Matyu 6:31 - Yesus Aqa Anjam Bole

³¹ Niŋgi areqalo kobaiyosib endegsib maraib, ‘Iga iŋgi ti ya ti qabe na osim uyqom? Gara qabe na osim gago jejamu kabutqom?’ Niŋgi degsib maraib.

Matyu 6:31 ပူးပေါင်းရင်းမြစ်များ

Matyu 15:33

Degsi minjrnaqa naŋgi na kamba minjeb, “Sawa endi wadau. Deqa iga iŋgi qabe na osimqa tamo uŋgasari gargekoba endego anainjronam kereqas?”

Matyu 4:4

Degsi minjnaqa Yesus na kamba minjej, “Qotei aqa anjam bei nami endegsib neŋgreŋyeb unu, ‘Tamo naŋgi iŋgi na segi ŋambile sqasai. Anjam kalil Qotei aqa medabuq na branteqnu qaji dena naŋgi ŋambile sqab.’”

Matyu 6:25

Osiqa Yesus a olo anjam endegsi minjrej, “Deqa e niŋgi endegsi merŋgwai. Niŋgi mandamq endia nuŋgo segi jejamu bole sqajqa deqa areqalo kobaiyaib. Osib endegsib maraib, ‘Iga iŋgi ti ya ti qabe na osim uyqom? Gara qabe na osim gago jejamu kabutqom?’ Niŋgi iŋgi uyo na segi ŋambile sqasai. Niŋgi gara jugoqnqab dena segi nuŋgo jejamu bole sqasai.

Matyu 6:27

Niŋgi mandamq endia sokobaiyqajqa are koba qaloqnaib. Niŋgi are koba qalqab areqalo dena niŋgi nuŋgo segi soboleiyqajqa bati olo totoryqa keresai.

Luk 10:41

Onaqa Tamo Koba Yesus na kamba Marta minjej, “O Marta, ni iŋgi iŋgi kalil qa are koba qaleqnum. Ni iŋgi iŋgi deqa are kobaimaiq.

Luk 12:11

“Bunuqna Juda tamo naŋgi na niŋgi ojsib naŋgo Qotei tal miligiq dia tigeltŋgosib nenemŋgibqa niŋgi na kamba anjam kie minjrqajqa deqa are kobaiŋgaiq. Mandor kokba naŋgo ulatamuq dia dego niŋgi tigeltŋgibqa niŋgi na kamba anjam minjrqajqa ulaaib.

Luk 12:22

Yesus a yawo anjam degsi marsiq koboonaqa a na aqa aŋgro naŋgi endegsi minjrej, “Deqa e niŋgi endegsi merŋgwai. Niŋgi mandamq endia nuŋgo segi jejamu bole sqajqa deqa areqalo kobaiyaib. Osib endegsib maraib, ‘Iga iŋgi qabe na osim uyqom? Gara qabe na osim gago jejamu kabutqom?’ Niŋgi degsib maraib.

Luk 12:29

Niŋgi endegsib maraib, ‘Iga iŋgi ti ya ti qabe na osim uyqom?’ Osib niŋgi areqalo kobaiyaib.

Filipai 4:6

Deqa niŋgi iŋgi bei qa areqalo kobaiyaib. Niŋgi gaigai nuŋgo gulube kalil qa Qotei pailyoqniye. Osib a biŋiyoqnsib minjoqniye, “O Abu, ni na iga aqaryaigoqne.”

1 Pita 5:7

Qotei a gaigai niŋgi qa are qaleqnu. Deqa niŋgi gulube ti sosibqa nuŋgo gulube kalil di niŋgi osi giloqnsib Qotei aqa baŋq di uratoqniye.