Rom 14:10 - Yesus Aqa Anjam Bole

¹⁰ Niŋgi kiyaqa nuŋgo Kristen was naŋgo kumbra laŋa tenemtoqnsib naŋgi uge qa minjreqnub? Osib naŋgi misiliŋnjreqnub? Niŋgi qalie, mondoŋ iga kalil Qotei aqa ulatamuq di tigelamqa a na iga pegigwas.

Rom 14:10 ပူးပေါင်းရင်းမြစ်များ

Matyu 7:1

Osiqa Yesus a olo anjam endegsi minjrej, “Niŋgi tamo qudei naŋgo kumbra qa naŋgi peginjrsib naŋgi tamo uge qa minjraib. Yimqa Qotei a kamba dego nuŋgo kumbra qa niŋgi pegiŋgwasai.

Luk 18:9

Tamo qudei naŋgi mareqnub, “Iga tamo bole. Iga tamo qudei naŋgi unub dego sai. Naŋgi tamo uge.” Tamo qudei naŋgi degsib mareqnub. Deqa Yesus na tamo deqaji naŋgi yawo anjam endegsi minjrej,

Luk 23:11

Onaqa Herot a naŋgo anjam di qusiqa aqa qaja tamo qudei naŋgi minjrnaqa bosib Yesus tulaŋ ugeugeiyosib misiliŋyoqneb. Yesus a segi Mandor Koba degsi maroqnej deqa naŋgi gara jugo olekoba mandor kokba naŋgi gaigai jigeqnub deqaji bei osib jigetosib qariŋyonab olo Pailat aqaq aiej.

Jon 5:22

Ijo Abu na tamo naŋgo une qa naŋgi peginjrosaieqnu. E aqa segi Ŋiri deqa a na wau di e ebej. Deqa e na tamo naŋgo une qa naŋgi peginjreqnum.

Aposel 10:42

Yesus a na nami iga endegsi mergej, ‘Niŋgi na tamo uŋgasari naŋgi e qa endegsib minjroqniye, “Yesus a segi qujai Qotei na giltej qaji. Deqa mondoŋ a na qujai tamo ŋambile unub qaji ti tamo nami moreŋeb qaji naŋgi ti naŋgo une qa peginjrsim naŋgi ŋamyuoq wainjrqas.” ’ Yesus a na nami iga degsi mergej.

Aposel 17:31

Qotei a na bati atej unu. Bati di brantimqa a na tamo uŋgasari kalil naŋgo une qa peginjrqas. Aqa segi kumbra bole na ti aqa Ŋiri Yesus Kristus giltej qaji aqa baŋ na ti naŋgo une qa peginjrqas. Tamo uŋgasari naŋgi di qalieqajqa deqa Qotei na Yesus subq na olo tigeltej.”

Aposel 4:11

Yesus a tal aqa ai bul. Niŋgi tal gereiyo qaji tamo bul. Niŋgi na tal aqa ai di arqsibqa uge qa marsib taqal waiyeb. Onaqa Qotei na tal aqa ai di olo osiqa tal siŋgilatqajqa deqa tumaq di tigeltej unu.

1 Korin 4:5

Qotei na tamo naŋgo une qa peginjrqa bati brantosaiunu deqa niŋgi na tamo qudei naŋgi une ti qa minjraib. Niŋgi mati tariŋesoqnibqa mondoŋ Tamo Koba Yesus a bosimqa a segi na iŋgi iŋgi kalil ambruq di uliejunub qaji di suwaŋoq di atqas. Osim tamo kalil naŋgo areqalo dego boleq atqas. Yim bati deqa Qotei a gago segi segi kumbra geregere pegiyosim mergwas.

2 Korin 5:10

Di kiyaqa? Iga qalieonum, mondoŋ iga kalil Kristus aqa ulatamuq dia tigelimqa a na gago kumbra qa iga pegigwas. Iga mandamq endia kumbra bole kio kumbra uge kio yoqnem di a unsim awai segi segi egwas.