Matyu 5:18 - Yesus Aqa Anjam Bole

¹⁸ Deqa niŋgi quiye. E bole merŋgwai. Laŋ ti mandam ti koboosaisoqnimqa Qotei aqa dal anjam mutu kiñala bei koboqasai bolesai. Qotei aqa dal anjam aqa mutu kalil degsib soqnib iŋgi iŋgi kalil brantqab.

Matyu 5:18 ပူးပေါင်းရင်းမြစ်များ

Matyu 10:15

Niŋgi quiye. E bole merŋgwai. Mondoŋ Qotei na tamo uŋgasari naŋgo une qa peginjrqa batiamqa qure deqaji tamo uŋgasari naŋgi ijo anjam uratonub deqa Qotei na naŋgi tulaŋ padaltnjrougetqas. Ariya Sodom qure ti Gomora qure ti naŋgi Qotei na mondoŋ degsim padaltnjrqasai. A na naŋgi gulube kiñala enjrqas. Di kiyaqa? Naŋgi ijo ñam qaliesai deqa.”

Matyu 10:23

Qure bei beiq dia tamo uŋgasari naŋgi na niŋgi ugeugeiŋgoqnibqa niŋgi naŋgo qure di uratoqnsib olo qure beiq giloqniye. Niŋgi quiye. E bole merŋgwai. Niŋgi Israel naŋgo qure qure kalil keretosaisoqnibqa e Tamo Aŋgro olo bqai.

Matyu 10:42

Tamo bei a endegsi are qalqas, ‘Tamo di a Yesus aqa aŋgro. Deqa e na a aqaryaiyqai.’ A degsi are qalsimqa ijo aŋgro di osim ya ulili tigsim anaiyqas di Qotei na kamba awai bole yqas. Niŋgi quiye. E bole merŋgwai. A na ijo segi aŋgro gereiyqo deqa aqa awai bole Qotei na yqo qaji di tamo bei na olo yaiyqa keresai.”

Matyu 11:11

Deqa niŋgi quiye. E bole merŋgwai. Jon yansnjro qaji a na tamo kalil mandamq endi unub qaji naŋgi tulaŋ buŋnjrejunu. Ariya tamo qudei ñam saiqoji unub qaji naŋgi Qotei na taqatnjroqnsiqa a naŋgo Mandor Koba unu. Deqa tamo naŋgi di Jon tulaŋ buŋyejunub.

Matyu 13:17

Niŋgi quiye. E bole merŋgwai. Nami Qotei aqa medabu o qaji tamo naŋgi ti tamo naŋgi kumbra bole bole yoqneb qaji naŋgi ti tulaŋ gargekoba kumbra niŋgi bini uneqnub qaji di unqajqa are koba soqnej. Ariya naŋgi unosaioqneb. Anjam niŋgi bini queqnub qaji di dego naŋgi quqwajqa are koba soqnej. Ariya naŋgi quosaioqneb.”

Matyu 16:28

Niŋgi quiye. E bole merŋgwai. Tamo qudei ijo areq endia tigelejunub qaji naŋgi moreŋosaisoqnibqa e Tamo Aŋgro bosiy naŋgo Mandor Koba sosiy naŋgi taqatnjresoqnit naŋgi e nubqab.”

Matyu 17:20

Onaqa Yesus na minjrej, “Niŋgi e qa nuŋgo areqalo siŋgilatqa yonub niŋgi tulaŋ truquonub. Deqa niŋgi mondor uge di wiyqa yonub keresaiiŋgwo. Niŋgi quiye. E bole merŋgwai. Nuŋgo areqalo e qa siŋgilatonub qaji di sis yago bul kiñala sqas di kereqas. Degesqas di niŋgi mana kobaquja endi minjibqa a nuŋgo anjam dauryosim tigelosim sawa beiq gilqas. Nuŋgo areqalo e qa siŋgilatonub qaji degesqas di niŋgi kumbra kalil yqa kereiŋgwas.

Matyu 18:18

“Niŋgi quiye. E bole merŋgwai. Niŋgi mandamq endia tamo uŋgasari naŋgi getentnjrqab di Qotei a dego laŋ qureq dia naŋgi getentnjrqas. Ariya niŋgi mandamq endia tamo uŋgasari naŋgi gam waqtetnjrqab di Qotei a dego laŋ qureq dia naŋgi gam waqtetnjrqas.

Matyu 18:3

Osornjrsiqa minjrej, “Niŋgi quiye. E bole merŋgwai. Niŋgi are bulyosib aŋgro kiñala endego bulqasai di Qotei a niŋgi osim taqatŋgwasai. Deqa a nuŋgo Mandor Koba sqasai dego.

Matyu 19:23

Onaqa Yesus na aqa aŋgro naŋgi minjrej, “Niŋgi quiye. E bole merŋgwai. Tamo uŋgasari iŋgi iŋgi koba ti unub qaji naŋgi Qotei na taqatnjrsim naŋgo Mandor Koba sqa marsibqa laŋ qureq oqwajqa baŋgi koba.

Matyu 19:28

Onaqa Yesus na minjrej, “Niŋgi quiye. E bole merŋgwai. Mondoŋ Qotei a laŋ bunuj ti mandam bunuj ti atimqa bati deqa e Tamo Aŋgro ñam kobaquja osiy ijo segi awo jaram kobaq di awesqai. Sosiyqa niŋgi tamo uŋgasari e daurbeqnub qaji metŋgitqa niŋgi dego awo jaram kokba 12-pelaq di awoeleŋqab. Awoeleŋosib Israel naŋgo moma 12-pela naŋgo leŋ kalil naŋgi taqatnjroqnqab.

Matyu 21:21

Onaqa Yesus na kamba minjrej, “Niŋgi quiye. E bole merŋgwai. Niŋgi Qotei qa nuŋgo areqalo siŋgilatosib nuŋgo areqalo aiyeltqasai di niŋgi dego qura minjibqa a laosim moiqas. Qura segi sai. Niŋgi mana kobaquja endi dego minjqab, ‘Ni tigelosim yuwalq aie.’ Minjibqa a nuŋgo anjam di dauryosim tigelosim yuwalq aiqas.

Matyu 21:31

Deqa niŋgi na merbiye. Aŋgro yai na aqa siqali aqa anjam dauryej?” Onaqa naŋgi na kamba Yesus minjeb, “Ŋiri matu a na aqa siqali aqa anjam dauryej.” Naŋgi degsib Yesus minjnabqa a na olo minjrej, “Niŋgi quiye. E bole merŋgwai. Takis o qaji tamo ti gam qaji uŋa ti naŋgi na niŋgi buŋgosib namoosib Qotei aqa baŋq oqibqa a naŋgo Mandor Koba sosim naŋgi taqatnjrqas.

Matyu 23:36

Niŋgi quiye. E bole merŋgwai. Une kalil di aqa awai uge Qotei na osim tamo uŋgasari bini bati endeqa unub qaji naŋgi enjrqas.”

Matyu 24:2

Onaqa Yesus na minjrej, “Niŋgi quiye. E bole merŋgwai. Atra tal niŋgi unonub endi bunuqna jeu tamo naŋgi na bosib tulaŋ niñaqyosib aqa meniŋ kalil paraparainjrsibqa taqal breinjrqab. Yimqa meniŋ bei meniŋ bei aqa quraq di sqasai. Meniŋ kalil segi segiqab.”

Matyu 24:47

Deqa niŋgi quiye. E bole merŋgwai. Wau tamo di a wau bole yej deqa tal lanja na aqa iŋgi iŋgi kalil osim aqa baŋq di atim a na taqatoqnqas.

Matyu 25:12

Onaqa a na kamba minjrej, ‘Niŋgi quiye. E bole merŋgwai. E niŋgi qaliesai.’”

Matyu 25:40

“Naŋgi na e degsib nenembibqa e na kamba minjrqai, ‘Niŋgi quiye. E bole merŋgwai. Niŋgi na ijo was naŋgi sougetejunub qaji geregereinjroqneb di agi niŋgi e dego gereiboqneb.’

Matyu 25:45

“Naŋgi na e degsib nenembibqa e na kamba minjrqai, ‘Niŋgi quiye. E bole merŋgwai. Niŋgi na ijo was naŋgi sougetejunub qaji geregereinjrosaioqneb di agi niŋgi e dego gereibosaioqneb.’

Matyu 5:26

Deqa ni que. E bole mermqai. Ni tonto talq dena olo oqedqasai. Ni mati ino une aqa awai kalil keretimqa di ni uratmib oqedqam.”

Matyu 6:16

Osiqa Yesus a olo anjam endegsi minjrej, “Niŋgi ya uratosib qurieŋqa marsibqa gisaŋ tamo naŋgi qurieŋeqnub niŋgi degyaib. Gisaŋ tamo naŋgi qurieŋoqnsibqa ulatamu ugeinjreqnaqa tamo uŋgasari naŋgo ŋamdamuq di laqnabqa unjroqnsib naŋgo ñam soqteqnub. Deqa niŋgi quiye. E bole merŋgwai. Tamo naŋgi kumbra degyeqnub qaji Qotei na awai bole enjrqasai. Naŋgo awai agi tamo uŋgasari naŋgi na naŋgo ñam soqtetnjreqnub di kere.

Matyu 6:2

“Tamo uŋgasari iŋgi iŋgi saiqoji unub qaji di ni na aqaryainjrqa osimqa gisaŋ tamo naŋgi kumbra yeqnub di ni degyaim. Gisaŋ tamo naŋgi dena tamo uŋgasari iŋgi iŋgi saiqoji unub qaji naŋgi aqaryainjrqa oqnsib tamo qudei naŋgi qariŋnjreqnab gul anjamosib namoeqnab tamo kalil naŋgi na naŋgi unjroqnsib naŋgo ñam soqteqnub. Tamo naŋgi di Qotei tal miligiq dia, gam kokbaq dia kumbra degyeqnub. Deqa niŋgi quiye. E bole merŋgwai. Qotei a tamo naŋgi di awai bole enjrqasai. Naŋgo awai agi tamo uŋgasari naŋgi na naŋgo ñam soqtetnjreqnub di kere.

Matyu 8:10

Onaqa Yesus a qaja tamo naŋgo gate aqa anjam di qusiqa a tulaŋ prugugetej. Osiqa bulosiq tamo uŋgasari gargekoba a dauryoqneb qaji naŋgi minjrej, “Niŋgi quiye. E bole merŋgwai. Qaja tamo naŋgo gate endi a e qa aqa areqalo tulaŋ siŋgilatqo. Israel tamo bei nami e qa degsi aqa areqalo siŋgilato qaji bei unosai. Qaja tamo naŋgo gate endi a sawa bei qaji. A Israel tamo sai. Di uŋgum. A e qa aqa areqalo tulaŋ siŋgilatqo.

Mak 10:15

Niŋgi quiye. E bole merŋgwai. Tamo bei a aŋgro du du naŋgi dego bul sqasai di Qotei na a osim taqatqasai. Deqa a naŋgo Mandor Koba sqa keresai dego.”

Mak 10:29

Onaqa Yesus na minjrej, “Niŋgi quiye. E bole merŋgwai. Tamo kalil e qa ti ijo anjam bole qa ti are qaloqnsib naŋgo segi tal uratosib naŋgo was naŋgi, naŋgo jaja naŋgi, naŋgo ai wo abu wo naŋgi, naŋgo aŋgro naŋgi ti naŋgo wau kalil dego uratnjrsib e daurbqab tamo naŋgi di Qotei na tal, was, jaja, ai, aŋgro, wau gargekoba olo enjrqas. Yimqa tamo qudei naŋgi na naŋgi ugeugeinjroqnqab. Ariya mondoŋ naŋgi ŋambile gaigai sqab.

Mak 11:23

Niŋgi quiye. E bole merŋgwai. Tamo bei na mana kobaquja endi minjqas, ‘Ni tigelosim yuwalq aie.’ A Qotei qa aqa areqalo siŋgilatosimqa a mana degsi minjsim endegsi are qalqas, ‘Bole, mana a na ijo anjam dauryqas.’ Degsi are qalsim minjqas mana a aqa anjam di dauryosim tigelosim yuwalq aiqas.

Mak 12:43

Waiyonaqa Yesus na unsiqa aqa aŋgro naŋgi metnjrnaqa aqa areq bonabqa minjrej, “Niŋgi quiye. E bole merŋgwai. Uŋa qobul endi a ñoro tulaŋ saiqoji. Aqa meniŋ silali kiñilala aiyel segi naj agi waiyekritqo. Aqa kumbra dena a na ñoro tamo kalil naŋgi buŋnjrsiqa silali kobaquja atqo.

Mak 13:30

Niŋgi quiye. E bole merŋgwai. Tamo uŋgasari bini bati endeqa unub qaji naŋgi kalil moreŋosaisoqnibqa kumbra kalil e na merŋgonum qaji endi branteleŋqas.

Mak 14:25

Ariya niŋgi quiye. E bole merŋgwai. E wain endi olo uyqasai. Degsi gilsiy gilsiy mondoŋ diŋo bati qa Qotei a nuŋgo Mandor Koba soqnimqa bati deqa e olo wain bunuj uyqai.”

Mak 14:30

Onaqa Yesus na kamba Pita minjej, “Ni que. E bole mermqai. Qolo qujai endeqa tuwe anjamoaiyeltosaisoqnimqa ni gisaŋoqalubtsim marqam, ‘E Yesus qaliesai.’”

Mak 14:9

Niŋgi quiye. E bole merŋgwai. Bunuqna ijo wau tamo naŋgi sawa sawa kalilq dia ijo anjam bole mare mare laqnsibqa uŋa endi ijo jejamuq di goreŋ bilentqo qaji a qa are qaloqnsib maroqnqab.”

Mak 3:28

“Niŋgi quiye. E bole merŋgwai. Tamo uŋgasari naŋgo une kalil Qotei na kobotetnjrqas. Tamo uŋgasari naŋgo misiliŋ anjam kalil dego Qotei na kobotetnjrqas.

Mak 6:11

Tamo bei na niŋgi gereiŋgwa uratimqa kio nuŋgo anjam quqwa asgiyimqa kio niŋgi qure di uratqa oqnsib nuŋgo siŋga tatal tumbrum butuyoqniye. Yimqa naŋgi nuŋgo kumbra di unsib poinjrqas, ‘Bole, iga kumbra ugetonum.’”

Mak 8:12

Degsib Yesus minjnabqa a naŋgi qa are tulaŋ gulubeiyonaqa jagwa titsiqa minjrej, “Niŋgi tamo uŋgasari bini bati endeqa unub qaji kiyaqa e Qotei aqa maŋwa bei laŋa babtit niŋgi unqajqa merbeqnub? Niŋgi quiye. E Qotei aqa maŋwa bei niŋgi osorŋgwasai.”

Mak 9:1

Osiqa minjrej, “Niŋgi quiye. E bole merŋgwai. Tamo qudei ijo areq endia tigelejunub qaji naŋgi moreŋosaisoqnibqa Qotei a siŋgila ti bosim nuŋgo Mandor Koba sosim niŋgi taqatŋgesoqnim niŋgi unqab.”

Mak 9:41

Tamo bei a endegsi are qalqas, ‘Tamo di a Kristus aqa aŋgro.’ A degsi are qalsimqa tamo di ya qaryimqa ya tigsim anaiyqas di Qotei na kamba awai bole yqas. Yimqa aqa awai bole di tamo bei na olo yaiyqa keresai.

Luk 12:37

Tal lanja aqa wau tamo naŋgi a qa tariŋosib ŋam atoqnibqa bosim degsi unjrimqa naŋgi tulaŋ areboleboleinjrqas. Deqa a na naŋgi minjrim awoeleŋabqa iŋgi anainjroqnqas.

Luk 13:35

Deqa niŋgi quiye. Qotei na nuŋgo atra tal kobaquja uratetŋgimqa a laŋa sqas. Deqa niŋgi e olo nubqasai. Degsim gilsim gilsim mondoŋ e olo laŋ qureq na boqnitqa niŋgi e nubsibqa marqab, ‘Niŋgi uniye. Tamo a bqo di Tamo Koba Qotei aqa ñam na bqo. Deqa Qotei na a tulaŋ qalaqalaiyqo.’”

Luk 16:17

“Laŋ ti mandam ti koboqab. Ariya Qotei aqa dal anjam mutu kiñala bei koboqasai bolesai.”

Luk 18:17

Niŋgi quiye. E bole merŋgwai. Niŋgi aŋgro du du naŋgi dego bul sqasai di Qotei a niŋgi osim taqatŋgwasai. Deqa a nuŋgo Mandor Koba sqa keresai dego.”

Luk 18:29

Onaqa Yesus na minjrej, “Niŋgi quiye. E bole merŋgwai. Tamo bei a Qotei na taqatosim aqa Mandor Koba sqa marsimqa aqa segi qure uratosim aqa ŋauŋ, aqa was naŋgi, aqa ai wo abu wo naŋgi, aqa aŋgro naŋgi ti kalil uratnjrsim e daurbqas tamo di Qotei na iŋgi iŋgi gargekoba olo yeleŋqas. Yimqa mondoŋ a ŋambile gaigai sqas.”

Luk 23:43

Onaqa Yesus na minjej, “Ni que. Bini qujai ni e ombla laŋ qureq di sqom.”

Luk 4:24

Osiqa Yesus a olo anjam endegsi minjrej, “Niŋgi quiye. E bole merŋgwai. Qotei aqa medabu o qaji tamo bei aqa segi qure utruq gilsim anjam minjroqnqas di naŋgi aqa anjam quetqa asginjrqas. Deqa a ñam saiqoji sqas.

Jon 1:51

Osiqa marej, “Niŋgi quiye. E bole merŋgwai. E segi Tamo Aŋgro. Deqa bunuqna laŋ waqamqa Qotei aqa laŋ aŋgro naŋgi ijo jejamuq na laŋ qureq oqoqnsib olo mandamq aioqnib niŋgi unqab.”

Jon 10:1

Osiqa Yesus a olo anjam endegsi minjrej, “Niŋgi quiye. E bole merŋgwai. Tamo bei a kaja naŋgo jeŋ miligiq gilqa osimqa siraŋmeq na gilqa uratosim qalaq na jeŋ prugosim miligiq gilqas di a bajiŋ tamo.

Jon 10:7

Deqa Yesus a na aqa yawo anjam di aqa damu ubtosiqa endegsi minjrej, “Niŋgi quiye. E bole merŋgwai. Kaja naŋgo jeŋ miligiq gilqajqa siraŋme agi e segi.

Jon 12:24

Niŋgi quiye. E bole merŋgwai. Wit yago breiyibqa mandamq aisim moiqasai di a laŋa sqas. Ariya moiqas di a olo qoqi oqsim gei gargekoba ateleŋqas.

Jon 13:16

Niŋgi quiye. E bole merŋgwai. Kaŋgal tamo na aqa tamo koba buŋyqa keresai. Tamo a wau bei yqa gilqas qaji a na tamo a qariŋyqo qaji di buŋyqa keresai.

Jon 13:38

Onaqa Yesus na kamba minjej, “Ni e qa ino ŋambile uratosim moiqa kere e? Ni que. E bole mermqai. Tuwe anjamosaisoqnimqa ni maroqalubtqam, ‘E Yesus qaliesai.’”

Jon 14:12

“Niŋgi quiye. E bole merŋgwai. Tamo bei a e qa aqa areqalo siŋgilatqas di wau kalil e yeqnum qaji a dego yoqnqas. Osim ijo wau di buŋyosim wau tulaŋ kokba yoqnqas. Di kiyaqa? E ijo Abu aqaq olo oqwai deqa.

Jon 16:20

Niŋgi quiye. E bole merŋgwai. Niŋgi e qa are tulaŋ ugeiŋgimqa akam ti sqab. Ariya mandam endeqa tamo uŋgasari naŋgi areboleboleinjrim sqab. Niŋgi are gulubeiŋgwas. Ariya nuŋgo are gulube di olo koboamqa niŋgi areboleboleiŋgwas.

Jon 16:23

Bati deqa niŋgi na olo e anjam bei nenembqasai. Deqa niŋgi quiye. E bole merŋgwai. Niŋgi iŋgi bei qa osib ijo ñam na Abu pailyqab di a na eŋgwas.

Jon 21:18

“O Pita, ni que. E bole mermqai. Ni aŋgro wala sosimqa bati deqa ni ino segi areqalo dauryosim sawa ni gilqajqa maroqnem ni deq giloqnem. Ariya bunuqna ni qeliosimqa ino baŋ soqtim tamo bei na ni tontmosim sawa ni gilqajqa uratqam qaji deq osi gilqas.”

Jon 3:11

Ni que. E bole mermqai. Iga anjam qalieosim deqa agi mareqnum. Iga kumbra unoqnsim deqa saeqnum. Ariya niŋgi gago anjam endi olo qoreiyeqnub.

Jon 3:3

Onaqa Yesus na kamba minjej, “Ni que. E bole mermqai. Tamo bei a aŋgro mom bunuj bulosim ŋambabqasai di Qotei na a taqatosim aqa Mandor Koba sqasai. Deqa a Qotei unqa keresai.”

Jon 3:5

Onaqa Yesus na kamba minjej, “Ni que. E bole mermqai. Tamo bei a ya na ti Qotei aqa Mondor na ti aŋgro mom bunuj bulosim ŋambabqasai di Qotei na a taqatosim aqa Mandor Koba sqasai bolesai.

Jon 5:19

Onaqa Yesus na kamba minjrej, “Niŋgi quiye. E bole merŋgwai. E Qotei aqa Ŋiri. E ijo segi areqalo na kumbra bei yqa keresai. Kumbra ijo Abu na yeqnaq e uneqnum qaji di segi e yeqnum. E Qotei aqa Ŋiri deqa kumbra kalil ijo Abu na yeqnu qaji di e dego yeqnum.

Jon 6:26

Onaqa Yesus na kamba minjrej, “Niŋgi quiye. E bole merŋgwai. Niŋgi ijo siŋgila unsib e qa poiŋgwo deqa niŋgi e qa ŋamosai. E niŋgi bem anaiŋgonam uynab menetŋgej utru deqa niŋgi e qa ŋamoqnab.

Jon 6:32

Onaqa Yesus na kamba minjrej, “Niŋgi quiye. E bole merŋgwai. Moses a na laŋ qure qa bem di niŋgi anaiŋgosaioqnej. Ijo Abu a segi na laŋ qure qa bem bole niŋgi anaiŋgeqnu.

Jon 6:47

Niŋgi quiye. E bole merŋgwai. Tamo a e qa aqa areqalo siŋgilatqas di a ŋambile gaigai sqas.

Jon 6:53

Onaqa Yesus na kamba minjrej, “Niŋgi quiye. E bole merŋgwai. E Tamo Aŋgro. Deqa niŋgi ijo jejamu ti ijo leŋ ti uyqasai di niŋgi ŋambile gaigai sqasai.

Jon 8:34

Onaqa Yesus na kamba minjrej, “Niŋgi quiye. E bole merŋgwai. Tamo kalil une yoqnsib laqnub qaji naŋgi une aqa kaŋgal tamo laŋaj bul unub.

Jon 8:51

Niŋgi quiye. E bole merŋgwai. Tamo bei na ijo anjam qusim dauryqas di a olo moiqa keresai. Saibolesai.”

Jon 8:58

Onaqa Yesus na kamba minjrej, “Niŋgi quiye. E bole merŋgwai. Abraham a ŋambabosaisonaqa e nami Qotei ombla soqnem.”

1 Pita 1:25

Ariya Tamo Koba Qotei aqa anjam a bati gaigai sqas.” O was qu, Qotei aqa anjam bole di agi aqa anjam maro tamo naŋgi palontoqnsib niŋgi merŋgoqneb.

Uli Anjam 20:11

Ariya e olo ŋam atsimqa awo jaram kobaquja tulaŋ qat unem. Qotei a awo jaram dia awesonaqa aqa ulatamuq dena mandam ti laŋ ti jaraiosib loumnab unjrem.