Matyu 5:17 - Yesus Aqa Anjam Bole

¹⁷ Osiqa Yesus a olo anjam endegsi minjrej, “Niŋgi e qa endegsib are qalaib, ‘Yesus a Moses aqa dal anjam ti Qotei aqa medabu o qaji tamo naŋgo anjam ti taqal waiyqajqa bej.’ Niŋgi e qa degsib are qalaib. E deqa bosai. E anjam di kalil daurysiy keretqa bem.

Matyu 5:17 ပူးပေါင်းရင်းမြစ်များ

Matyu 3:15

Onaqa Yesus na kamba minjej, “Uŋgum. Ni ijo anjam dauryosim yansbe. Yimqa kumbra dena iga Qotei aqa areqalo kalil keretosim dauryqom.” Onaqa Jon a Yesus aqa anjam di dauryosiqa a yansej.

Matyu 7:12

“Kumbra kalil tamo uŋgasari naŋgi na niŋgi eŋgwajqa arearetŋgwo qaji kumbra di niŋgi na olo naŋgi enjroqniye. Niŋgi kumbra di dauryqab di niŋgi Moses aqa dal anjam ti Qotei aqa medabu o qaji tamo naŋgo anjam ti kalil keretsib dauryqab.”

Luk 16:17

“Laŋ ti mandam ti koboqab. Ariya Qotei aqa dal anjam mutu kiñala bei koboqasai bolesai.”

Jon 8:5

Ni qalie, Moses a nami dal anjam endegsi neŋgreŋyej, ‘Uŋa bei a tamo wo une atimqa meniŋ na qalib moiem.’ Deqa ni kiersi marqam?”

Aposel 18:13

Tigeltosib Galio minjeb, “Tamo endena iga Juda tamo uŋgasari gago dal anjam gotraŋyoqnsiqa iga Qotei louqajqa gam bei osorgeqnu.”

Aposel 6:13

Tigeltosib tamo qudei naŋgi dego tigeltnjrnab naŋgi Stiven aqa jejamu laŋa gisaŋyosib mareb, “Tamo endi bati gaigai Qotei aqa atra tal qa ti Moses aqa dal anjam qa ti misiliŋ anjam mareqnu.

Rom 10:4

Iga qalie, Kristus na Moses aqa dal anjam kalil keretekritej. Aqa kumbra dena tamo uŋgasari kalil a qa naŋgo areqalo siŋgilateqnub qaji naŋgi Qotei aqa ŋamgalaq di tamo bole une saiqoji sqab.

Rom 3:31

Iga maronum, iga Yesus qa gago areqalo siŋgilatqajqa kumbra di tulaŋ boledamu. Ariya iga degsi maronum dena iga olo dal anjam taqal ateqnum e? Sai. Iga Qotei aqa dal anjam olo siŋgilateqnum.

Rom 8:4

Qotei a kumbra degyej. Yim iga dal anjam aqa kumbra tiŋtiŋ dauryosim sqajqa deqa. Deqa iga gago areqalo namij na walwelosaieqnum. Iga Qotei aqa Mondor Bole aqa kumbra na walweleqnum.