Rom 1:17 - Yesus Aqa Anjam Bole

¹⁷ Anjam bole dena Qotei na aqa kumbra iga osorgej. Aqa kumbra agiende. A na iga tamo bole une saiqoji qa mergej. Iga Yesus qa gago areqalo siŋgilatem dena a na iga tamo bole une saiqoji qa mergej. Di kiyaqa? Iga Yesus qa gago areqalo siŋgilatqom gam dena qujai iga Qotei aqa ŋamgalaq di tamo bole une saiqoji sqom. Agi Qotei aqa anjam bei nami endegsib neŋgreŋyeb unu, “Qotei na tamo uŋgasari a qa naŋgo areqalo siŋgilateqnub qaji naŋgi tamo bole une saiqoji qa minjrqas. Yim deqa naŋgi ŋambile gaigai sqab.”

Rom 1:17 ပူးပေါင်းရင်းမြစ်များ

Jon 3:36

Tamo naŋgi Qotei aqa Ŋiri qa naŋgo areqalo siŋgilatqab qaji naŋgi ŋambile gaigai sqab. Ariya tamo naŋgi Qotei aqa Ŋiri aqa anjam dauryqa uratqab qaji naŋgi ŋambile itqasai. Qotei aqa minjiŋ naŋgoq di sqas.

Rom 10:3

Qotei a iga tamo bole une saiqoji qa mergeqnu aqa kumbra di naŋgi qaliesai. Deqa naŋgi naŋgo segi siŋgila na tamo bole une saiqoji sqajqa are qaleqnub. Deqa naŋgi Qotei aqa sorgomq di sosib a segi na naŋgi aqaryainjrimqa naŋgi tamo bole une saiqoji sqajqa olo urateqnub.

Rom 3:21

O was qu, iga tamo bole une saiqoji sqajqa gam bei unu. Iga dal anjam dauryoqnqom gam dena sai. Qotei na gam bei babtosiqa iga osorgej. Nami Moses a gam deqa marsiq dal anjamq di neŋgreŋyej unu. Qotei aqa medabu o qaji tamo kalil naŋgi dego gam deqa marsib anjam neŋgreŋyeb.

Rom 3:22

Gam agiende. Tamo uŋgasari Yesus Kristus qa naŋgo areqalo siŋgilateqnub qaji naŋgi segi Qotei na tamo bole une saiqoji qa minjreqnu. Gam di segi. Gam bei saiqoji.

Rom 3:3

Bole, Juda tamo qudei naŋgi Qotei aqa anjam di dauryosib naŋgo areqaloq di siŋgilatosaieqnub. Naŋgi urateqnub. Deqa iga endegsi marqom kio, “Qotei a gisaŋ tamo. A segi aqa anjam di dauryosaieqnu.”

Rom 9:30

Deqa iga kiersi marqom? Iga endegsi marqom. Sawa bei bei qaji naŋgi tamo bole une saiqoji sqajqa gam ŋamosaioqneb. Ariya naŋgi gam iteb. Gam agiende. Naŋgi Yesus qa naŋgo areqalo siŋgilateb gam dena naŋgi tamo bole une saiqoji soqneb.

2 Korin 3:9

Dal anjam aqa wau agiende. Dal anjam na iga gago une qa mergoqnsiq iga padaltgeqnu. Wau di Qotei aqa riaŋ ti bej. Ariya iga qalieonum, iga na tamo uŋgasari naŋgi Qotei aqa ŋamgalaq di tamo bole une saiqoji sqajqa gam osornjreqnum wau di olo tulaŋ riaŋ koba ti bqas. A na dal anjam aqa riaŋ tulaŋ buŋyqas.

2 Korin 5:21

Kristus a une yosaieqnu. Ariya Qotei na iga aqaryaigwa marsiq deqa a gago une kalil osiqa Kristus aqa qawarq di atnaqa a une tamo bulej. Iga Yesus beteryosim aqa siŋgila na iga Qotei aqa segi tamo uŋgasari tiŋtiŋ sqajqa deqa osiq gago une kalil osiqa Kristus aqa qawarq di atej.

Galesia 3:11

Olo Qotei aqa anjam bei dego endegsib neŋgreŋyeb unu, “Tamo naŋgi Qotei qa naŋgo areqalo siŋgilatqab gam dena qujai a na naŋgi tamo bole une saiqoji qa minjrqas. Yim naŋgi ŋambile gaigai sqab.” Anjam dena iga qalieonum, tamo naŋgi dal anjam dauryqab gam dena Qotei na naŋgi tamo bole une saiqoji qa minjrqasai.

Filipai 3:9

Osiy a segi beteryesqai. E dal anjam dauryqai gam dena e Qotei aqa ŋamgalaq di tamo bole sqa keresai. Gam bei na e tamo bole sqai. Gam agiende. E Kristus qa ijo areqalo siŋgilatqai. Od, iga Kristus qa gago areqalo siŋgilatqom gam dena qujai Qotei na iga mergwas, “Niŋgi ijo ŋamgalaq di tamo bole une saiqoji unub.”

Hibru 10:38

Ariya ijo segi tamo uŋgasari tiŋtiŋo naŋgi e qa naŋgo areqalo siŋgilatqab di naŋgi ŋambile sqab. Ariya naŋgi olo bunuqna e qoreibqab di e naŋgi qa areboleboleibqasai.”