Matyu 6:25 - Yesus Aqa Anjam Bole25 Osiqa Yesus a olo anjam endegsi minjrej, “Deqa e niŋgi endegsi merŋgwai. Niŋgi mandamq endia nuŋgo segi jejamu bole sqajqa deqa areqalo kobaiyaib. Osib endegsib maraib, ‘Iga iŋgi ti ya ti qabe na osim uyqom? Gara qabe na osim gago jejamu kabutqom?’ Niŋgi iŋgi uyo na segi ŋambile sqasai. Niŋgi gara jugoqnqab dena segi nuŋgo jejamu bole sqasai. အခန်းကိုကြည့်ပါ။ |
Saga yago qudei sil luwit ambleq aieb qaji di aqa utru endegsi unu. Tamo qudei naŋgi Qotei aqa anjam qusibqa naŋgo areqalo miligiq di esoqnibqa ariya bunuqna naŋgi olo mandam qa iŋgi iŋgi qa are koba qaloqnsibqa silali koba oqnqajqa are prugnjroqnqas. Yimqa naŋgo areqalo dena naŋgi wala walainjrsim Qotei aqa anjam naŋgo are miligiq di tentimqa di loumqas. Deqa a gei boletosai.
Naŋgi na niŋgi ojsib gate kokba naŋgo ulatamuq dia tigeltŋgoqnibqa niŋgi ulaosib endegsib are qalaib, ‘Iga na kamba anjam kie minjrqom?’ Niŋgi degaib. Bati deqa Qotei aqa Mondor na nuŋgo medabu siŋgilatetŋgimqa niŋgi kamba anjam minjrqab. Di kiyaqa? Niŋgi segi na anjam minjrqasai. Qotei aqa Mondor na nuŋgo medabu siŋgilatetŋgim niŋgi anjam marqab.
Saga yago qudei sil luwit ambleq aieb qaji di aqa utru endegsi unu. Tamo qudei naŋgi Qotei aqa anjam qusibqa naŋgo areqalo miligiq di esoqnibqa ariya bunuqna une bei bei naŋgoq bamqa naŋgo segi jejamu qa ulaoqnqab. Naŋgi ñoro koba esqajqa ti naŋgo segi jejamu qa areboleboleinjrqajqa ti deqa are koba qaloqnsib sqab. Yimqa naŋgo areqalo dena anjam bole naŋgo are miligiq di unu qaji di tentimqa loumqas. Deqa a gei boletosai.