Rom 1:24 - Yesus Aqa Anjam Bole

²⁴ Naŋgi Qotei qoreiyeqnub deqa a na kamba naŋgi uratnjreqnaqa naŋgi kumbra tulaŋ uge uge jigat yoqnqajqa are prugnjreqnu. Kumbra dena naŋgi na naŋgo segi jejamu tulaŋ ugeugeiyeqnub.

Rom 1:24 ပူးပေါင်းရင်းမြစ်များ

Matyu 15:14

Deqa niŋgi Farisi naŋgi qa are koba qalaib. Naŋgi tamo ŋam qandimo bul. Deqa naŋgi na tamo naŋgi gam osornjrqa keresai. Tamo ŋam qandimo bei na tamo ŋam qandimo bei aqa baŋ ojsim ombla walwelqab ombla maŋgalsib subq aiqab.”

Aposel 14:16

Bole, nami Qotei na sawa bei bei qaji tamo naŋgi uratnjreqnaqa naŋgi naŋgo segi areqalo dauryosib laqneb.

Aposel 7:42

Naŋgi kumbra degyeb deqa Qotei na naŋgi qoreinjrnaqa naŋgi seŋ ti bai ti bongar ti biŋinjroqneb. Naŋgo kumbra deqa Qotei aqa medabu o qaji tamo naŋgi nami endegsib neŋgreŋyeb, ‘O Israel tamo uŋgasari, niŋgi wausau 40 wadau sawaq di sosibqa bulmakau ti kaja ti ñumoqnsib qotei gisa gisaŋ atrainjroqneb. Niŋgi na e atraibosaioqneb.

Rom 6:12

Deqa une na nuŋgo jejamu taqatqa laqnimqa niŋgi na olo saidyiye. Yim nuŋgo une na niŋgi titŋgimqa niŋgi nuŋgo jejamu qa areqalo uge uge dauryqasai. Nuŋgo jejamu agi bunuqna moiqas.

1 Korin 6:13

Tamo qudei naŋgi mareqnub, “Uyo iŋgi aqa wau agi aisim meneq di sqajqa. Mene aqa wau agi iŋgi uyqajqa.” Di naŋgi bole mareqnub. Ariya mondoŋ Qotei na uyo iŋgi ti mene ti di kalil torei kobotqas. Ariya gago jejamu di sambala kumbra yqajqa sai. Gago jejamu di Tamo Koba Yesus aqa. A segi na taqateqnu.

1 Korin 6:18

Deqa was qu, niŋgi gaigai sambala kumbra uratoqnsib isaq giloqniye. Une kalil tamo naŋgi yeqnub qaji di naŋgo jejamuq di beterosaieqnu. Ariya tamo naŋgi sambala kumbra yeqnub di kumbra dena naŋgo jejamuq di beteroqnsiq naŋgo jejamu ugeteqnu.

Efesus 2:3

Nami iga kalil dego tamo naŋgi di koba na laqnem deqa iga gago areqalo namij dauryoqnem. Iga gago jejamu qa areqalo uge uge dauryosim laqnem deqa Qotei aqa minjiŋ tamo uge uge naŋgoq di unu qaji di gagoq di dego soqnej.

1 Tesalonaika 4:4

Niŋgi nuŋgo segi so geregere taqatosib areqalo uge uge nuŋgo are miligiq di unu qaji di uratekritiye. Niŋgi degyqab di niŋgi kumbra bole ti kumbra kalil Qotei a tulaŋ areareteqnu qaji de ti dauryoqnqab.