Matyu 28:19 - Yesus Aqa Anjam Bole

¹⁹ Deqa niŋgi walwelosib sawa sawa kalil keretoqnsibqa tamo uŋgasari kalil naŋgi ijo anjam minjroqnsib laqniye. Minjroqnibqa naŋgi ijo anjam quoqnsib dauryoqnsibqa ijo segi aŋgro bole sqab. Deqa niŋgi na ijo Abu aqa ñam na ti e Qotei aqa Ŋiri ijo segi ñam na ti Qotei aqa Mondor Bole aqa ñam na ti naŋgi yansnjroqniye.

Matyu 28:19 ပူးပေါင်းရင်းမြစ်များ

Matyu 13:52

Onaqa Yesus na olo minjrej, “Qotei laŋ qureq di unu qaji a tamo uŋgasari naŋgo Mandor Koba sosiq naŋgi taqatnjreqnu. Anjam di dal anjam qalie tamo qudei naŋgi poinjreqnu. Poinjreqnu qaji naŋgi tal aqa abu bul unub. Deqa naŋgi naŋgo talq dena ñoro bunuj ti ñoro namij ti eleŋoqnsib oqeq ateqnub.”

Matyu 25:32

Awesosiy laŋ aŋgro naŋgi di qariŋnjritqa naŋgi sawa sawa kalilq giloqnsib tamo uŋgasari kalil naŋgi eleŋosib joqsib bosib ijo ulatamuq dia koroinjrqab. Yimqa e na tamo uŋgasari naŋgi di peginjrsiy tamo bole naŋgi ijo baŋ woq di ateleŋosiy tamo uge naŋgi ijo baŋ qonaŋq di ateleŋqai. Kaja naŋgo mandor na kaja ti meme ti naŋgi peginjreqnu dego kere.

Aposel 1:2

Neŋgreŋyosim gilsimqa Qotei na Yesus osiq laŋ qureq oqej di patem. Yesus a laŋ qureq oqosaisosiqa aqa segi aŋgro giltnjrej qaji naŋgi koroinjrsiqa Qotei aqa Mondor na medabu siŋgilatetonaqa minjrej, “Niŋgi walweloqnsib ijo anjam mare mare laqniye.” Degsi minjrsiqa naŋgi uratnjrsiq laŋ qureq oqej.

Aposel 1:8

Ariya Qotei aqa Mondor nuŋgoq bamqa niŋgi siŋgila osib e qa anjam mare mare laqniye. Niŋgi Jerusalem endia, Judia sawaq dia, Samaria sawaq dia, sawa sawa kalil keretosib e qa anjam mare mare laqniye.”

Aposel 14:21

Naŋgi aiyel Derbe qureq di sosib Yesus aqa anjam bole plalteqnabqa tamo uŋgasari tulaŋ gargekoba naŋgi qusib are bulyoqnsib Yesus qa naŋgo areqalo siŋgilatoqneb. Bunuqna naŋgi aiyel olo puluosib qure kalil naŋgi nami laqneb qaji deq olo giloqneb. Listra qure ti Aikoniam qure ti Antiok qure ti deq giloqneb.

Aposel 2:41

Onaqa tamo uŋgasari kalil Pita aqa anjam di qusib naŋgo are miligiq di ateb qaji naŋgi yansnjreb. Bati deqa tamo uŋgasari 3,000 naŋgi Yesus qa naŋgo areqalo siŋgilatosib tamo uŋgasari nami Yesus qa naŋgo areqalo siŋgilateb qaji naŋgo miligiq aisib koba na soqneb.

Aposel 28:28

Osiqa Pol a olo anjam endegsi minjrej, “Deqa ijo was niŋgi endegsi poiŋgem. Juda tamo uŋgasari naŋgi na Qotei aqa anjam quqwa urateqnub deqa Qotei na sawa bei bei qaji tamo naŋgi oqa marsiqa anjam qariŋyqo naŋgoq gilqo. Naŋgi Qotei aqa anjam uratqasai. Naŋgi qusib dauryqab.”

Aposel 9:18

Ananaias na Sol degsi minjnaqa bati qujai deqa iŋgi bei qe gajige bul Sol aqa ŋamdamuq dena uloŋonaq ŋam poiyonaqa sawa unej. Sawa unsiqa tigelonaq Ananaias na Yesus aqa ñam na yansej.

Rom 10:18

Ariya e niŋgi endegsi nenemŋgwai. Israel naŋgi Kristus aqa anjam bole di nami quosai kio? Sai. Naŋgi quoqneb. Agi Qotei aqa anjam endegsi unu, “Qotei aqa anjam di gilsiq sawa sawa kalil keretonaqa tamo uŋgasari kalil naŋgi quoqneb.”

1 Korin 15:29

Tamo qudei naŋgi tamo nami moreŋeb qaji naŋgi qa olo are qaloqnsib yanso eqnub. Ariya tamo moreŋeb qaji naŋgi olo subq na tigelqasai anjam di bole qamu naŋgi kiyaqa naŋgi qa yanso eqnub?

Galesia 3:27

Niŋgi kalil yanso osib Kristus beteryejunub deqa niŋgi Kristus a gara bul jigsib unub.

Efesus 2:18

Kristus aqa wau na iga koba na Mondor qujai ejunum. Deqa iga are qujaitosim unum. Mondor dena gam waqtetgej deqa iga gaigai gago Abu Qotei aqa ulatamuq di brantoqnqom.

Kolosi 1:23

Ariya une bei na niŋgi titŋgimqa Kristus aqa anjam bole niŋgi nami queb qaji di nuŋgo areqaloq di olo siŋgilatqa urataib deqa niŋgi nuŋgo areqalo Yesus qa bole siŋgilatoqnsib siŋgila na tigelesoqniye. E Pol. E Yesus aqa wau tamo deqa e anjam bole di tamo uŋgasari kalil mandamq endi unub qaji naŋgi minjroqnsim laqnum.

1 Pita 3:21

Dego kere niŋgi ya na yanso eb deqa Qotei a niŋgi dego eleŋej. A ya dena nuŋgo jejamu qaji jiga di yansetŋgosai. Niŋgi yanso eb bati deqa niŋgi Qotei pailyonab a na nuŋgo are miligi qaji jiga yansetŋgej. Qotei na Yesus Kristus olo subq na tigeltej gam dena a na niŋgi eleŋej.

1 Jon 5:7

Tamo qalub naŋgi Yesus aqa kumbra qa anjam palonteqnub.