Rom 11:29 - Yesus Aqa Anjam Bole

²⁹ Iga qalie, Qotei na aqa segi tamo uŋgasari naŋgi metnjroqnsiq iŋgi bole bole enjreqnu. Aqa kumbra di a olo uratqa keresai.

Rom 11:29 ပူးပေါင်းရင်းမြစ်များ

Rom 11:30

Nami niŋgi Qotei aqa anjam gotraŋyoqneb. Ariya bini Israel naŋgi kamba Qotei aqa anjam gotraŋyeqnub. Gam dena Qotei a olo niŋgi qa are boleiyoqnsiq eleŋeqnu.

Rom 8:28

Iga qalieonum, Qotei na tamo uŋgasari kalil a tulaŋ qalaqalaiyeqnub qaji naŋgi geregere taqatnjreqnu. Deqa kumbra kalil naŋgoq di branteqnu qaji dena naŋgi olo boletnjreqnu. Tamo naŋgi di Qotei na nami oqa marsiq metnjrej.

Rom 8:30

Ariya tamo naŋgi Qotei na nami giltnjrej qaji naŋgi di a na metnjrej dego. Tamo naŋgi a na metnjrej qaji naŋgi di a na tamo bole une saiqoji qa minjrej. Tamo naŋgi a na tamo bole une saiqoji qa minjrej qaji naŋgi di a na aqa segi ŋambile bole ti ñam koba ti enjrej.

1 Korin 1:26

O was qu, niŋgi are qaliye. Qotei na niŋgi metŋgej bati deqa niŋgi gargekoba mandam tamo naŋgo ŋamgalaq di powo ti sosai. Niŋgi gargekoba siŋgila ti ñam ti sosai.

Efesus 1:18

Ijo areqalo agiende. Qotei na nuŋgo areqalo suwantetŋgimqa iŋgi bole bole a nami niŋgi eŋgwa osiq metŋgej qaji di niŋgi poiŋgwajqa deqa. Agi niŋgi iŋgi di oqajqa tariŋoqnsib unub. Iga Qotei aqa segi tamo uŋgasari unum deqa a na iŋgi bole bole di iga egwa marsiq gereiyetgej unu.

Efesus 4:1

E Pol. E Tamo Koba Yesus aqa wau ojeqnum deqa e tonto talq endi unum. Qotei na niŋgi a dauryqa osiq metŋgej deqa e na nuŋgo are tigeltetŋgitqa niŋgi kumbra a tulaŋ areareteqnu qaji di dauryosib walweloqniye.

Efesus 4:4

Iga kalil tamo qujaionum. Deqa iga Kristus aqa jejamu qujai. Iga kalil Mondor qujai ejunum. Deqa Qotei na niŋgi iŋgi qujai qa tariŋqa osiq metŋgej. Iŋgi qujai di agi laŋ qaji iŋgi bole bole a na mondoŋ iga egwas qaji.

Filipai 3:14

Tamo naŋgi gurguroqnsib bubuŋeqnub di naŋgi awai oqajqa. Dego kere e awai oqa maroqnsim siŋgila na urureqnum. Awai agiende. Kristus Yesus aqa wau na Qotei na e metbimqa e laŋ qureq oqsiy dia a ombla bole gaigai sqai.

2 Tesalonaika 1:11

Deqa was qu, iga bati gaigai niŋgi qa osim gago Qotei endegsi pailyeqnum, “O Abu, ni na Tesalonaika Kristen naŋgi aqaryainjroqnimqa kumbra kalil ni nami naŋgi dauryqa metnjrem qaji di naŋgi dauryoqnibqa ni unsim minjrqam, ‘Niŋgi keretonub.’ O Abu, ni na naŋgi siŋgilatnjrimqa kumbra bole kalil naŋgi yqajqa arearetnjreqnu qaji di naŋgi yoqnqab. Osib Yesus qa naŋgo areqalo siŋgilatoqnsib aqa wau geregere ojqab.” O was qu, iga degsim niŋgi qa Qotei pailyeqnum.

2 Timoti 1:9

Qotei a na iga eleŋosiqa iga aqa segi tamo uŋgasari sqajqa deqa metgej. Iga nami kumbra bole yoqnem a deqa are qalsiq iga metgosai. Tulaŋ nami a iŋgi iŋgi kalil atosaisosiqa a aqa segi areqalo na iga metgosiqa Kristus Yesus aqa wau na iga qa are boleiyosiqa eleŋej.

Hibru 3:1

O Kristen was qu, Qotei laŋ qureq di unu qaji a na niŋgi dego metŋgej deqa niŋgi Yesus qa are qaloqniye. Qotei na Yesus qariŋyonaq mandamq aiej. A gago atra tamo kobaquja unu. Deqa iga a qa gago areqalo siŋgilatoqnsim aqa ñam boleq na maroqnqom.

Hibru 7:21

Ariya Qotei na Yesus atra tamo atqa marsiq aqa anjam di olo siŋgilatonaqa Yesus a atra tamo brantej. Agi Qotei aqa anjam bei nami endegsib neŋgreŋyeb unu, “Tamo Koba Qotei a na nami Kristus endegsi minjej, ‘Ni bati gaigai atra tamo sqam.’ Osiqa aqa anjam di olo siŋgilatej. Deqa aqa anjam di a olo bunuqna uratqa keresai.”

2 Pita 1:10

O was qu, Qotei a nami niŋgi giltŋgosiq metŋgej deqa niŋgi aqa segi tamo tiŋtiŋ sqajqa siŋgilaoqniye. Niŋgi degyqab di niŋgi uloŋqa keresai.