Rom 14:1 - Yesus Aqa Anjam Bole

¹ Tamo bei a Yesus qa aqa areqalo siŋgilateqnu ariya aqa areqalo di kiñala siŋgilaosaiunu. Deqa niŋgi a qoreiyaib. Niŋgi a osib Kristen naŋgo ambleq osib boiye. Niŋgi aqa kumbra qudei uge qa minjsib a ombla anjam na qotoqnaib.

Rom 14:1 ပူးပေါင်းရင်းမြစ်များ

Matyu 12:20

Silai aqa baŋga a geŋqa laqnimqa a na torei gentqasai. Lam aqa puloŋ kiñalaamqa a na torei mosotqasai. A degsim wauosim gilsim gilsim a na kumbra tiŋtiŋ torei siŋgilatqas.

Matyu 14:31

Onaqa Yesus na aqa baŋ waiysiq Pita ojsiq soqtej. Osiqa minjej, “Kiyaqa ni areqalo aiyeltonum? Ni e qa ino areqalo siŋgilatqa yonum keresaiimqo deqa ni tuqonum.”

Matyu 18:10

“Deqa niŋgi aŋgro kiñilala e qa naŋgo areqalo siŋgilateqnub qaji naŋgi qa ugeaib. E niŋgi endegsi merŋgwai. Naŋgo laŋ aŋgro naŋgi na naŋgi taqatnjroqnsibqa ijo Abu laŋ qureq di unu qaji aqa ulatamu bati gaigai unoqnsib naŋgi qa pailyeqnub.

Luk 17:2

Tamo dena ijo aŋgro kiñala endego bei e qa aqa areqalo siŋgilatqo qaji di osim uneq waiyqas di uge. Tamo qudei naŋgi na tamo di ojsib meniŋ kobaquja osib sil na aqa kakoroq di tontosib waiyib ya robuq aisim moiqas di kere. Deqa niŋgi segi segi geregere ŋam atsib soqniye.

Jon 13:20

Niŋgi quiye. E bole merŋgwai. Tamo bei na tamo bei e qariŋyonum qaji a oqas di a e dego oqas. A e oqas di a na ijo Abu e qariŋbej qaji a dego oqas.”

Aposel 28:2

Onaqa tamo uŋgasari nui dia soqneb qaji naŋgi kumbra tulaŋ boledamu ysibqa iga geregereigeb. Osib awa boqnej deqa iga yorgonaqa ŋam tuŋguyosib mergeb, “Niŋgi bosib ŋamyuo areq endi awooiye.” Onaqa iga ŋamyuo areq di awoonam jejamu kaŋkaŋgej.

Rom 11:15

Bati Qotei na Israel naŋgi walinjrsiqa bati deqa a na tamo uŋgasari sawa bei beiq di unub qaji naŋgo jeu kobotej. Deqa iga bole qalieonum, bati Qotei na Israel naŋgi olo eleŋosim bati deqa a na tamo uŋgasari kalil moreŋeb qaji naŋgi dego olo subq na tigeltnjrqas.

Rom 14:2

Tamo qudei naŋgi Yesus qa naŋgo areqalo siŋgilateqnub deqa naŋgi iŋgi uyo bei getentosaieqnub. Kalil uyeqnub. Ariya tamo qudei naŋgo areqalo kiñala siŋgilaosaiunu deqa naŋgi wagme qudei uyosaieqnub. Kalil getenteqnub.

Rom 14:21

Deqa niŋgi kumbra di uratiye. Niŋgi wagme kio niŋgi wain kio uysibqa o kumbra bei kio ysibqa dena nuŋgo was bei uneq waiyqab di niŋgi kumbra uge yonub.

Rom 14:3

Ariya tamo naŋgi iŋgi iŋgi kalil uyeqnub qaji naŋgi na olo tamo naŋgi wagme getenteqnub qaji naŋgi uge qa minjraib. Tamo naŋgi wagme getenteqnub qaji naŋgi na tamo naŋgi iŋgi iŋgi kalil uyeqnub qaji naŋgi dego uge qa minjraib. Qotei na naŋgi ti niŋgi ti eleŋej.

Rom 15:1

Iga Kristen tamo siŋgila ti unum qaji iga na Kristen was qudei siŋgila saiqoji unub qaji naŋgi aqaryainjroqnsim naŋgo gulube qoboiyetnjroqnqom. Iga gago segi jejamu aqaryaiyqajqa are qalqasai.

Rom 15:7

Kristus a nami niŋgi osiq geregereiŋgej dego kere niŋgi dego nuŋgo Kristen was qu naŋgi oqnsib geregereinjroqniye. Yim nuŋgo kumbra dena niŋgi Qotei aqa ñam tulaŋ soqtoqnqab.

Rom 4:19

Abraham aqa wausau 100. Deqa aqa siŋgila koboej. Aqa ŋauqali Sara a dego tulaŋ qeliej. Deqa a aŋgrotqa keresai. Abraham a di qalieej ariya a Qotei qa aqa areqalo siŋgilatosiq ojesoqnej.

1 Korin 9:22

Tamo naŋgi siŋgila saiqoji unub qaji naŋgi dego e na oqajqa deqa e naŋgo kumbra dauryoqnsim siŋgila saiqoji sobulosim dena e na naŋgi are bulyetnjreqnam naŋgi Kristus aqaq beqnub. O was qu, e tamo kalil naŋgo sorgomq di sosim naŋgo kumbra dauryeqnum. Di kiyaqa? E na naŋgi qudei are bulyetnjroqnit naŋgi Kristus aqaq bqajqa deqa.

Filipai 2:29

Deqa niŋgi Epafroditus a qa tulaŋ arebolebo-leiŋgim Tamo Koba Yesus aqa ñam na gereiyoqniye. Niŋgi tamo bole deqaji kalil naŋgo ñam gaigai soqtoqniye.

1 Tesalonaika 5:14

O was qu, iga na nuŋgo are tigeltetŋgimqa niŋgi na tamo naŋgi wauqajqa asginjreqnu qaji naŋgo kumbra olo tingi-tetnjroqniye. Osib tamo naŋgi ulaeqnub qaji naŋgo are siŋgila-tetnjroqniye. Osib tamo siŋgila saiqoji unub qaji naŋgi olo aqaryainjroqniye. Osib tamo kalil naŋgi lawo na geregereinjroq-niye.

Hibru 5:14

Ariya tamo naŋgi kokbaonub qaji naŋgi iŋgi siŋgila uyeqnub. Naŋgi bati gargekoba Qotei aqa anjam dauryoqneb deqa naŋgi kumbra bole ti kumbra uge ti geregere peginjreqnub.

2 Jon 1:10

Tamo bei a niŋgi qa bosim ariya a Kristus aqa anjam ti bqasai di niŋgi a baŋ ojaib. Niŋgi a osib nuŋgo talq osi gilaib.