Matyu 4:21 - Yesus Aqa Anjam Bole

²¹ Yesus a olo walwelosi gilsiqa Sebedi aqa ŋiri Jems wo aqa was Jon wo naŋgi aiyel qobuŋ miligiq dia naŋgo siqali koba na kakaŋ braŋo qandimeqnabqa unjrsiqa metnjrej.

Matyu 4:21 ပူးပေါင်းရင်းမြစ်များ

Matyu 10:2

Aqa aŋgro 12-pela siŋgila enjrej qaji naŋgo ñam agiende. Bei Saimon. Aqa ñam bei Yesus na Pita waiyej. Naŋgi aqa was Andru wo. Bei Sebedi aqa ŋiri Jems wo aqa was Jon wo.

Matyu 17:1

Yesus a na naŋgi anjam degsi minjrsiq koboonaqa bati 6-pela onaqa a tigelosiqa Pita na Jems na aqa aube Jon na naŋgi qalub joqsiqa koba na mana goge kobaq oqeb. Naŋgi segi qalub oqsib di soqneb.

Matyu 26:37

Degsi minjrsiqa aqa aŋgro qalub agi Sebedi aqa ŋiri aiyel naŋgi Pita koba na joqsiqa pailyqajqa sasalej. Sasalosiqa pailyoqnsiqa a are tulaŋ gulubekobaiyej.

Matyu 4:20

Yesus a na naŋgi degsi minjrnaqa naŋgi na naŋgo kakaŋ uratosib Yesus dauryeb.

Matyu 4:22

Metnjrnaqa naŋgo abu Sebedi a qobuŋ miligiq di sonaqa uratosib Yesus dauryeb.

Mak 3:17

Bei Sebedi aqa ŋiri Jems naŋgi aqa was Jon wo. Naŋgo ñam bei Yesus na Boanerges wainjrej. Ñam di aqa damu, “Naŋgo anjam kola bul.”

Mak 5:37

Degsi minjsiqa tamo uŋgasari kalil naŋgi a dauryqa saidnjrsiqa aqa aŋgro qalub agi Pita na Jems na Jems aqa was Jon na naŋgi segi joqsiqa Jairus ombla gilsib aqa talq di branteb. Brantosib Yesus a ŋam atej tamo uŋgasari tulaŋ gargekoba sosibqa qatroŋ koba yoqnsib akam murqumyeqnab unjrej. Unjrsiqa tal miligiq gilqa osiqa minjrej, “Niŋgi kiyaqa qatroŋ koba yoqnsib akameqnub? Aŋgro di a moiosai. A laŋa ŋeisiq qambumtejunu.”

Jon 21:2

Ya agu qalaq dia Yesus aqa aŋgro 7-pela naŋgi soqneb. Aŋgro bei Saimon Pita. Bei Tomas aqa ñam bei Didimus. Bei Nataniel. Nataniel aqa qure utru Kana. Kana a Galili sawaq di unu. Sebedi aqa ŋiri aiyel naŋgi dego ya agu qalaq di soqneb. Ariya Yesus aqa aŋgro aiyel dego naŋgi koba na soqneb.

Aposel 12:2

Osiqa qaja tamo bei qariŋyonaqa gilsiqa Jon aqa was Jems serie na qalnaq moiej.