Matyu 5:19 - Yesus Aqa Anjam Bole

¹⁹ Deqa niŋgi quiye. Tamo bei a Qotei aqa dal anjam mutu kiñala bei uge qa marsimqa tamo uŋgasari naŋgi dego titnjroqnim naŋgi uge qa marqab tamo di aqa ñam tulaŋ kiñala sqas. Deqa Qotei na a taqatosim aqa Mandor Koba sqasai. Ariya tamo bei a Qotei aqa dal anjam kalil dauryoqnsimqa tamo uŋgasari naŋgi dego dauryqa minjroqnqas tamo di aqa ñam kobaquja sqas. Deqa Qotei na a taqatosim aqa Mandor Koba sqas.

Matyu 5:19 ပူးပေါင်းရင်းမြစ်များ

Matyu 11:11

Deqa niŋgi quiye. E bole merŋgwai. Jon yansnjro qaji a na tamo kalil mandamq endi unub qaji naŋgi tulaŋ buŋnjrejunu. Ariya tamo qudei ñam saiqoji unub qaji naŋgi Qotei na taqatnjroqnsiqa a naŋgo Mandor Koba unu. Deqa tamo naŋgi di Jon tulaŋ buŋyejunub.

Matyu 19:28

Onaqa Yesus na minjrej, “Niŋgi quiye. E bole merŋgwai. Mondoŋ Qotei a laŋ bunuj ti mandam bunuj ti atimqa bati deqa e Tamo Aŋgro ñam kobaquja osiy ijo segi awo jaram kobaq di awesqai. Sosiyqa niŋgi tamo uŋgasari e daurbeqnub qaji metŋgitqa niŋgi dego awo jaram kokba 12-pelaq di awoeleŋqab. Awoeleŋosib Israel naŋgo moma 12-pela naŋgo leŋ kalil naŋgi taqatnjroqnqab.

Matyu 20:26

Ariya kumbra di nuŋgoq di saiq. Nuŋgo ambleq di aŋgro bei a ñam ti tigelqa marsimqa a mati nuŋgo wau tamo soqnem. Osim a ñam ti tigelqas.

Matyu 28:20

O ijo aŋgro, anjam kalil e nami niŋgi merŋgoqnem qaji di niŋgi walwelosib tamo uŋgasari naŋgi minjroqnsib laqniye. Laqnibqa naŋgi quoqnsib dauryoqnqab. Niŋgi segi sosib wauoqnqab edegaib. E bati gaigai niŋgi koba na wauoqnsiy sqai. Degsim soqnim soqnim diŋo bati brantqas.”

Luk 1:15

Aŋgro di a ñam kobaquja osimqa Tamo Koba Qotei aqa ŋamdamuq di tamo bolequja sqas. A wain ti ya siŋgila ti uyoqnqasai. A aqa ai miligiq di soqnimqa Qotei aqa Mondor Bole na a geregere taqatesqas.

Luk 11:42

“O Farisi tamo, niŋgi tulaŋ padalougetqab. Di kiyaqa? Niŋgi dal anjam kiñilala segi dauryeqnub deqa. Agi niŋgi lei ti lombo ti saga ti oqnsib pupoiyoqnsib Qotei atraiyeqnub. Ariya niŋgi Qotei aqa dal anjam kokba dauryqajqa urateqnub. Agi niŋgi na tamo uŋgasari naŋgi gereinjrosaieqnub. Niŋgi Qotei dego qalaqalaiyosaieqnub. Niŋgi dal anjam kiñilala segi dauryeqnub. Deqa e niŋgi endegsi merŋgwai. Niŋgi are bulyiye. Osib dal anjam kokba dego dauryosib laqniye. Ariya dal anjam kiñilala dauryqajqa urataib.

Aposel 1:1

O Tiofilus, e nami anjam bei neŋgreŋyosim ni qa qariŋyem. Kumbra kalil Yesus na yoqnej qaji deqa ti anjam kalil a na tamo uŋgasari naŋgi minjroqnej qaji deqa ti utruq na neŋgreŋyem.

Rom 3:8

Tamo qudei naŋgi anjam uge deqaji endegsib mareqnub, “Uŋgum, iga kumbra uge uge yoqnqom. Yimqa gam dena kumbra bole brantoqnqas. Pol a anjam degsi palontosiq iga mergeqnu.” O was qu, tamo qudei naŋgi degsib iga yomuigosib mareqnub. Di gisaŋ. Naŋgo kumbra uge deqa Qotei na naŋgi awai ugedamu enjrqas.

Rom 6:1

Ariya bini iga kiersi marqom? Iga endegsi marqom kio, “Uŋgum, iga une gargekoba yoqnqom. Yim dena Qotei a iga qa are tulaŋ boleiyoqnqas.” Iga degsi marqom kio?

Rom 6:15

Iga olo dal anjam aqa sorgomq di sosai deqa iga kierqom? Qotei a iga qa are tulaŋ boleiyej kumbra di aqa sorgomq di iga unum. Deqa uŋgum, iga une yoqnqom e? Sai.

1 Timoti 6:11

Ariya Timoti, ni Qotei aqa tamo deqa ni kumbra uge kalil deqaji torei qoreiyosim taqat ate. Osim ni kumbra tiŋtiŋ yoqnsim Qotei aqa kumbra dauryoqnsim a qa ino areqalo siŋgilatoqnsim tamo naŋgi qalaqalainjroqne. Osim ni gulube kalil qa siŋgila na tigeloqnsim tamo uŋgasari naŋgi lawo kumbra enjroqne.

Taitus 3:8

Qotei aqa anjam di tulaŋ boledamu. Deqa iga anjam di gago areqaloq di siŋgilatqom. O Taitus, ni Qotei aqa anjam di siŋgila na palontoqnimqa tamo uŋgasari Qotei qa naŋgo areqalo siŋgilateqnub qaji naŋgi quoqnsib kumbra bole bole yoqnqab. Kumbra deqaji na tamo uŋgasari naŋgi aqaryainjreqnu. Kumbra di bolequja.

1 Pita 5:4

Niŋgi kumbra degyibqa mondoŋ kaja naŋgo Mandor Koba Yesus a laŋ qureq na olo brantimqa bati deqa niŋgi awai tulaŋ boledamu oqab. Awai di ugeqa keresai. Gaigai sqas.

1 Jon 3:4

Tamo naŋgi une ateqnub qaji naŋgi Qotei aqa dal anjam gotraŋyeqnub. Une atqajqa kumbra ti dal anjam gotraŋyqajqa kumbra ti ombla kerekere.

Uli Anjam 2:20

“‘Ariya ino kumbra uge qujai agi ubtsiy mermqai. Uŋa Jesebel a ni ombla sosiq waueqnaqa ni na a wiyosaieqnum. A segi qa mareqnu, “E Qotei aqa medabu o qaji uŋa.” Di gisaŋ. A Qotei aqa medabu o qaji uŋa sai. A na ijo wau tamo naŋgi gisa gisaŋnjroqnsiqa gam osornjreqnaqa naŋgi na sambala kumbra yoqnsibqa qotei gisaŋ atrainjro qaji iŋgi uyeqnub.