Matyu 4:17 - Yesus Aqa Anjam Bole

¹⁷ Bati deqa Yesus na aqa wau utru atej. Wau utru atsiqa Qotei aqa anjam palontoqnsiqa tamo uŋgasari naŋgi endegsi minjroqnej, “Qotei a nuŋgo Mandor Koba sosim niŋgi taqatŋgwajqa bati jojomqo. Deqa niŋgi are bulyiye.”

Matyu 4:17 ပူးပေါင်းရင်းမြစ်များ

Matyu 10:7

Deqa niŋgi Israel naŋgo segiq giloqnsibqa anjam endegsib minjroqniye, ‘Qotei a bosim nuŋgo Mandor Koba sosim niŋgi taqatŋgwajqa bati jojomqo.’

Matyu 11:12

“Jon yansnjro qaji a anjam marqajqa bati brantej dena bosi bosiq agi bini tamo naŋgi waukobaoqnsib tulaŋ siŋgilaeqnub. Agi naŋgi Qotei na taqatnjrsim naŋgo Mandor Koba sqa maroqnsib deqa naŋgi siŋgila na qotoqnsib waukobaoqnsib siŋgilaeqnub.

Matyu 13:11

Onaqa Yesus na kamba minjrej, “Qotei a tamo uŋgasari naŋgo Mandor Koba sosiq naŋgi taqatnjreqnu. Anjam di aqa utru uliejunu. Di e na babtitqa ijo aŋgro niŋgi segi utru qalieqab. Ariya Qotei na tamo uŋgasari naŋgi di yawo anjam aqa utru osornjrqasai.

Matyu 13:24

Yesus a na naŋgi yawo anjam degsi minjrsiqa olo yawo anjam bei endegsi minjrej, “Qotei laŋ qureq di unu qaji a tamo uŋgasari naŋgo Mandor Koba sosiq naŋgi taqatnjreqnu. Kumbra di tamo bei a gilsiqa aqa iŋgi wauq di wit yago yageleŋej dego kere.

Matyu 13:47

Osiqa Yesus a olo anjam endegsi minjrej, “E olo yawo anjam bei merŋgwai. Qotei laŋ qureq di unu qaji a tamo uŋgasari naŋgo Mandor Koba sosiq naŋgi taqatnjreqnu. Kumbra di tamo naŋgi yuwalq di kakaŋ waiyosib qe gargekoba utru segi segi eleŋqab dego kere.

Matyu 13:9

Tamo a dabkala ti sqas di a ijo anjam endi geregere quem.”

Matyu 25:1

Osiqa Yesus a olo anjam endegsi minjrej, “Qotei a tamo uŋgasari naŋgo Mandor Koba sosiq naŋgi taqatnjreqnu kumbra di duŋgeŋge 10-pela naŋgo anjam sa dego bul. E deqa niŋgi saiŋgwai. Tamo bei a uŋa baŋ ojej. A uŋa baŋ ojqa sawaq gilqa laqnaqa duŋgeŋge 10-pela naŋgi di a ombla gilqa marsib naŋgo segi segi lam osib walwelosi aisib gamq dia a qa tariŋoqneb.

Matyu 3:2

A naŋgi endegsi minjroqnej, “Qotei a nuŋgo Mandor Koba sosim niŋgi taqatŋgwajqa bati jojomqo. Deqa niŋgi are bulyiye.”

Matyu 6:10

Ni bosim gago Mandor Koba sosim iga taqatgoqnime. Laŋ qureq dia naŋgi ino areqalo dauryeqnub. Deqa mandamq endia dego iga ino areqalo dauryoqnqom.

Matyu 9:13

Qotei aqa anjam bei nami neŋgreŋyeb qaji di niŋgi sisiyoiye. Agi nami endegsib neŋgreŋyeb, ‘Niŋgi e laŋa atraibeqnub. E nuŋgo kumbra deqa arearetbosai. Ariya niŋgi na tamo naŋgi kumbra bole bole enjroqniye. Yimqa e nuŋgo kumbra deqa tulaŋ arearetbqas.’ Niŋgi anjam di sisiyosib geregere poiŋgem.” Osiqa Yesus a olo anjam endegsi minjrej, “Tamo bei a marqas, ‘E tamo bole. E une saiqoji.’ E tamo deqaji naŋgi metnjrit ijoq bqajqa e deqa bosai. Tamo a marqas, ‘E une ti.’ E tamo deqaji naŋgi metnjrit ijoq bqajqa e deqa bem.”

Luk 15:10

Osiqa Yesus na olo minjrej, “Dego kere une tamo qujai a are bulyimqa Qotei aqa laŋ aŋgro naŋgi a qa tulaŋ areboleboleinjrqas.”

Luk 15:7

Osiqa Yesus na olo minjrej, “Dego kere une tamo qujai a are bulyimqa laŋ goge dia naŋgi a qa tulaŋ areboleboleinjrqas. Bole, tamo tiŋtiŋ 99 naŋgi nami are bulyeb. Deqa naŋgi olo are bulyqajqa wau saiqoji. Naŋgi qa dego laŋ goge dia naŋgi areboleboleinjreqnu. Ariya une tamo qujai a are bulyimqa naŋgi a qa tulaŋ areboleboleinjrqas.”

Luk 24:47

Deqa niŋgi gilsib e qa mare mare laqnsibqa sawa sawa kalilq dia tamo uŋgasari naŋgi anjam endegsib minjroqniye, ‘Niŋgi are bulyiye. Yibqa Qotei a Yesus aqa ñam na nuŋgo une kalil kobotetŋgwas.’ Niŋgi tamo uŋgasari naŋgi anjam degsib minjroqnsib kumbra kalil e nami nuŋgo ŋamdamuq di yoqnem qaji deqa naŋgi sainjroqniye. Niŋgi Jerusalem dia wau utru atsib dena walwelosib sawa sawa kalilq dia ijo anjam minjre minjre laqniye.

Luk 3:23

Yesus aqa wausau 30 kereonaqa aqa wau utru atej. Naŋgi Yesus qa endegsib maroqneb, “A Josep aqa ŋiri.” Josep a Heli aqa ŋiri.

Luk 5:32

Tamo bei a marqas, ‘E tamo bole. E une saiqoji.’ E tamo deqaji metit ijoq bqajqa e deqa bosai. Tamo a marqas, ‘E une ti.’ E tamo deqaji metit ijoq bqajqa e deqa bem.”

Luk 9:2

Siŋgila enjrsiq qariŋnjrsiqa minjrej, “Niŋgi giloqnsibqa Qotei a tamo uŋgasari naŋgo Mandor Koba sosiqa naŋgi taqatnjreqnu anjam di minjre minjre laqnsibqa naŋgo ma kobotetnjroqniye.”

Aposel 11:18

Onaqa Juda tamo Pita ŋiriŋteb qaji naŋgi aqa anjam di qusibqa naŋgo ŋiriŋ koboej. Osib naŋgi Qotei aqa ñam soqtosib mareb, “Bole, Qotei a sawa bei bei qaji tamo naŋgi dego are bulyetnjreqnu. Deqa naŋgi dego ŋambile gaigai sqab.”

Aposel 17:30

“Nami tamo naŋgi nanari soqneb. Naŋgi Qotei qaliesai. Deqa naŋgi qotei gisa gisaŋ naŋgo sulum gereinjroqnsib biŋinjroqneb. Bati di Qotei a naŋgo kumbra di unsiqa unosaibulosiqa naŋgi kambatnjrosaioqnej. Ariya bini Qotei na tamo uŋgasari kalil sawa sawa kalilq di unub qaji naŋgi endegsi minjreqnu, ‘Niŋgi are bulyosib kumbra uge uge di uratiye.’

Aposel 2:38

Onaqa Pita na kamba minjrej, “Niŋgi segi segi are bulyosib Qotei aqaq boiye. Babqa iga Yesus Kristus aqa ñam na niŋgi yansŋgonam Qotei na nuŋgo une kalil kobotetŋgwas. Osim aqa Mondor Bole niŋgi laŋa eŋgwas. Awai saiqoji.

Aposel 20:21

E bati gaigai Juda tamo ti Grik tamo ti naŋgi are bulyosib Qotei aqaq bosib gago Tamo Koba Yesus qa naŋgo areqalo siŋgilatqajqa deqa e siŋgila na anjam minjroqnem.

Aposel 26:20

E aqa anjam di dauryosim tigelosim Damaskus qureq aiem. Aisim dia Qotei aqa anjam plaltoqnsimqa tamo uŋgasari naŋgi endegsi minjroqnem, ‘Niŋgi are bulyosib Qotei aqaq bosib nuŋgo kumbra uge uge kalil uratosib kumbra bole bole yoqniye. Amqa tamo uŋgasari naŋgi nuŋgo kumbra di unsib endegsi poinjrqas, “Bole, naŋgi bole are bulyonub.” ’ E Jerusalem dia, Judia sawaq dia, sawa bei beiq dia dego tamo uŋgasari naŋgi anjam degsi minjroqnem.

Aposel 3:19

“Deqa niŋgi quiye. Niŋgi na nuŋgo une kalil torei uratosib are bulyosib Qotei aqaq babqa a na nuŋgo une kalil kobotetŋgimqa niŋgi aqa aŋgro bole sqab.

Hibru 6:1

Deqa was qu, iga Kristus aqa anjam nami utruq na quoqnem qaji dena prugosim olo Kristus aqa anjam qudei iga siŋgilatgwajqa qaji di dauryoqnqom. Anjam nami utruq na quoqnem qaji agiende. Iga dal anjam dauryqa marqom di iga moio gam turqom. Ariya iga are bulyosim Qotei qa gago areqalo siŋgilatqom di iga ŋambile sqom.