Matyu 9:14 - Yesus Aqa Anjam Bole

¹⁴ Bati bei Jon aqa aŋgro naŋgi Yesus aqa areq bosib minjeb, “Iga ti Farisi naŋgi ti iŋgi uratoqnsim qurieŋeqnum. Kiyaqa ino aŋgro naŋgi qurieŋosaieqnub?”

Matyu 9:14 ပူးပေါင်းရင်းမြစ်များ

Matyu 11:2

Bati deqa Jon yansnjro qaji a tonto talq di soqnej. Sonaqa wau kalil Kristus na yoqnej qaji di tamo qudei naŋgi na unsib deqa mare mare laqnab Jon a qusiqa aqa aŋgro qudei naŋgi qariŋnjrnaq Yesus aqa areq gilsib nenemyeb,

Matyu 6:16

Osiqa Yesus a olo anjam endegsi minjrej, “Niŋgi ya uratosib qurieŋqa marsibqa gisaŋ tamo naŋgi qurieŋeqnub niŋgi degyaib. Gisaŋ tamo naŋgi qurieŋoqnsibqa ulatamu ugeinjreqnaqa tamo uŋgasari naŋgo ŋamdamuq di laqnabqa unjroqnsib naŋgo ñam soqteqnub. Deqa niŋgi quiye. E bole merŋgwai. Tamo naŋgi kumbra degyeqnub qaji Qotei na awai bole enjrqasai. Naŋgo awai agi tamo uŋgasari naŋgi na naŋgo ñam soqtetnjreqnub di kere.

Matyu 9:15

Onaqa Yesus na kamba minjrej, “Tamo bei a uŋa baŋ ojqa bati qa a aqa was naŋgi ti soqnimqa naŋgi are gulubeinjrqas e? Sai. Ariya bunuqna naŋgo was yainjribqa bati deqa naŋgi are gulubeinjrimqa qurieŋosib sqab.

Jon 3:25

Bati bei Jon aqa aŋgro qudei naŋgi Juda tamo bei ti jejamu yanso kumbra qa anjam na qotoqneb.

Jon 4:1

Farisi naŋgi endegsib queb, “Yesus a na Jon buŋyosiqa tamo uŋgasari tulaŋ gargekoba yansnjreqnaqa naŋgi a dauryeqnub. Jon a tamo gargekoba yansnjrosaieqnu.” Farisi naŋgi degsib queb. Bole, Yesus a segi na tamo uŋgasari naŋgi yansnjrosaioqnej. Aqa aŋgro naŋgi na yansnjroqneb. Tamo Koba Yesus a qalieej, Farisi naŋgi degsib queb. Deqa a Judia sawa uratosiqa olo Galili sawaq aiej.