Rom 1:30 - Yesus Aqa Anjam Bole

³⁰ Naŋgi gisaŋ na tamo naŋgo ñam ugetetnjreqnub. Naŋgi Qotei jeuteqnub. Naŋgi diqoqnsib laqnsib naŋgo segi ñam soqteqnub. Naŋgi kumbra uge uge bunuj babteleŋeqnub. Naŋgi naŋgo ai wo abu wo naŋgo medabu gotraŋyeqnub.

Rom 1:30 ပူးပေါင်းရင်းမြစ်များ

Matyu 15:4

Qotei a nami marej, ‘Ni ino ai wo abu wo naŋgo sorgomq di geregere sosimqa naŋgo anjam dauryoqne. Tamo bei na aqa ai wo abu wo naŋgi misiliŋnjrimqa a qalib moiem.’ Qotei a nami degsi marej.

Matyu 16:21

Bati deqa Yesus na aqa aŋgro naŋgi endegsi minjrej, “E Jerusalem aieqnum. Dia Juda tamo kokba ti atra tamo kokba ti dal anjam qalie tamo naŋgi ti e jaqatiŋ koba ebsib lubsib moiotbqab. Bati qalub koboamqa e olo subq na tigelqai.” Yesus a anjam di ubtsiq minjrej.

Luk 21:16

“Bati deqa nuŋgo segi meani naŋgi ti nuŋgo segi was naŋgi ti nuŋgo segi leŋ naŋgi ti nuŋgo segi kadoi naŋgi ti tigelosib niŋgi ojeleŋosib jeu tamo naŋgo baŋq di ateleŋoqnqab. Osib niŋgi qudei luŋgoqnib moreŋoqnqab.

Jon 7:7

Tamo uŋgasari mandamq endi unub qaji naŋgi niŋgi jeutŋgwa keresai. Ariya naŋgi gaigai e jeutbeqnub. Di kiyaqa? E naŋgo kumbra uge uge babtetnjreqnum deqa.

Aposel 5:36

Niŋgi qalie, nami yala tamo bei aqa ñam Teudas a tigelosiqa aqa segi ñam soqtoqnsiqa maroqnej, ‘E tamo kobaquja.’ Degsi mareqnaqa tamo 400 a dauryoqneb. Onaqa Rom naŋgi na bosib a qalnab moinaqa tamo naŋgi a dauryoqneb qaji kalil segi segi jaraionab aqa wau koboej.

Rom 2:17

Ariya niŋgi Juda tamo qudei niŋgi endegsib are qaleqnub, “Iga dal anjam ti unum deqa Qotei na iga pegigwasai.” Osib niŋgi nuŋgo segi ñam soqtoqnsib endegsib mareqnub, “Iga Qotei aqa tamo tiŋtiŋ.” Niŋgi degsib mareqnub.

Rom 2:23

Niŋgi nuŋgo segi ñam soqtoqnsib mareqnub, “Iga Qotei aqa dal anjam qalie bole.” Ariya niŋgi segi olo dal anjam di gotraŋyeqnub. Nuŋgo kumbra dena niŋgi Qotei aqa ñam ugeteqnub.

Rom 3:27

Deqa tamo yai na aqa segi ñam soqtqa kere? Tamo dego bei sosai. Iga gago segi ñam soqtqajqa kumbra di torei koboej. Dal anjam dauryqajqa gam dena kumbra di kobotosai. Iga Yesus qa gago areqalo siŋgilatqom gam dena qujai gago segi ñam soqtqajqa kumbra di kobotej.

2 Korin 10:15

Wau Qotei na egej qaji di iga buŋyosim tamo qudei naŋgo wau qa gago segi ñam soqtosaieqnum. Wau Qotei na egej qaji di segi iga yqajqa siŋgilaeqnum. Di kiyaqa? Gago wau dena nuŋgo areqalo Yesus qa siŋgilato qaji di siŋgilaamqa gago wau nuŋgo ambleq di yoqnem qaji di tulaŋ kobaqas.

2 Korin 12:20

Di kiyaqa? E niŋgi qa ulaeqnum. E niŋgi qa bosiy nuŋgo kumbra unsiy e niŋgi qa areboleboleibqas kio sai kio? Niŋgi dego ijo kumbra unsib niŋgi e qa areboleboleiŋgwas kio sai kio? E deqa ulaeqnum. E niŋgi qa bosiy nuŋgo kumbra endegsi unqai kio? Niŋgi anjam na qoteqnub. Niŋgi nuŋgo was naŋgi qa are ugeiŋgeqnu. Niŋgi minjiŋ oqeqnu. Niŋgi pupoeqnub. Niŋgi nuŋgo was qudei naŋgi misiliŋnjreqnub. Niŋgi yomueqnub. Niŋgi diqeqnub. Niŋgi Qotei aqa wau ugeugeiyeqnub. E degsi unqai kio?

2 Tesalonaika 2:4

Satan aqa tamo di a na qotei gisaŋ kalil naŋgi jeutnjroqnqas. Osim a diqoqnsim aqa segi ñam soqtoqnsim qotei gisaŋ naŋgi di tulaŋ buŋnjrqas. Deqa a Qotei aqa atra tal koba miligiq gilsim di awoosim marqas, “E segi Qotei.”

2 Timoti 3:2

Bati di tamo naŋgi naŋgo segi jejamu qa areboleboleinjroqnim sqab. Sosib silali koba oqnqajqa are prugnjroqnqas. Naŋgi naŋgo segi ñam soqtoqnsib diqoqnsib ŋiriŋ anjam koba maroqnsib tamo naŋgi misiliŋnjroqnqab. Naŋgi naŋgo ai wo abu wo naŋgo anjam gotraŋyoqnqab. Tamo uŋgasari qudei naŋgi na naŋgi kumbra bole bole enjroqnibqa di uratoqnsib olo naŋgi qa are boleinjrqasai. Naŋgi Qotei aqa kumbra kalil qoreiyoqnqab.

Taitus 3:3

Ni qalie, iga dego nami areqalo uge ti sosimqa Qotei aqa anjam gotraŋyoqnem. Bati di Satan a na iga gisa gisaŋgeqnaqa iga Qotei aqa gam bole dauryqa uratosim kumbra uge dauryqajqa are pruggeqnaqa gago segi jejamu qa tulaŋ areboleboleigoqnej. Kumbra dena iga siŋgila na ojesoqnej. Deqa iga minjiŋ ti are uge ti sosim walweloqnem. Tamo naŋgi na iga jeutgeqnabqa iga na kamba dego naŋgi jeutnjroqnem.

Jems 3:5

Dego kere gago medabu kiñala. Ariya a diq koba yeqnu deqa iga medabu waqtoqnsim gago segi ñam soqtoqnsim diqosim laqnum. Iga qalie, ŋamyuo yusiq tulaŋ kobaqujaoqnsiq ŋamtaŋ kalil yueleŋeqnu.

Jems 4:16

Ariya niŋgi olo nuŋgo segi ñam soqtoqnsib nuŋgo segi wau qa diqoqnsib laqnub. Nuŋgo kumbra di uge.

2 Pita 2:18

Tamo naŋgi di naŋgo segi medabu waqtoqnsib diqoqnsib anjam uge uge mareqnub. Naŋgi na tamo qudei naŋgi walawalainjreqnab naŋgi sambala kumbra yoqnsib naŋgo segi jejamu aqa kumbra uge uge dauryeqnub. Tamo naŋgi di ya ya endi are bulyosib tamo uge naŋgo kumbra urateb. Ariya tamo uge naŋgi na olo naŋgi titnjreqnab naŋgi kumbra uge uge dauryeqnub.

Jut 1:16

Tamo naŋgi di gaigai are ugeinjreqnaqa laŋa laŋa tamo naŋgo jejamuq di anjam qameleŋeqnub. Osib naŋgo segi areqalo uge uge dauryeqnub. Naŋgi naŋgo medabu waqtoqnsib diqoqnsib naŋgo segi ñam soqteqnub. Osib tamo uŋgasari naŋgo ñam dego laŋa soqtetnjroqnsib naŋgi walawala-injreqnub. Yim naŋgi na naŋgo areqalo dauryqajqa deqa.