Matyu 7:29 - Yesus Aqa Anjam Bole

²⁹ Di kiyaqa? Yesus aqa anjam maroqnej di siŋgila ti. Dal anjam qalie tamo naŋgo anjam maroqneb de ti keresai. Yesus a segi anjam aqa abu.

Matyu 7:29 ပူးပေါင်းရင်းမြစ်များ

Matyu 28:18

Ariya Yesus a naŋgo areq gilsiqa minjrej, “E na mandam ti laŋ ti taqatqajqa deqa ijo Abu na siŋgila kalil ijo baŋq di atqo.

Matyu 5:20

E niŋgi endegsi merŋgwai. Niŋgi Qotei aqa areqalo dauryqa uratosib nuŋgo kumbra bole a dal anjam qalie tamo naŋgi ti Farisi ti naŋgo kumbra bole buŋyqasai di Qotei a niŋgi taqatŋgosim nuŋgo Mandor Koba sqasai. Deqa niŋgi laŋ qureq oqwa keresai.”

Matyu 5:28

Ariya e na dal anjam di buŋyosiy niŋgi endegsi merŋgwai. Tamo bei a uŋa bei laŋa kokoqyosiqa are prugyqo di aqa are miligiq na a uŋa di aqa jejamu ojetqo.

Matyu 5:32

Ariya e na dal anjam di buŋyosiy niŋgi endegsi merŋgwai. Tamo bei aqa uŋa tamo bei ombla une atosai. A na aqa uŋa laŋa uratim gilsim olo tamo bei oqas. Deqa aqa gumbuluŋ na a kumbra uge yqo. Tamo bunuj a dego une atqo. Di kiyaqa? Uŋa di a nami tamo bei ombla sonaqa a na uratqo deqa.”

Matyu 5:44

Ariya e na dal anjam di buŋyosiy niŋgi endegsi merŋgwai. Niŋgi nuŋgo jeu tamo naŋgi dego qalaqalainjroqniye. Tamo qudei naŋgi na niŋgi ugeugeiŋgibqa niŋgi na olo naŋgi qa Qotei pailyoqniye.

Matyu 7:28

Yesus a anjam di kalil marsiq koboonaqa tamo uŋgasari tulaŋ gargekoba naŋgi di aqa anjam qusib naŋgi tulaŋ prugeleŋeb.

Matyu 8:1

Ariya Yesus a manaq dena aieqnaqa tamo uŋgasari tulaŋ gargekoba naŋgi a dauryosib aieb.

Luk 20:8

Onaqa Yesus na kamba minjrej, “Niŋgi degsi merbonub deqa e dego yai na qariŋbonaq bosim wau endi yeqnum di niŋgi merŋgwasai.”

Luk 21:15

Di kiyaqa? E segi na nuŋgo medabu siŋgilatetŋgsiy areqalo eŋgitqa niŋgi kamba anjam minjroqnqab. Minjroqnibqa naŋgi na anjam bei nuŋgo jejamuq di qametŋgwa yoqnib ugeinjroqnqas.

Aposel 6:10

Naŋgi Stiven ombla anjam na qoteqnab Qotei aqa Mondor na Stiven powo koba yoqnej deqa naŋgi aqa anjam qalotqa keresai.