Matyu 6:10 - Yesus Aqa Anjam Bole

¹⁰ Ni bosim gago Mandor Koba sosim iga taqatgoqnime. Laŋ qureq dia naŋgi ino areqalo dauryeqnub. Deqa mandamq endia dego iga ino areqalo dauryoqnqom.

Matyu 6:10 ပူးပေါင်းရင်းမြစ်များ

Matyu 12:50

Tamo a ijo Abu laŋ qureq di unu qaji aqa areqalo dauryosim sqas di ijo was bole. Di ijo jaja. Di ijo ai.”

Matyu 16:28

Niŋgi quiye. E bole merŋgwai. Tamo qudei ijo areq endia tigelejunub qaji naŋgi moreŋosaisoqnibqa e Tamo Aŋgro bosiy naŋgo Mandor Koba sosiy naŋgi taqatnjresoqnit naŋgi e nubqab.”

Matyu 26:42

Degsi minjrsiqa olo puluosi sasalosiq endegsi Qotei pailyej, “O ijo Abu, e na gulube endi uratqa gam bei saiamqa uŋgum ni ino segi areqalo dauryosim marimqa e gulube endi oqai.”

Matyu 3:2

A naŋgi endegsi minjroqnej, “Qotei a nuŋgo Mandor Koba sosim niŋgi taqatŋgwajqa bati jojomqo. Deqa niŋgi are bulyiye.”

Matyu 4:17

Bati deqa Yesus na aqa wau utru atej. Wau utru atsiqa Qotei aqa anjam palontoqnsiqa tamo uŋgasari naŋgi endegsi minjroqnej, “Qotei a nuŋgo Mandor Koba sosim niŋgi taqatŋgwajqa bati jojomqo. Deqa niŋgi are bulyiye.”

Matyu 7:21

“Niŋgi endegsib are qalaib, tamo kalil e Tamo Koba qa merbeqnub qaji naŋgi Qotei na taqatnjrsim naŋgo Mandor Koba sqas. Di sai. Tamo qudei naŋgi ijo Abu laŋ qureq di unu qaji aqa areqalo dauryeqnub. Tamo naŋgi di segi Qotei na taqatnjrsim naŋgo Mandor Koba sqas.

Mak 11:10

A na gago moma qeli Devit aqa wau osimqa a kamba gago Mandor Koba sosim iga taqatgwajqa bqo. Deqa ni na a tulaŋ geregereiyime. O Qotei laŋ goge di unum qaji, iga ino ñam soqtoqnqom!” Tamo uŋgasari naŋgi degoqnsib leleŋ ti Yesus dauryoqneb.

Mak 3:35

Niŋgi quiye. Tamo a Qotei aqa areqalo daurysim sqas di a ijo was bole. A ijo jaja bole. A ijo ai bole.”

Luk 19:11

Onaqa tamo uŋgasari naŋgi Yesus aqa anjam di qusibqa are qaleb, “Bini Qotei a gago Mandor Koba sosim iga taqatgwajqa bati brantqo kio?”

Luk 19:38

“Tamo a bqo endi Tamo Koba Qotei aqa ñam na bqo. A gago Mandor Koba. Deqa Qotei na a tulaŋ geregereiyoqnqas. Deqa iga Qotei laŋ qureq di unu qaji aqa ñam soqtoqnqom! A na gago are latetgeqnu.” Yesus aqa aŋgro naŋgi degoqnsib leleŋ ti Yesus dauryoqneb.

Luk 22:42

A endegsi pailyej, “O Abu, ni na marimqa gulube endi e qa baiq.” Degsi pailyosiqa olo urur are qalsiq endegsi pailyej, “Uŋgum, ni ijo areqalo dauryaim. Ni ino segi areqalo dauryosim ye.”

Jon 4:34

Onaqa Yesus na minjrej, “E na ijo Abu e qariŋbej qaji aqa areqalo dauryosiy aqa wau kobotqai. Ijo iŋgi uyo bole agide.

Jon 6:40

Ijo Abu aqa areqalo endegsi unu. Tamo kalil e Qotei aqa Ŋiri nubsib e qa naŋgo areqalo siŋgilatqab qaji naŋgi ŋambile gaigai sqab. Diŋo bati qa e na naŋgi olo subq na tigeltnjrqai.”

Jon 7:17

Tamo bei a Qotei aqa areqalo dauryqajqa are soqnimqa anjam e mareqnum qaji endi aqa utru a geregere poiyqas. Osim qalieqas, ijo anjam endi Qotei aqaq dena bej. E ijo segi areqalo na marosaieqnum. A degsim qalieqas.

Aposel 13:22

Onaqa bunuqna Qotei na Sol kobotosiqa olo Devit giltonaqa a kamba Israel naŋgo mandor koba soqnej. Qotei a Devit qa endegsi marej, ‘E Jesi aqa ŋiri Devit unonum, aqa kumbra tulaŋ boledamu. E Devit aqa kumbra qa tulaŋ arearetbqo. E qalieonum, a ijo areqalo kalil dauryoqnqas.’

Aposel 21:14

Pol a degsi gago anjam quqwa uratosiq mergonaqa iga na olo saidyosai. Iga marem, “Uŋgum. Pol a Tamo Koba Qotei aqa areqalo dauryosim Jerusalem aiem.”

Aposel 22:14

Onaqa Ananaias na olo merbej, ‘Gago moma naŋgo Qotei a na ni giltmqo. Ni aqa areqalo dauryosim Yesus unimqa a na ni anjam bei mermim quqwajqa deqa ni giltmqo. Yesus agi kumbra tiŋtiŋ yeqnu qaji tamo.

Rom 12:2

Niŋgi mandam tamo naŋgo kumbra dauryosib walwelaib. Qotei na areqalo bunuj eŋgoqnimqa niŋgi kumbra bunuj dauryoqniye. Osib kumbra dena niŋgi Qotei aqa areqalo geregere qalieqab. Agi niŋgi kumbra bole ti kumbra Qotei a tulaŋ areareteqnu qaji de ti kumbra tulaŋ tiŋtiŋo de ti geregere qalieqab.

Efesus 6:6

Niŋgi gisaŋ kumbra na nuŋgo wau qa gate naŋgo ŋamgalaq dia laŋa wau bole yobulaib. Niŋgi Kristus aqa kaŋgal tamo unub deqa nuŋgo are miligiq na Qotei aqa areqalo dauryosib naŋgi qa wau bole yoqniye.

Kolosi 1:13

Nami iga ambruq di soqnem. Ambru aqa siŋgila dena iga taqatgesoqnej. Onaqa bunuqna Qotei na iga ambruq dena eleŋosiqa aqa segi Ŋiri qujai tulaŋ qalaqalaiyeqnu qaji aqa sorgomq di iga atej. Deqa bini Yesus a gago Mandor Koba sosiqa iga taqatgejunu.

Kolosi 1:9

Iga nuŋgo kumbra bole deqa qusimqa bati deqa iga niŋgi qa pailyqa osim utru atem. Deqa bini iga gaigai niŋgi qa Qotei pailyoqnsim unum. Iga endegsi pailyeqnum, “O Abu, ni na Kolosi Kristen naŋgi aqaryainjrimqa naŋgi ino areqalo geregere poinjrqas. Yimqa ino Mondor na naŋgi powo enjroqnimqa naŋgi ino anjam kalil geregere qalieosib dauryoqnqab.

1 Tesalonaika 4:3

Qotei aqa areqalo agiende. Niŋgi nuŋgo segi jejamu osib Qotei yekritosib aqa segi kumbra boleq di sosib dauryoqniye. Osib sambala kumbra kalil torei uratiye.

1 Tesalonaika 5:18

Kumbra kie nuŋgoq di brantoqnim, di uŋgum, niŋgi olo Qotei biŋiyoqniye. Qotei aqa areqalo agiende. Niŋgi Kristus Yesus beteryejunub deqa niŋgi kumbra degyoqniye.

Hibru 1:14

Laŋ aŋgro naŋgi mondor. Naŋgi Qotei aqa wau ojeqnub. Agi Qotei na naŋgi qariŋnjreqnaqa naŋgi giloqnsib tamo uŋgasari a na oqas qaji naŋgi aqaryainjreqnub.

Hibru 10:36

Niŋgi siŋgila na tigelesoqniye. Niŋgi degyqab di niŋgi Qotei aqa areqalo dauryqab. Osib mondoŋ iŋgi bole bole Qotei a nami niŋgi eŋgwa marej qaji di niŋgi oqab.

Hibru 10:7

Ariya e ni endegsi mermem, ‘O Qotei, e bonum. Agi nami e qa anjam degsib neŋgreŋyeb unu. Bini e ino areqalo dauryqa bonum.’” Kristus a mandamq aiqa osiqa degsi marej.

Hibru 13:21

Qotei qujai di a na niŋgi siŋgilatŋgoqnimqa niŋgi aqa areqalo geregere dauryosib kumbra bole bole yoqniye. A gago are miligiq di wauoqnimqa iga Yesus Kristus aqa wau na kumbra kalil a tulaŋ areareteqnu qaji di yoqnsim sqom. Iga kalil bati gaigai aqa ñam soqtoqnqom. Bole.

1 Pita 2:15

Qotei aqa areqalo agiende. Niŋgi kumbra bole segi yoqnibqa nanari tamo niŋgi yomuiŋgeqnub qaji naŋgi nuŋgo kumbra bole di unsibqa naŋgo anjam uge di olo uratosib mequmesqab.

1 Pita 4:2

Deqa a mandamq endia jejamu korbi sosimqa a aqa areqalo namij olo dauryqasai. A Qotei aqa areqalo segi dauryoqnqas.

Uli Anjam 11:15

Ariya laŋ aŋgro namba 7 na aqa gul anjamonaqa tamo uŋgasari kalil laŋ qureq di unub qaji naŋgi tulaŋ koba leleŋosib endegsib marnab quem, “Gago Tamo Koba Qotei naŋgi aqa Ŋiri Kristus wo Mandor Kokba sqajqa bati agi brantqo. Deqa naŋgi aiyel bati gaigai Mandor Kokba sosib sawa sawa kalil taqatnjroqnqab.”

Uli Anjam 12:10

Onaqa olo laŋ goge dia laŋ aŋgro bei tulaŋ koba leleŋonaqa e aqa kakoro quem. A endegsi marej, “Tamo uŋgasari naŋgi padalqa laqnabqa gago Tamo Koba Qotei a na naŋgi eleŋqo. A kumbra di yqo deqa aqa siŋgila boleq dekritqo. Deqa a gago Mandor Koba unu. Gago was naŋgo ñam ugetetnjro qaji tamo Satan a na qolo ti qanam ti Qotei aqa ŋamgalaq dia naŋgo ñam ugetetnjreqnu. Satan agi waiyonub mandamq aiqo. Deqa bini Qotei aqa Ŋiri Kristus a ñam koba ti siŋgila ti ejunu.

Uli Anjam 19:6

Ariya laŋ goge dia tamo uŋgasari tulaŋ gargekoba naŋgi koroosib murqumyoqnsib anjam mareqnabqa e naŋgo kakoro quem. Naŋgo anjam di ya kobaquja meli dosiq anjam ateqnu dego bul. Naŋgo anjam di kola aisiq anjam atobulqo. Naŋgi tulaŋ koba leleŋoqnsibqa endegsib maroqneb, “Iga gago Tamo Koba Qotei aqa ñam soqtoqnqom! Siŋgila kalil aqaq di unu deqa a bini Mandor Koba unu!

Uli Anjam 20:4

Onaqa e olo ŋam atsimqa awo jaram kokba qudei unjrem. Awo jaram kokbaq dia tamo qudei naŋgi awoeleŋesoqneb. Tamo naŋgi di Qotei na wau enjrnaqa naŋgi awo jaram kokbaq dia awoosib tamo uŋgasari naŋgo kumbra qa naŋgi peginjroqneb. Onaqa e olo ŋam atsimqa tamo uŋgasari tulaŋ gargekoba nami moreŋo qaji naŋgo qunuŋ unjreleŋem. Tamo uŋgasari naŋgi di Yesus qa naŋgo areqalo siŋgilatoqneb qaji. Naŋgi nami Yesus aqa ñam maroqnsibqa Qotei aqa anjam siŋgila na ojesoqneb deqa jeu tamo naŋgi na naŋgo kakoro giŋgeŋnjrnab naŋgi moreŋeb. Tamo uŋgasari naŋgi di wagme juwaŋ wo aqa sulum wo biŋinjrosaioqneb. Naŋgo lanjaqsi baŋqsi wagme juwaŋ aqa toqor osai. Deqa naŋgi olo ŋambile osib wausau 1,000 Kristus ombla mandor kokba sqab.