Rom 12:15 - Yesus Aqa Anjam Bole

¹⁵ Kristen was qudei naŋgi areboleboleinjrimqa niŋgi kamba dego naŋgi koba na areboleboleiŋgeme. Ariya was qudei naŋgi akamoqnibqa niŋgi kamba dego naŋgi koba na akamoiye.

Rom 12:15 ပူးပေါင်းရင်းမြစ်များ

Luk 1:58

Onaqa aqa qure qujai naŋgi ti aqa leŋ qujai naŋgi ti kalil endegsi poinjrej, “Tamo Koba Qotei a Elisabet qa tulaŋ dulosiq deqa aqa miligi gereiyqoqa aŋgro mel ŋambabtqo.” Naŋgi degsi poinjrnaqa Elisabet aqa talq gilsib a ti koba na areboleboleinjrej.

Jon 11:19

Deqa Juda tamo uŋgasari gargekoba Betani qureq bosib Marta wo Maria wo naŋgo jaja moiej deqa are latetnjrqajqa koroosib soqneb.

Aposel 11:23

Aisiqa Qotei a naŋgi qa dego are boleiyoqnsiqa aqaryainjroqnej di unej. Unsiqa tulaŋ areboleboleiyej. Deqa a na naŋgi kalil are siŋgilatetnjroqnsiqa minjroqnej, “Niŋgi Tamo Koba Yesus gaigai dauryoqnsib soqniye.”

1 Korin 12:26

Deqa jejamu sarqei bei a jaqatiŋ oqas di jejamu sarqei kalil naŋgi dego jaqatiŋ oqab. Jejamu sarqei qujai a ñam koba oqas di jejamu sarqei kalil naŋgi a ombla na areboleboleinjrqas.

2 Korin 11:29

Deqa Kristen was bei aqa siŋgila saiamqa e was deqa are koba qalsiy e segi dego siŋgila saibqas. Iŋgi bei na Kristen was bei a uneq waiyimqa e was deqa are koba qalsiy are ugeibqas.

2 Korin 2:3

Deqa e niŋgi qa olo bosiy are gulube oqa uratonum. Utru deqa e nami anjam bei di neŋgreŋyosim niŋgi qa qariŋyem. O was qu, e qalieonum, e iŋgi bei qa areboleboleibqas di niŋgi kalil dego e ti koba na areboleboleigwas.

Filipai 2:26

A niŋgi nuŋgwajqa are koba qaleqnu. A qalie, a nami maiyonaqa niŋgi di qusibqa a qa are gulubeiŋgej.

Filipai 2:28

Deqa was qu, e arebolebole na Epafroditus qariŋyonam niŋgi qa bej. Niŋgi a unsibqa tulaŋ areboleboleiŋgwajqa deqa marsim a qariŋyonam niŋgi qa bej. Deqa e dego olo are gulubeibqasai.

Hibru 13:3

Ariya Qotei aqa tamo uŋgasari qudei naŋgi tonto talq di unub. Deqa niŋgi naŋgi uratnjraib. Niŋgi naŋgi qa are qaloqnsib koba na tonto talq di sobulosib naŋgi geregereinjroqniye. Ariya jeu tamo naŋgi na Kristen tamo qudei naŋgi ugeugeinjroqnsib jaqatiŋ enjreqnub. Deqa niŋgi naŋgi qa dego are qaloqnsib koba na jaqatiŋ obuloqnsib naŋgi geregereinjroqniye. Di kiyaqa? Niŋgi naŋgi ti Kristen was qu deqa. Niŋgi qalie, niŋgi mandamq endi sonabqa jeu tamo naŋgi na niŋgi dego ugeugeiŋgeqnub.