Matyu 6:33 - Yesus Aqa Anjam Bole

³³ Ariya niŋgi kumbra endi qujai yoqniye. Niŋgi Qotei aqa sorgomq di geregere soqnibqa a nuŋgo Mandor Koba sosim niŋgi taqatŋgoqnqas. Osib niŋgi aqa kumbra tiŋtiŋ dauryoqniye. Niŋgi degyqab di Qotei na kamba iŋgi bole bole dego niŋgi eŋgoqnqas.

Matyu 6:33 ပူးပေါင်းရင်းမြစ်များ

Matyu 19:28

Onaqa Yesus na minjrej, “Niŋgi quiye. E bole merŋgwai. Mondoŋ Qotei a laŋ bunuj ti mandam bunuj ti atimqa bati deqa e Tamo Aŋgro ñam kobaquja osiy ijo segi awo jaram kobaq di awesqai. Sosiyqa niŋgi tamo uŋgasari e daurbeqnub qaji metŋgitqa niŋgi dego awo jaram kokba 12-pelaq di awoeleŋqab. Awoeleŋosib Israel naŋgo moma 12-pela naŋgo leŋ kalil naŋgi taqatnjroqnqab.

Matyu 19:29

Deqa tamo uŋgasari naŋgi ijo ñam qa are qaloqnsib naŋgo segi tal uratosib naŋgo was naŋgi, naŋgo jaja naŋgi, naŋgo ai wo abu wo naŋgi, naŋgo aŋgro naŋgi ti naŋgo wau kalil dego uratnjrsib e daurbqab tamo uŋgasari naŋgi di Qotei na iŋgi bole bole tulaŋ gargekoba olo enjrqas. Yimqa mondoŋ naŋgi ŋambile gaigai sqab.

Matyu 3:2

A naŋgi endegsi minjroqnej, “Qotei a nuŋgo Mandor Koba sosim niŋgi taqatŋgwajqa bati jojomqo. Deqa niŋgi are bulyiye.”

Matyu 4:17

Bati deqa Yesus na aqa wau utru atej. Wau utru atsiqa Qotei aqa anjam palontoqnsiqa tamo uŋgasari naŋgi endegsi minjroqnej, “Qotei a nuŋgo Mandor Koba sosim niŋgi taqatŋgwajqa bati jojomqo. Deqa niŋgi are bulyiye.”

Matyu 5:6

“Tamo naŋgi mamnjreqnaqa iŋgi uyqajqa tulaŋ arearetnjreqnu. Naŋgi ya qarnjreqnaqa ya uyqajqa tulaŋ arearetnjreqnu. Dego kere tamo uŋgasari kumbra bole bole yqajqa tulaŋ arearetnjreqnu qaji naŋgi tulaŋ areboleboleinjreme. Di kiyaqa? Qotei na aqa segi kumbra bole naŋgi enjroqnimqa naŋgi tulaŋ kere na sqab.

Luk 1:6

Sekaraia aqa ŋauqali wo naŋgo so tulaŋ boledamu. Naŋgi Qotei aqa dal anjam kalil geregere dauryosib soqneb. Naŋgi Tamo Koba Qotei aqa ŋamdamuq di une saiqoji.

Luk 12:31

Ariya niŋgi kumbra endi yoqniye. Niŋgi Qotei aqa sorgomq di geregere soqnibqa a nuŋgo Mandor Koba sosim niŋgi taqatŋgoqnqas. Niŋgi degyqab di Qotei na kamba iŋgi bole bole dego eŋgoqnqas.”

Jon 5:4

Bati qudei Tamo Koba Qotei aqa laŋ aŋgro ya kuru miligiq aioqnsiqa ya enteqnaqa anŋiloqnej. Ya anŋiloqnimqa tamo a namo yaq aiqas qaji aqa ma koboqas. Utru deqa naŋgi ya anŋilqajqa tariŋoqneb.

Jon 6:27

Jejamu qa iŋgi a koboqas. Niŋgi iŋgi deqa wauaib. Iŋgi gaigai sqas qaji deqa niŋgi wauoiye. Iŋgi dena niŋgi ŋambile gaigai sqab. Ŋambile gaigai sqajqa iŋgi di e Tamo Aŋgro na niŋgi anaiŋgwai. Ijo Abu Qotei na e giltbej deqa e na iŋgi di anaiŋgwai.”

Aposel 20:25

“Deqa niŋgi quiye. E nami nuŋgo ambleq di sosimqa anjam endegsi plaltosim merŋgoqnem, ‘Qotei a nuŋgo Mandor Koba sosiq niŋgi taqatŋgeqnu.’ Ariya bini e qalieonum, e niŋgi uratŋgitqa niŋgi ijo ulatamu olo unqasai.

Aposel 28:31

Qotei a tamo uŋgasari naŋgo Mandor Koba sosiq naŋgi taqatnjreqnu anjam di aqa utru Pol na plaltoqnsiqa naŋgi sainjroqnej. Tamo Koba Yesus Kristus qa dego anjam plaltosiq sainjroqnej. Pol a anjam deqaji marqajqa ulaosaioqnej. A anjam deqaji mareqnaqa tamo bei na saidyosaioqnej.

Rom 1:17

Anjam bole dena Qotei na aqa kumbra iga osorgej. Aqa kumbra agiende. A na iga tamo bole une saiqoji qa mergej. Iga Yesus qa gago areqalo siŋgilatem dena a na iga tamo bole une saiqoji qa mergej. Di kiyaqa? Iga Yesus qa gago areqalo siŋgilatqom gam dena qujai iga Qotei aqa ŋamgalaq di tamo bole une saiqoji sqom. Agi Qotei aqa anjam bei nami endegsib neŋgreŋyeb unu, “Qotei na tamo uŋgasari a qa naŋgo areqalo siŋgilateqnub qaji naŋgi tamo bole une saiqoji qa minjrqas. Yim deqa naŋgi ŋambile gaigai sqab.”

Rom 10:3

Qotei a iga tamo bole une saiqoji qa mergeqnu aqa kumbra di naŋgi qaliesai. Deqa naŋgi naŋgo segi siŋgila na tamo bole une saiqoji sqajqa are qaleqnub. Deqa naŋgi Qotei aqa sorgomq di sosib a segi na naŋgi aqaryainjrimqa naŋgi tamo bole une saiqoji sqajqa olo urateqnub.

Rom 14:17

Iga iŋgi ti ya ti uyoqnqom kumbra dena Qotei a gago Mandor Koba sosim iga taqatgwasai. Ariya iga kumbra tiŋtiŋ yoqnsim lawo kumbra dauryoqnsim Qotei aqa Mondor aqa wau na areboleboleigim sqom kumbra dena Qotei a gago Mandor Koba sosim iga taqatgwas.

Rom 8:31

Deqa iga Qotei aqa kumbra deqa kiersi marqom? Qotei na iga aqaryaigej deqa tamo yai na iga olo jeutgwas? Tamo dego bei sosai.

1 Korin 1:30

Qotei a segi na niŋgi eleŋosiqa Kristus Yesus aqa baŋq di atej unub. Deqa Kristus aqa wau na iga Qotei aqa areqalo bole ti aqa powo ti unum. Aqa wau na iga tamo bole tiŋtiŋo unum. Aqa wau na iga Qotei aqa segi kumbra boleq di sosim walweleqnum. Aqa wau na Qotei na iga gago uneq dena olo awaigej deqa gago une na iga olo taqatgosai.

1 Korin 3:22

E Pol ti Apolos ti Pita ti mandam ti ŋambile ti moio ti iŋgi iŋgi kalil bini unub qaji naŋgi ti iŋgi iŋgi kalil bunuqna brantqab qaji naŋgi ti di kalil nuŋgo.

2 Korin 5:21

Kristus a une yosaieqnu. Ariya Qotei na iga aqaryaigwa marsiq deqa a gago une kalil osiqa Kristus aqa qawarq di atnaqa a une tamo bulej. Iga Yesus beteryosim aqa siŋgila na iga Qotei aqa segi tamo uŋgasari tiŋtiŋ sqajqa deqa osiq gago une kalil osiqa Kristus aqa qawarq di atej.

Filipai 3:9

Osiy a segi beteryesqai. E dal anjam dauryqai gam dena e Qotei aqa ŋamgalaq di tamo bole sqa keresai. Gam bei na e tamo bole sqai. Gam agiende. E Kristus qa ijo areqalo siŋgilatqai. Od, iga Kristus qa gago areqalo siŋgilatqom gam dena qujai Qotei na iga mergwas, “Niŋgi ijo ŋamgalaq di tamo bole une saiqoji unub.”

2 Tesalonaika 1:5

Gulube kalil di nuŋgoq di branteqnu deqa iga endegsi poigwo, Qotei a kumbra tiŋtiŋ na gago une qa iga pegigeqnu. Niŋgi jaqatiŋ eqnub di aqa utru agiende. Qotei a nuŋgo Mandor Koba sosim niŋgi taqatŋgwajqa deqa. Osim a na niŋgi tulaŋ keretŋgwas. Yim deqa niŋgi aqa tamo boledamu soqnib a nuŋgo Mandor Koba sosim niŋgi taqatŋgwas.

1 Timoti 4:8

Ni qalie, iga gago jejamu siŋgilatqa osim gaigai qaloqnsim siŋgilatoqnqom kumbra dena iga kiñala aqaryaigwas. Di kiyaqa? Gago jejamu di laŋa mandam qaji jejamu. Ariya iga Qotei aqa kumbra qa are qalsim siŋgilatoqnsim dauryoqnqom kumbra dena iga bole aqaryaigimqa iga mandamq endia so bole sosim mondoŋ dego iga ŋambile gaigai sqom.

2 Pita 1:1

E Saimon Pita. E Yesus Kristus aqa wau tamo. A na e qariŋbej deqa e aqa anjam marsim laqnum. Kristus a gago Qotei. A na iga padalo sawaq dena eleŋej. Niŋgi ti iga ti gago areqalo qujai. Agi iga kalil Yesus qa gago areqalo siŋgilateqnum. Yesus Kristus a kumbra tiŋtiŋ yeqnu qaji tamo. Aqa kumbra dena niŋgi a qa nuŋgo areqalo siŋgilateqnub. Agi iga a qa gago areqalo siŋgilateqnum dego kere.

2 Pita 1:11

Qotei na gam waqtetŋgimqa niŋgi laŋ qureq oqibqa gago Tamo Koba Yesus Kristus agi iga eleŋej qaji a nuŋgo Mandor Koba sosim niŋgi taqatŋgimqa niŋgi so bole gaigai sqab.