Matyu 5:47 - Yesus Aqa Anjam Bole

⁴⁷ Niŋgi nuŋgo was naŋgi segi gereinjroqnqab di kumbra tulaŋ bolesai. Nuŋgo kumbra dena niŋgi tamo qudei naŋgi buŋnjrqasai. Tamo naŋgi Qotei qaliesai qaji naŋgi dego naŋgo segi was naŋgi gereinjreqnub.

Matyu 5:47 ပူးပေါင်းရင်းမြစ်များ

Matyu 10:12

Niŋgi tal bei gogetoqnsibqa tamo uŋgasari tal miligiq di unub qaji naŋgi endegsib minjroqniye, ‘Qotei na niŋgi kumbra bole eŋgeme.’

Matyu 5:20

E niŋgi endegsi merŋgwai. Niŋgi Qotei aqa areqalo dauryqa uratosib nuŋgo kumbra bole a dal anjam qalie tamo naŋgi ti Farisi ti naŋgo kumbra bole buŋyqasai di Qotei a niŋgi taqatŋgosim nuŋgo Mandor Koba sqasai. Deqa niŋgi laŋ qureq oqwa keresai.”

Matyu 5:46

Ariya tamo uŋgasari niŋgi qa boleeqnub qaji naŋgi qa segi niŋgi kamba boleoqnqab di kumbra tulaŋ bolesai. Nuŋgo kumbra deqa Qotei a niŋgi awai bole eŋgwasai. Takis o qaji tamo naŋgi dego kumbra degyeqnub.

Matyu 5:48

Nuŋgo Abu laŋ qureq di unu qaji a gaigai kumbra bole tiŋtiŋ keretsiq yeqnu dego kere niŋgi nuŋgo Abu aqa kumbra di dauryosib kumbra bole tiŋtiŋ keretsib yoqniye.”

Luk 6:32

“Tamo uŋgasari niŋgi qa boleeqnub qaji naŋgi qa segi niŋgi kamba boleoqnqab di kumbra tulaŋ bolesai. Dal anjam gotraŋyo tamo naŋgi dego tamo naŋgi naŋgi qa boleeqnub qaji naŋgi qa kamba boleeqnub.

Kolosi 4:14

Ariya Luk a dego niŋgi kaiyeiŋgwo. A ma gereiyo qaji tamo. Iga a tulaŋ qalaqalaiyeqnum. Demas a dego niŋgi kaiyeiŋgwo.

Kolosi 4:15

O was qu, niŋgi na ijo kaiye anjam endi osib Kristen tamo uŋgasari Laodisia qureq di unub qaji naŋgi dego kaiyeinjriye. Osib Kristen tamo uŋgasari Nimfa aqa talq di korooqnsib loueqnub qaji naŋgi ti ijo kaiye anjam endi osib naŋgi minjriye.

1 Pita 2:20

Ariya niŋgi kumbra uge yibqa nuŋgo wau qa gate naŋgi deqa niŋgi luŋgib niŋgi jaqatiŋ qoboiyqab di Qotei a niŋgi awai bole eŋgwasai. Ariya niŋgi kumbra bole yibqa nuŋgo wau qa gate naŋgi na olo niŋgi luŋgib niŋgi jaqatiŋ qoboiyqab di Qotei a nuŋgo kumbra deqa tulaŋ areboleboleiyqas.