Rom 11:11 - Yesus Aqa Anjam Bole

¹¹ Deqa was qu, e niŋgi endegsi nenemŋgwai. Israel naŋgi ululoŋeb deqa naŋgi torei padalqab e? Sai. Bole, naŋgi Qotei qoreiyeb deqa Qotei a olo sawa bei bei qaji tamo uŋgasari naŋgi eleŋeqnu. Ariya Israel naŋgi Qotei aqa kumbra di unsibqa are ugeinjrim aqaq olo bqajqa deqa are qalsiq sawa bei bei qaji tamo uŋgasari naŋgi eleŋeqnu.

Rom 11:11 ပူးပေါင်းရင်းမြစ်များ

Luk 20:16

E niŋgi merŋgwai. A bosim naŋgi ñumsim moiotnjrqas. Osim aqa wau di olo yainjrsim tamo qudei naŋgo baŋq di uratetnjrimqa naŋgi na taqatqab.” Yesus a na naŋgi yawo anjam degsi minjrnaqa naŋgi qusib kamba minjeb, “Wau taqato tamo naŋgo kumbra di tulaŋ uge. Naŋgi kumbra deqaji yaib.”

Aposel 13:42

Onaqa lou koboonaqa Pol wo Barnabas wo naŋgi Qotei talq dena oqedonabqa tamo uŋgasari naŋgi na minjreb, “Yori bati bei qa niŋgi bosib anjam deqaji olo mergibqa iga quqwom.”

Aposel 18:6

Degsi minjreqnaqa Juda naŋgi Pol aqa anjam di qusib gotraŋyoqnsib Pol misiliŋyoqneb. Deqa Pol a na aqa segi gara jugo tumbrum butuyosiqa minjrej, “Niŋgi padalqab di nuŋgo segi une na niŋgi padalqab. Ijo une na sai. Deqa bini e niŋgi uratŋgsiy sawa bei bei qaji tamo naŋgoq giloqnsiyqa Yesus aqa anjam naŋgi segi minjroqnqai.”

Rom 10:19

Deqa e niŋgi olo nenemŋgwai. Israel naŋgi anjam di aqa utru poinjrosai kio? Sai. Naŋgi poinjrej. Agi Moses a nami Qotei aqa anjam bei endegsi marej, “Sawa bei bei qaji naŋgi ijo ŋamgalaq di ñam saiqoji. Naŋgi tamo bolesai. Naŋgi e qa qaliesai dego. Ariya e na naŋgi eleŋosiy ijo kumbra dena e na Israel naŋgo are ugetetnjrit naŋgi ŋiriŋqab.”

Rom 11:1

Deqa e niŋgi endegsi nenemŋgwai. Qotei na aqa segi tamo uŋgasari agi Israel naŋgi qoreinjrsiq torei walinjrej e? Sai. E dego Israel tamo. E Abraham aqa moma. E Benjamin aqa leŋ.

Rom 11:12

Israel naŋgi Qotei qoreiyeb deqa Qotei na olo tamo uŋgasari sawa bei beiq di unub qaji naŋgi geregereinjreqnu. Israel naŋgi Qotei aqa kumbra urateb deqa Qotei na olo sawa bei bei qaji tamo uŋgasari naŋgi kumbra bole enjreqnu. Deqa iga bole qalieonum, Israel tamo uŋgasari kalil naŋgi olo puluosib Qotei aqaq bqab di Qotei na tamo uŋgasari kalil naŋgi dego kumbra tulaŋ boledamu enjrqas.

Rom 11:14

Di kiyaqa? E na ijo was qu Israel naŋgo areqalo tigeltetnjritqa iŋgi bole bole Qotei a niŋgi eŋgeqnu qaji di naŋgi dego oqa maribqa Qotei na naŋgi qudei eleŋqas.

Rom 11:31

Dego kere Israel naŋgi Qotei aqa anjam gotraŋyeqnub ariya Qotei a niŋgi qa are boleiyoqnsiq eleŋeqnu gam dena bunuqna a naŋgi qa kamba olo are boleiyosim eleŋqas.