Matyu 5:26 - Yesus Aqa Anjam Bole

²⁶ Deqa ni que. E bole mermqai. Ni tonto talq dena olo oqedqasai. Ni mati ino une aqa awai kalil keretimqa di ni uratmib oqedqam.”

Matyu 5:26 ပူးပေါင်းရင်းမြစ်များ

Matyu 10:29

“Niŋgi qalie. Tamo naŋgi qebari sinjir silali kobaquja na awaiyosaieqnub. Silali kiñala na awaiyeqnub. 10 toea dego. Ariya nuŋgo Abu a na qebari sinjir naŋgi geregere taqatnjreqnu. Deqa a na qebari sinjir bei taqatim a uloŋosim mandamq aiqa keresai.

Matyu 18:34

Degsi minjsiqa a qa tulaŋ minjiŋ oqetonaqa osiq qaja tamo naŋgo baŋq di atsiqa minjrej, ‘Niŋgi a wau koba yibqa a jaqatiŋ ti wauosim gilsim gilsim silali kalil nami yaibej qaji di kamba ebekritimqa niŋgi a olo uratib gilqas.’

Matyu 25:41

“Ariya tamo uge ijo baŋ qonaŋq di unub qaji naŋgi endegsi minjrqai, ‘Niŋgi tamo tulaŋ ugedamu. Deqa niŋgi jaraiiye. Jaraiosib aisib ŋamyuo gaigai yuejunu qaji dia soqniye. Satan aqa laŋ aŋgro naŋgi ti dia sqab. Naŋgi dia sqajqa deqa Qotei a nami ŋamyuo di gereiyej.

Matyu 25:46

E na tamo uge ijo baŋ qonaŋq di unub qaji naŋgi degsi minjrsiyqa naŋgo awai uge enjrsiy breinjrit ŋamyuoq aiqab. Dia naŋgi bati gaigai jaqatiŋ oqnsib sqab. Ariya tamo bole ijo baŋ woq di unub qaji naŋgi ŋambile gaigai sqab.”

Mak 12:42

Onaqa uŋa qobul bei ñoro tulaŋ saiqoji a dego bosiqa meniŋ silali kiñilala aiyel segi waiyej.

Luk 12:58

Tamo bei a ni qa anjam bei soqnimqa niŋgi ombla walwelosib anjam gereiyo talq giloqnsibqa gamq dia niŋgi segi aiyel na anjam urur gereiyoqujatiye. Ysib anjam moiotsib a ni osim anjam gereiyo talq gilqasai. Ariya niŋgi gamq di anjam gereiyqasai di a na ni osi gilsimqa anjam pegiyo tamo aqa ulatamuq dia tigeltmimqa anjam pegiyo tamo a na ni osim qaja tamo naŋgo baŋq di atqas. Yimqa naŋgi na ni osib tonto talq waimqab.

Luk 12:59

Deqa ni que. Ni tonto talq dena olo oqedqasai. Ni mati ino une aqa awai kalil keretimqa di ni uratmib oqedqam.”

Luk 16:26

Ni ŋam atsim une. Ni ti iga ti ambleq di sub guma koba unu. Deqa iga na sub di laqaiosim nuŋgoq bqa keresai. Niŋgi dego sub di laqaiosib gagoq bqa keresai.’

2 Tesalonaika 1:9

Osim naŋgi awai ugedamu enjrqas. Naŋgo awai uge agiende. Naŋgi Tamo Koba Yesus a ombla sqasai. Naŋgi aqa siŋgila koba ti riaŋ ti unqasai dego. Naŋgi tulaŋ isaq di sosibqa bati gaigai padalosi sqab.

Jems 2:13

Tamo bei a tamo naŋgi qa dulqasai di mondoŋ tamo peginjro batiamqa Qotei a kamba tamo deqa dulqasai. Ariya tamo bei a tamo naŋgi qa dulqas di mondoŋ tamo peginjro batiamqa Qotei a tamo deqa kamba dulosim aqa une kobotetqas.