Matyu 9:22 - Yesus Aqa Anjam Bole

²² Ojnaqa Yesus a bulosiqa uŋa di unsiqa minjej, “O ijo aŋgro, ni are lawo soqnime. Ni ino areqalo e qa siŋgilatosim ijoq bonum deqa ino ma agi koboqo.” Onaqa bati qujai deqa aqa leŋ aioqnej qaji di koboej.

Matyu 9:22 ပူးပေါင်းရင်းမြစ်များ

Matyu 15:28

Onaqa Yesus a anjam di qusiqa minjej, “O uŋa, ni e qa ino areqalo tulaŋ siŋgilatonum deqa ni anjam degsi merbonum. Deqa ni gilime. Ino anjam di e na dauryosiy ino aŋgro boletqai.” Degsi minjnaqa bati qujai deqa mondor uge na aqa aŋgro di uratonaqa a boleej.

Matyu 17:18

Onaqa osi bonabqa Yesus na mondor uge di ŋiriŋtosiq minjej, “Ni aŋgro di uratosim ulaŋ.” Degsi minjnaqa mondor uge na aŋgro di uratosiq ulaŋej. Onaqa bati qujai deqa aŋgro a boleej.

Matyu 8:13

Osiqa Yesus a qaja tamo naŋgo gate di minjej, “Ni gile. Ni endegsi are qalonum, ‘Yesus a na ijo kaŋgal tamo boletqa kere.’ Ni degsi are qalonum deqa ino kaŋgal tamo a boleqo unu. Ni gilsim une.” Degsi minjnaqa bati qujai deqa aqa kaŋgal tamo aqa ma koboonaqa a boleej.

Matyu 9:2

Brantosib sonabqa tamo qudei naŋgi na tamo bei jejamu laiyej qaji a saperaq di atsib Yesus aqa areq osi beb. Onaqa Yesus a tamo naŋgi di naŋgo areqalo unej naŋgo areqalo qujai Yesus na tamo di boletqa kere. Degsi unsiq deqa tamo jejamu laiyej qaji di minjej, “O ijo aŋgro, ni areboleimeme. Ino une kalil e na kobotetmonum.”

Matyu 9:29

Onaqa Yesus na minjrej, “Niŋgi e qa nuŋgo areqalo siŋgilatosib ijoq bonub deqa e niŋgi boletŋgwai.” Degsi minjrsiqa aqa baŋ waiysiq naŋgo ŋamdamu ojej.

Mak 10:52

Onaqa Yesus na minjej, “Ni e qa ino areqalo siŋgilatonum deqa e ni boletmqai. Deqa ino ŋamdamu olo poimimqa ni gile.” Degsi minjnaqa aqa ŋamdamu poiyonaqa sawa unsiqa tigelosiq Yesus dauryosiq aiej.

Mak 5:34

Onaqa Yesus na minjej, “O uŋa, ni ino areqalo e qa siŋgilatosim ijoq bonum deqa ino ma agi koboqo. Deqa ni are lawo na gilsim bole soqnime.”

Luk 17:19

Yesus a degsi marsiqa tamo di minjej, “Ni tigelosim gile. Ni ino areqalo e qa siŋgilatonum deqa ino jejamu boleqo.”

Luk 18:42

Onaqa Yesus na minjej, “Ni e qa ino areqalo siŋgilatonum deqa e ni boletmqai. Deqa ino ŋamdamu olo poimeme.”

Luk 7:50

Onaqa Yesus na uŋa di minjej, “Ni ino areqalo e qa siŋgilatonum deqa ino une kalil e na kobotetmonum. Deqa ni are lawo na gilime.”

Luk 8:48

Onaqa Yesus na minjej, “O uŋa, ni ino areqalo e qa siŋgilatosim ijoq bonum deqa ino ma agi koboqo. Deqa ni are lawo na gilsim bole soqnime.”

Jon 4:53

Degsi minjnabqa a qalieej, “Seŋ bati deqa tiŋtiŋ Yesus na ya merbej, ‘Endego ino aŋgro a boleqo ŋambile unu. A moiqasai.’” A degsi qalieosiq deqa a Yesus qa aqa areqalo siŋgilatej. Tamo kalil a ombla tal qujaiq di soqneb qaji naŋgi dego Yesus qa naŋgo areqalo siŋgilateb.

Aposel 14:9

Bati deqa Pol na Qotei aqa anjam palontsiq tamo uŋgasari naŋgi minjreqnaqa tamo di a quoqnej. Onaqa Pol na tamo di koqyosiqa aqa areqalo unej aqa areqalo qujai Qotei na a boletbqa kere.

Aposel 16:18

Bati gargekoba uŋa dena anjam degsi maroqnsiq iga daurgoqnej. Onaqa bati bei Pol a uŋa deqa minjiŋ oqnaqa bulosiqa mondor uge di minjej, “E Yesus Kristus aqa ñam na ni mermonum, ni uŋa di uratosim ulaŋ.” Degsi minjnaqa mondor uge dena uŋa di uratosiq ulaŋej.

Hibru 4:2

Iga Qotei aqa anjam bole quoqnem. Agi Israel tamo naŋgi Qotei aqa anjam bole nami quoqneb dego kere. Ariya naŋgi aqa anjam di laŋa qusib deqa naŋgo areqaloq di siŋgilatosai. Deqa anjam dena naŋgi yala aqaryainjrosai.