Matyu 8:20 - Yesus Aqa Anjam Bole

²⁰ Onaqa Yesus na minjej, “Bauŋ juwaŋ naŋgi tal ti. Agi sub miligiq di ŋereŋeqnub. Qebari naŋgi simi ti. Deqa naŋgi simiq di ŋereŋeqnub. Ariya e Tamo Aŋgro ŋeiqajqa tal saiqoji. Deqa ni e daurbqajqa gulube koba.”

Matyu 8:20 ပူးပေါင်းရင်းမြစ်များ

Matyu 12:32

Tamo bei na e Tamo Aŋgro misiliŋbqas une di Qotei na kobotqa kere. Ariya tamo bei na Qotei aqa Mondor Bole misiliŋyqas une di Qotei na kobotqa keresai. Bini bati endeqa Qotei na kobotqasai. Mondoŋ dego Qotei na kobotqasai.”

Matyu 12:40

Agi Jona a bati qalub qe ani aqa miligiq di soqnej. Dego kere e Tamo Aŋgro bati qalub sub miligiq di sqai.

Matyu 12:8

E Tamo Aŋgro. Deqa e segi na yori bati taqatejunum. E segi yori bati aqa Tamo Koba.”

Matyu 13:37

Onaqa Yesus na minjrej, “Tamo wit yagej qaji di agi e segi. E Tamo Aŋgro.

Matyu 16:13

Onaqa bati bei Yesus a na aqa aŋgro naŋgi olo joqsiqa koba na walwelosib Sisaria Filipai qure naŋgo sawaq di brantosib bati deqa Yesus na aqa aŋgro naŋgi endegsi nenemnjrej, “Tamo uŋgasari naŋgi e Tamo Aŋgro nuboqnsib naŋgi e yai qa mareqnub?”

Matyu 16:27

E Tamo Aŋgro. Mondoŋ e ijo Abu aqa riaŋ ti sosiy aqa laŋ aŋgro naŋgi joqsiy bosiy tamo uŋgasari kalil naŋgo kumbra segi segi qa peginjrsiy naŋgo segi segi awai keretsiy enjrqai.

Matyu 17:9

Ariya naŋgi Yesus ombla manaq dena olo aioqnsibqa Yesus a siŋgila na minjrej, “Kumbra niŋgi mana goge di unonub qaji di ubtsib tamo qudei minjraib. Bunuqna e Tamo Aŋgro moisiy olo subq na tigelotqa bati deqa niŋgi na ubtsib minjroqnqab.”

Matyu 19:28

Onaqa Yesus na minjrej, “Niŋgi quiye. E bole merŋgwai. Mondoŋ Qotei a laŋ bunuj ti mandam bunuj ti atimqa bati deqa e Tamo Aŋgro ñam kobaquja osiy ijo segi awo jaram kobaq di awesqai. Sosiyqa niŋgi tamo uŋgasari e daurbeqnub qaji metŋgitqa niŋgi dego awo jaram kokba 12-pelaq di awoeleŋqab. Awoeleŋosib Israel naŋgo moma 12-pela naŋgo leŋ kalil naŋgi taqatnjroqnqab.

Mak 8:38

Tamo uŋgasari bini bati endeqa unub qaji naŋgi Qotei torei qoreiyoqnsib une atsib laqnub. Deqa tamo bei a ijo ñam qa ti ijo anjam qa ti jemaiyqas di mondoŋ e Tamo Aŋgro e ijo Abu aqa riaŋ na ti ijo Abu aqa laŋ aŋgro naŋgo riaŋ na ti bosiyqa e kamba tamo di aqa ñam metqajqa jemaibqas.”

Luk 12:8

Osiqa Yesus a olo anjam endegsi minjrej, “Tamo naŋgi ijo ñam tamo uŋgasari naŋgo ulatamuq dia mareqnub qaji mondoŋ e Tamo Aŋgro na kamba Qotei aqa laŋ aŋgro naŋgo ulatamuq dia naŋgo ñam dego marqai.

Luk 18:8

E niŋgi merŋgwai. Qotei a na aqa segi tamo uŋgasari naŋgi urur aqaryainjroqujatqas. Ariya mondoŋ e Tamo Aŋgro laŋ goge dena bosiyqa tamo uŋgasari mandamq endi unub qaji naŋgi kumbra kieryoqnsib soqnibqa e unjrqai. Naŋgi e qa naŋgo areqalo siŋgilatosib sqab kio sai kio di geregere unqai.”

Luk 2:12

Aŋgro mom di gara na dalaosib bulmakau naŋgo iŋgi uyo tabirq di ŋeiotonub unu. Niŋgi aisib unsib poiŋgwas, ‘Bole, Kristus agide.’”

Luk 2:16

Degsi marsibqa gurgur ti aisib Maria wo Josep wo naŋgo aŋgro mom a bulmakau naŋgo iŋgi uyo tabirq di ŋeiotosib sonab unjreb.

Luk 21:36

Deqa niŋgi bati gaigai ŋam atoqnsib Qotei pailyoqnsib soqniye. Qotei pailyoqnsib soqnibqa Qotei na niŋgi siŋgila eŋgoqnimqa kumbra kalil bumbraŋyeleŋqab qaji di nuŋgoq bqasai. Bati deqa e Tamo Aŋgro nuŋgoq botqa niŋgi ijo ulatamuq dia tigelqab.” Yesus a na aqa aŋgro naŋgi anjam degsi minjrej.

Luk 8:3

Uŋa bei aqa ñam Joana. A Kusa aqa ŋauŋ. Kusa a Mandor Koba Herot aqa tal taqatoqnej qaji. Uŋa bei Susana. Uŋgasari gargekoba naŋgi dego Yesus dauryoqneb. Naŋgi naŋgo segi silali na Yesus aqa aŋgro ti iŋgi awaiyetnjroqneb.

Luk 9:58

Onaqa Yesus na minjej, “Bauŋ juwaŋ naŋgi tal ti. Agi sub miligiq di ŋereŋeqnub. Qebari naŋgi simi ti. Deqa naŋgi simiq di ŋereŋeqnub. Ariya e Tamo Aŋgro ŋeiqajqa tal saiqoji. Deqa ni e daurbqajqa gulube koba.”

Jon 1:51

Osiqa marej, “Niŋgi quiye. E bole merŋgwai. E segi Tamo Aŋgro. Deqa bunuqna laŋ waqamqa Qotei aqa laŋ aŋgro naŋgi ijo jejamuq na laŋ qureq oqoqnsib olo mandamq aioqnib niŋgi unqab.”

Jon 12:34

Onaqa tamo uŋgasari naŋgi dena kamba Yesus minjeb, “Kristus a bati gaigai sqas. Nami dal anjam degsi marnab iga quem. Deqa ni kiyaqa maronum, ‘E Tamo Aŋgro soqtbosib gaintbqab’? Tamo Aŋgro di tamo yai?”

Jon 13:31

Judas a oqedonaqa Yesus a endegsi marej, “Bini e Tamo Aŋgro ñam koba oqai. E ñam koba otqa dena Qotei a dego ñam koba oqas.

Jon 3:13

Tamo bei a laŋ qureq oqosai. E Tamo Aŋgro e segi qujai laŋ qureq dena mandamq aiem.

Jon 3:14

Nami Moses a wadau sawaq di sosiqa a amal sigitosiq soqtosiqa gaintej. Dego kere e Tamo Aŋgro dego soqtbosib gaintbqab.

Jon 6:27

Jejamu qa iŋgi a koboqas. Niŋgi iŋgi deqa wauaib. Iŋgi gaigai sqas qaji deqa niŋgi wauoiye. Iŋgi dena niŋgi ŋambile gaigai sqab. Ŋambile gaigai sqajqa iŋgi di e Tamo Aŋgro na niŋgi anaiŋgwai. Ijo Abu Qotei na e giltbej deqa e na iŋgi di anaiŋgwai.”

Jon 6:53

Onaqa Yesus na kamba minjrej, “Niŋgi quiye. E bole merŋgwai. E Tamo Aŋgro. Deqa niŋgi ijo jejamu ti ijo leŋ ti uyqasai di niŋgi ŋambile gaigai sqasai.

Jon 6:62

Qure e Tamo Aŋgro nami soqnem qaji deq olo oqitqa niŋgi e nubsibqa kiersib are qalqab?

Aposel 7:56

Osiqa Juda tamo kokba naŋgi minjrej, “Niŋgi quiye. Laŋ waqwoqa Tamo Aŋgro a Qotei aqa baŋ woq di tigelesonaq e unonum.”

2 Korin 8:9

Gago Tamo Koba Yesus Kristus a niŋgi qa are tulaŋ boleiyosiq aqaryaiŋgej di niŋgi qalie. Agi a nami laŋ qaji ñoro koba esosiqa ariya a niŋgi aqaryaiŋgwa osiq deqa a ñoro kalil di olo uratosiqa iŋgi tulaŋ saiqoji soqnej. Yim niŋgi kamba laŋ qaji ñoro koba oqajqa deqa.