ŋamgalaq di jiga bei saiqoji. Ariya Kristen was bei a iŋgi bei qa endegsi are qalqas, “Iŋgi di jigat.” A degsi are qalqas deqa a iŋgi di getentqas.

Rom 14:14 ပူးပေါင်းရင်းမြစ်များ

Mak 7:2

Koroosib ŋam ateb Yesus aqa aŋgro qudei naŋgi iŋgi uyqa osib mati baŋ yansosaisosib laŋa uyeqnab unjreb.

Aposel 10:28

Unjrsiqa minjrej, “Niŋgi qalie, e Juda tamo. Niŋgi Juda tamo sai. Niŋgi sawa bei bei qaji tamo. Deqa gago Juda kumbra agiende. Iga nuŋgo tal gogetqajqa getento koba. Iga niŋgi koba na laqajqa dego getento koba. Moses aqa dal anjam nami degsi neŋgreŋyej unu. Di uŋgum. Qotei na e endegsi merbej, ‘Sawa bei bei qaji tamo naŋgi ijo ŋamdamuq di tamo bolesai edegaim.’ Qotei na e degsi merbej.

Rom 14:2

Tamo qudei naŋgi Yesus qa naŋgo areqalo siŋgilateqnub deqa naŋgi iŋgi uyo bei getentosaieqnub. Kalil uyeqnub. Ariya tamo qudei naŋgo areqalo kiñala siŋgilaosaiunu deqa naŋgi wagme qudei uyosaieqnub. Kalil getenteqnub.

Rom 14:20

Niŋgi iŋgi uyo qa are qalsib dena Qotei aqa wau ugetaib. Bole, niŋgi iŋgi iŋgi kalil uyqa kere. Ariya niŋgi iŋgi bei uysib dena nuŋgo was bei uneq waiyqab di niŋgi kumbra uge yonub.

Rom 14:23

Ariya tamo bei a iŋgi bei uyqa osim areqalo aiyeltosim uyqas di a une ti sqas. A Qotei qa aqa areqalo siŋgilatosiq ariya a qaliesai, a iŋgi di uyqas di kumbra bole kio sai kio. Degsim a une ti sqas. Iga Qotei qa gago areqalo siŋgilatosim ariya iga qaliesai, kumbra bei bole kio sai kio. Osim iga kumbra di yqom di iga une yonum.

1 Korin 10:25

Niŋgi maket dena damu awaiyoqnsib uyoqniye. Damu di nami sulum naŋgi atrainjroqneb kio sai kio niŋgi deqa are koba qalsib nenemoqnaib. Niŋgi osib uyoqniye.

1 Korin 8:10

Niŋgi powo ti unub qaji niŋgi sulum naŋgo atra tal miligiq gilsib dia iŋgi uyoqnib Kristen was bei powo bole osai qaji a bosim niŋgi nuŋgsimqa a endegsi are qalqas, “Kristen was qu naŋgi di iŋgi iŋgi di uyeqnub deqa uŋgum, e dego uyqai.” Osim a uloŋosim uneq aiqas.

1 Korin 8:7

Ariya Kristen tamo qudei naŋgi anjam deqa geregere poinjrosaiunu. Naŋgi nami iŋgi iŋgi oqnsib gisaŋ qotei naŋgo sulum atrainjroqneb deqa bini naŋgi endegsib are qaleqnub, “Iga sulum atrainjro qaji iŋgi di uyqom di iga sulum naŋgi di olo atrainjroqnqom. Dena iga unetqom.” O was qu, naŋgi powo bole osai deqa naŋgi degsib are qaleqnub.

1 Timoti 4:4

Iga qalie, iŋgi iŋgi kalil Qotei na atej qaji di bole. Deqa iga iŋgi bei getentqasai. Iga Qotei biŋiyoqnsim iŋgi iŋgi kalil di oqnqom.

Taitus 1:15

Tamo uŋgasari Qotei aqa ŋamgalaq di une saiqoji unub qaji naŋgi mareqnub, “Iŋgi iŋgi kalil Qotei na atej qaji di jiga saiqoji.” Osib uyeqnub. Ariya tamo uŋgasari kumbra jigat dauryoqnsib Kristus qa naŋgo areqalo siŋgilatosaieqnub qaji naŋgi mareqnub, “Iŋgi iŋgi kalil Qotei na atej qaji di jigat.” Osib uyqa urateqnub. Di kiyaqa? Naŋgo areqalo ti naŋgo are miligi ti di tulaŋ jigat deqa.