Matyu 28:8 - Yesus Aqa Anjam Bole

⁸ Onaqa uŋa aiyel naŋgi di tulaŋ ulaugeteb. Osib naŋgi olo areboleboleinjrej. Deqa naŋgi subq dena olo puluosib gurgur ti aisib laŋ aŋgro na anjam minjrej qaji di Yesus aqa aŋgro naŋgi minjrqajqa aieb.

Matyu 28:8 ပူးပေါင်းရင်းမြစ်များ

Matyu 28:7

Niŋgi unsibqa olo puluosib gurgur ti aisib Yesus aqa aŋgro naŋgi endegsib minjriye, ‘Yesus a subq na tigelqo. Tigelosiq niŋgi qa namoosiq Galili sawaq gilqo. Niŋgi dego Galili sawaq gilsib dia a itqab.’ O uŋa aiyel, e niŋgi anjam di merŋgwa bonum.” Laŋ aŋgro na uŋa aiyel di naŋgi degsi minjrej.

Matyu 28:9

Naŋgi aiyel aieqnabqa gamq dia Yesus a segi naŋgi aiyel turosiqa minjrej, “O kaiye.” Degsi minjrnaqa naŋgi aiyel aqa areq bosibqa aqa siŋga ojsib a biŋiyeb.

Mak 16:8

Onaqa naŋgi qalub tulaŋ ulaugetosib are toŋtoŋnjrnaqa sub uratosib olo puluosib aieb. Aioqnsibqa gamq dia tamo uŋgasari naŋgi turoqnsib anjam bei minjrosaioqneb. Naŋgi laŋa aioqneb. Di kiyaqa? Naŋgi tulaŋ ulaugeteb deqa.

Jon 16:20

Niŋgi quiye. E bole merŋgwai. Niŋgi e qa are tulaŋ ugeiŋgimqa akam ti sqab. Ariya mandam endeqa tamo uŋgasari naŋgi areboleboleinjrim sqab. Niŋgi are gulubeiŋgwas. Ariya nuŋgo are gulube di olo koboamqa niŋgi areboleboleiŋgwas.

Jon 16:22

Dego kere bini niŋgi are gulubeiŋgwo. Ariya bunuqna e niŋgi olo niŋgitqa niŋgi are gulube di uratosib tulaŋ areboleboleiŋgwas. Nuŋgo arebolebole di tamo bei na olo yaiŋgwa keresai.