Rom 14:12 - Yesus Aqa Anjam Bole

¹² Qotei aqa anjam degsi unu. Deqa iga qalieonum, iga segi segi kalil Qotei aqa ulatamuq di tigelosim gago kumbra kalil babtosim minjnam a quqwas.

Rom 14:12 ပူးပေါင်းရင်းမြစ်များ

Matyu 12:36

“Ariya e niŋgi endegsi merŋgwai. Mondoŋ Qotei na tamo naŋgo une qa peginjrqa batiamqa tamo uŋgasari naŋgo anjam kalil naŋgi laŋa laŋa mareqnub qaji di Qotei na naŋgo jejamuq di atsim naŋgi peginjrqas.

Matyu 16:27

E Tamo Aŋgro. Mondoŋ e ijo Abu aqa riaŋ ti sosiy aqa laŋ aŋgro naŋgi joqsiy bosiy tamo uŋgasari kalil naŋgo kumbra segi segi qa peginjrsiy naŋgo segi segi awai keretsiy enjrqai.

Luk 16:2

Degsi minjnabqa a na ñoro taqato tamo di metonaq aqa areq bonaqa minjej, ‘Ni qa anjam degsi merbonubqa e quonum. Ni kiyaqa kumbra degyonum? Deqa ni ijo ñoro kalil uyonum qaji di sisiyosim merbimqa e geregere qalieosiy ni kobotmqai. Yim ni ijo ñoro olo taqatoqnqasai.’

2 Korin 5:10

Di kiyaqa? Iga qalieonum, mondoŋ iga kalil Kristus aqa ulatamuq dia tigelimqa a na gago kumbra qa iga pegigwas. Iga mandamq endia kumbra bole kio kumbra uge kio yoqnem di a unsim awai segi segi egwas.

Galesia 6:5

Di kiyaqa? Tamo kalil naŋgi naŋgo segi segi kumbra gereiyosib walweloqnqab.

1 Pita 4:5

Ariya mondoŋ tamo naŋgi di Qotei aqa ulatamuq dia tigelosib naŋgo une di palontqab. Bati deqa Qotei na tamo ŋambile so qaji ti tamo moreŋo qaji naŋgi ti naŋgo kumbra qa peginjrsimqa naŋgi awai segi segi enjrqas.