Matyu 4:19 - Yesus Aqa Anjam Bole

¹⁹ “Niŋgi aiyel e daurbiye. Niŋgi qe o qaji tamo deqa niŋgi qe eqnub. Dego kere e wau eŋgitqa niŋgi degsib olo tamo oqnqab.”

Matyu 4:19 ပူးပေါင်းရင်းမြစ်များ

Matyu 16:24

Osiqa aqa aŋgro kalil naŋgi endegsi minjrej, “Tamo bei na e daurbqa osimqa aqa segi areqalo kalil uratekritosim di aqa segi ŋamburbas qoboiyosim e daurbem.

Matyu 19:21

Onaqa Yesus na kamba minjej, “Ni Qotei aqa kumbra keretqa osimqa endegye. Ni gilsim ino iŋgi iŋgi kalil qariŋyosim silali osim tamo iŋgi iŋgi saiqoji unub qaji naŋgi jeisi enjre. Degsim enjrsim bosim e daurbe. Osim bunuqna ni laŋ qureq dia awai bole itqam.”

Matyu 4:18

Yesus a naŋgi anjam degsi minjrsiq koboonaqa a naŋgi uratnjrsiqa Galili ya agu qalaq aisiq alile dia walweloqnsiqa ŋam atej Saimon aqa ñam bei Pita naŋgi aqa was Andru wo sonab unjrej. Naŋgi aiyel qe o qaji tamo deqa kakaŋ waiyeqnab unjrsiqa minjrej,

Matyu 4:20

Yesus a na naŋgi degsi minjrnaqa naŋgi na naŋgo kakaŋ uratosib Yesus dauryeb.

Matyu 8:22

Onaqa Yesus na minjej, “Uŋgum. Tamo moio qaji naŋgi segi na tamo moio qaji naŋgi subq ateleŋoqnqab. Ariya ni bosim e daurbe.”

Matyu 9:9

Onaqa Yesus a dena walwelosiqa takis o qaji tamo bei aqa ñam Matyu a takis o qaji talq di awesonaq gilsiq itej. Osiqa minjej, “Ni e daurbe.” Degsi minjnaqa a tigelosiqa Yesus dauryej.

Mak 2:14

Dena walwelosiq takis o qaji tamo bei aqa ñam Livai a takis o qaji talq di awesonaq gilsiq itej. A Alfias aqa ŋiri. A itosiqa minjej, “Ni e daurbe.” Degsi minjnaqa a tigelosiqa Yesus dauryej.

Luk 5:27

Yesus a dena walwelosiqa takis o qaji tamo bei aqa ñam Livai a takis o talq di awesonaq gilsiq itej. Osiqa minjej, “Ni e daurbe.”

Luk 9:59

Osiqa tamo bei minjej, “Ni e daurbe.” Degsi minjnaqa tamo dena minjej, “Od. Ni marsim odbimqa e mati aisiy ijo abu qa tariŋoqnqai. A moiimqa subq atsiy di e ni daurmoqnqai.”

Jon 1:43

Olo nebeonaqa Yesus a Galili sawaq gilqa osiqa Filip itosiq minjej, “Ni e daurbe.”

Jon 12:26

Tamo bei a ijo wau yqa osimqa a e daurbem. Yimqa qure e sqai qaji di ijo wau tamo a dego e ombla sqas. Tamo bei a ijo wau yoqnqas di ijo Abu na a ñam kobaquja yqas.”

Jon 21:22

Onaqa Yesus na Pita minjej, “Aŋgro di a moiosaisoqnimqa e olo bqai degsi minjitqa ni deqa are koba qalaim. Di ino wau sai. Di ijo wau. Ni e daurbe.”

2 Korin 12:16

Ariya niŋgi qudei ijo kumbra qa endegsib mareqnub, “Bole, Pol a gago iŋgi iŋgi boleq na yaigosaioqnej. Ariya a na iga walawalaigoqnsiq gago iŋgi iŋgi gisaŋ na yaigoqnej.”