Rom 14:11 - Yesus Aqa Anjam Bole

¹¹ Agi Qotei aqa anjam bei nami endegsib neŋgreŋyeb unu, “E segi Tamo Koba. E ŋambile gaigai unum qaji. Deqa e anjam bole endegsi marqai. Mondoŋ tamo uŋgasari kalil naŋgi e qa bosib ijo areq di siŋga pulutosib naŋgo medabu qujaitosib merbqab, ‘Ni segi Qotei.’”

Rom 14:11 ပူးပေါင်းရင်းမြစ်များ

Matyu 10:32

Osiqa Yesus a olo anjam endegsi minjrej, “Tamo naŋgi ijo ñam tamo uŋgasari naŋgo ulatamuq dia mareqnub qaji mondoŋ e kamba ijo Abu laŋ qureq di unu qaji aqa ulatamuq dia naŋgo ñam dego marqai.

Rom 10:9

Deqa niŋgi nuŋgo medabu waqtosib Yesus a segi qujai Tamo Koba degsib boleq na marqab di Qotei na niŋgi oqas. Qotei a Yesus subq na olo tigeltej anjam di nuŋgo are miligiq di siŋgilatosib sqab di Qotei na niŋgi oqas.

Rom 15:9

Ariya Kristus a sawa bei bei qaji naŋgi qa dego wauoqnej. Di kiyaqa? Qotei a naŋgi qa dego are tulaŋ boleiyej. Aqa kumbra di naŋgi unsib aqa ñam soqtqajqa deqa Kristus a wauoqnej. Agi Qotei aqa anjam bei nami endegsib neŋgreŋyeb unu, “E sawa bei bei qaji naŋgo ambleq dia ino ñam soqtqai. E ino ñam soqtqa osiy ni qa louoqnqai.”

1 Jon 4:15

Tamo bei a endegsi marqas, “Yesus a Qotei aqa Ŋiri.” Degsi marqas deqa Qotei na a beteryesqas. Yimqa a na kamba dego Qotei beteryesqas.

2 Jon 1:7

Niŋgi quiye. Tamo gargekoba naŋgi iga gisaŋgwa maroqnsib mandam endia laqnub. Yesus Kristus a tamo bulyosiq mandamq aiej anjam di naŋgi olo saideqnub. Tamo deqaji naŋgi gisaŋ tamo. Naŋgi Kristus jeuteqnub.

Uli Anjam 5:14

Onaqa wagme qolqe ŋambile so qaji naŋgi na maroqneb, “Anjam di bole.” Degsib mareqnabqa gate kokba naŋgi na Qotei wo Kaja Du wo naŋgo areq di siŋga pulutoqnsib biŋinjroqneb.