Matyu 9:31 - Yesus Aqa Anjam Bole

³¹ Ariya naŋgi Yesus aqa anjam di dauryosai. Yesus a naŋgi aiyel boletnjrej deqa naŋgi gilsib mare mare laqnab sawa deqaji tamo uŋgasari kalil naŋgi quekriteb.

Matyu 9:31 ပူးပေါင်းရင်းမြစ်များ

Matyu 14:1

Bati deqa tamo uŋgasari naŋgi Yesus aqa kumbra qa saosib laqnabqa Mandor Koba Herot a quej.

Matyu 28:15

Onaqa qaja tamo naŋgi silali di osib atra tamo kokba naŋgo anjam di dauryosib Yesus aqa aŋgro naŋgi na aqa jejamu subq dena bajiŋeb anjam di mare mare laqnabqa anjam di tulaŋ kobaonaqa Juda tamo uŋgasari tulaŋ gargekoba naŋgi queleŋosib maroqneb agi bini maroqnsib unub.

Matyu 4:24

Onaqa tamo uŋgasari kalil Siria sawaq di soqneb qaji naŋgi anjam endegsib queb, “Yesus a maŋwa tulaŋ gargekoba yeleŋeqnu.” Degsib qusib deqa naŋgo ma tamo kalil joqsib Yesus aqa areq osi beleŋeb. Tamo ma utru segi segi osi beleŋeb. Tamo jejamu jaqatiŋnjro qaji naŋgi ti tamo mondor uge uge na ojeleŋo qaji naŋgi ti tamo gate na nanarioqnsib maŋgaloqneb qaji naŋgi ti tamo jejamu lainjro qaji naŋgi ti kalil joqsib beqnab Yesus na boletnjroqnej.

Matyu 9:26

Onaqa naŋgi jaraiosib sawa sawa kalilq dia Yesus aqa kumbra deqa saoqnsib laqneb.

Mak 1:28

Tamo uŋgasari naŋgi Yesus qa anjam degsib mare mare laqnabqa naŋgo anjam di tulaŋ kobaonaqa Galili sawaq dia tamo uŋgasari kalil naŋgi quekriteb.

Mak 7:36

Onaqa Yesus a na tamo uŋgasari naŋgi endegsi minjrej, “Niŋgi kumbra unonub endi tamo qudei naŋgi ubtsib minjraib.” Degsi minjrnaqa naŋgi aqa anjam di quetosai. Naŋgi giloqnsibqa Yesus aqa kumbra deqa mare mare laqneb.

Luk 4:14

Qotei aqa Mondor aqa siŋgila Yesus aqaq di sonaqa deqa a olo puluosiqa Galili sawaq aiej. Aisiq di sonaqa naŋgi a qa mare mare laqnabqa tamo uŋgasari kalil naŋgi quekriteb.

Luk 4:37

Naŋgi degsi marsibqa jaraiosib sawa sawa kalilq dia Yesus aqa kumbra deqa mare mare laqnab tamo uŋgasari kalil naŋgi quekriteb.

Luk 5:15

Onaqa a gilsiqa a Yesus aqa anjam di dauryosai. Yesus na a boletej deqa mare mare laqnaqa aqa anjam tulaŋ kobaonaqa sawa sawa kalilq dia tamo uŋgasari gargekoba quekriteb. Deqa tamo uŋgasari tulaŋ gargekoba naŋgi Yesus aqa anjam quqwajqa marsibqa boqnsib aqa areq di korooqneb. A na naŋgo ma boletetnjrqajqa deqa ti aqa areq di korooqneb.

Luk 7:17

Yesus a kumbra di yonaqa tamo naŋgi unsib deqa mare mare laqnab anjam di tulaŋ kobaonaqa tamo uŋgasari Judia sawaq di soqneb qaji naŋgi ti tamo uŋgasari sawa bei beiq di soqneb qaji naŋgi dego kalil quekriteb.