Matyu 6:27 - Yesus Aqa Anjam Bole

²⁷ Niŋgi mandamq endia sokobaiyqajqa are koba qaloqnaib. Niŋgi are koba qalqab areqalo dena niŋgi nuŋgo segi soboleiyqajqa bati olo totoryqa keresai.

Matyu 6:27 ပူးပေါင်းရင်းမြစ်များ

Matyu 5:36

Ni anjam bei marqa osimqa ino gate baŋga na anjam siŋgilataim. Di kiyaqa? Ni segi na marimqa ino gate baŋga sara qat bei oqwa keresai. Tulu bei dego oqwa keresai.

Matyu 6:25

Osiqa Yesus a olo anjam endegsi minjrej, “Deqa e niŋgi endegsi merŋgwai. Niŋgi mandamq endia nuŋgo segi jejamu bole sqajqa deqa areqalo kobaiyaib. Osib endegsib maraib, ‘Iga iŋgi ti ya ti qabe na osim uyqom? Gara qabe na osim gago jejamu kabutqom?’ Niŋgi iŋgi uyo na segi ŋambile sqasai. Niŋgi gara jugoqnqab dena segi nuŋgo jejamu bole sqasai.

Matyu 6:28

“Deqa niŋgi kiyaqa gara qabe na osib jejamu kabutqajqa are koba qaleqnub? Niŋgi ŋam so unjriye. Naŋgo wala kiersib branteqnub di niŋgi qaliesai. Naŋgi segi wauosaieqnub. Naŋgo segi wala gereiyosaieqnub. Qotei a segi na naŋgo wala gereiyeqnu.

Matyu 6:31

Niŋgi areqalo kobaiyosib endegsib maraib, ‘Iga iŋgi ti ya ti qabe na osim uyqom? Gara qabe na osim gago jejamu kabutqom?’ Niŋgi degsib maraib.

Matyu 6:34

Deqa nebe kumbra kie nuŋgoq di brantqas niŋgi deqa are koba qalaib. Nebe a bati bei. Nebe qa gulube di aqa segi gulube. Bati segi segi aqa gulube di naŋgo segi segi. Deqa niŋgi are koba qalaib.”

Luk 10:41

Onaqa Tamo Koba Yesus na kamba Marta minjej, “O Marta, ni iŋgi iŋgi kalil qa are koba qaleqnum. Ni iŋgi iŋgi deqa are kobaimaiq.

Luk 12:11

“Bunuqna Juda tamo naŋgi na niŋgi ojsib naŋgo Qotei tal miligiq dia tigeltŋgosib nenemŋgibqa niŋgi na kamba anjam kie minjrqajqa deqa are kobaiŋgaiq. Mandor kokba naŋgo ulatamuq dia dego niŋgi tigeltŋgibqa niŋgi na kamba anjam minjrqajqa ulaaib.

Luk 12:22

Yesus a yawo anjam degsi marsiq koboonaqa a na aqa aŋgro naŋgi endegsi minjrej, “Deqa e niŋgi endegsi merŋgwai. Niŋgi mandamq endia nuŋgo segi jejamu bole sqajqa deqa areqalo kobaiyaib. Osib endegsib maraib, ‘Iga iŋgi qabe na osim uyqom? Gara qabe na osim gago jejamu kabutqom?’ Niŋgi degsib maraib.

1 Korin 12:18

Ariya gago jejamu a degsi sosai. Qotei na gago baŋ ti siŋga ti ŋamdamu ti dabkala ti kalil osiqa jejamu qujaiq di ateleŋej unub. A aqa segi areqalo na degyej.

Filipai 4:6

Deqa niŋgi iŋgi bei qa areqalo kobaiyaib. Niŋgi gaigai nuŋgo gulube kalil qa Qotei pailyoqniye. Osib a biŋiyoqnsib minjoqniye, “O Abu, ni na iga aqaryaigoqne.”

1 Pita 5:7

Qotei a gaigai niŋgi qa are qaleqnu. Deqa niŋgi gulube ti sosibqa nuŋgo gulube kalil di niŋgi osi giloqnsib Qotei aqa baŋq di uratoqniye.