Matyu 28:18 - Yesus Aqa Anjam Bole

¹⁸ Ariya Yesus a naŋgo areq gilsiqa minjrej, “E na mandam ti laŋ ti taqatqajqa deqa ijo Abu na siŋgila kalil ijo baŋq di atqo.

Matyu 28:18 ပူးပေါင်းရင်းမြစ်များ

Matyu 11:27

Yesus a degsi Qotei pailyej. Osiqa marej, “Ijo Abu na iŋgi iŋgi kalil ijo baŋq di ateleŋej unu. E Qotei aqa Ŋiri. Tamo bei a e qa qaliesai. Ijo Abu a segi e qa qalie. Tamo bei a ijo Abu qa qaliesai dego. E segi ijo Abu qa qalie. Ariya e na tamo qudei naŋgi ijo Abu osornjreqnum. Naŋgi dego ijo Abu qa qalie.

Matyu 16:28

Niŋgi quiye. E bole merŋgwai. Tamo qudei ijo areq endia tigelejunub qaji naŋgi moreŋosaisoqnibqa e Tamo Aŋgro bosiy naŋgo Mandor Koba sosiy naŋgi taqatnjresoqnit naŋgi e nubqab.”

Matyu 26:64

Onaqa Yesus na minjej, “Od. Anjam agi ni na maronum di kere. Ni que. E ni mermqai. Bunuqna e Tamo Aŋgro laŋ qureq oqsiy Qotei siŋgila koba ti unu qaji aqa baŋ woq di awesosiy olo laŋbiq na boqnit niŋgi e nubqab.”

Luk 10:22

Yesus a degsi Qotei pailyej. Osiqa marej, “Ijo Abu na iŋgi iŋgi kalil ijo baŋq di ateleŋej unu. E segi Qotei aqa Ŋiri. Tamo bei a e qa qaliesai. Ijo Abu a segi e qa qalie. Tamo bei a ijo Abu qaliesai dego. E segi ijo Abu qa qalie. Ariya e na tamo qudei naŋgi ijo Abu osornjrqa areibqas di osornjrqai. Yimqa naŋgi dego ijo Abu qa qalieqab.”

Jon 13:3

Ariya Yesus a qalieej, aqa Abu na iŋgi iŋgi kalil aqa baŋq di ateleŋej. A Qotei aqaq dena bej olo puluosim Qotei aqaq oqwas di dego qalieej.

Jon 17:2

Di kiyaqa? Ni na e siŋgila ebem. Osim e na tamo uŋgasari kalil naŋgo gate sqa marsim e giltbem. Deqa tamo uŋgasari ni na e ebem qaji naŋgi di e na ŋambile enjritqa naŋgi ŋambile gaigai sqab.

Jon 3:31

Tamo laŋ qureq di sosiqa dena mandamq aiej qaji a na iŋgi iŋgi kalil tulaŋ buŋnjrejunu. Tamo naŋgi mandamq endena branteleŋeb qaji naŋgi mandam endeqa kumbra yeqnub. Osib mandam endeqa anjam segi mareqnub. Ariya tamo laŋ qureq di sosiqa dena mandamq aiej qaji a na iŋgi iŋgi kalil tulaŋ buŋnjrejunu.

Jon 3:35

Abu Qotei na aqa segi Ŋiri Yesus tulaŋ areiyoqnsiq qalaqalaiyeqnu. Deqa a na iŋgi iŋgi kalil aqa segi Ŋiri aqa baŋq di ateleŋeqnu.

Aposel 10:36

Bole, nami Qotei na aqa anjam bole qariŋyonaqa Israel naŋgo segiq aiej. Anjam di aqa damu endegsi unu. Tamo uŋgasari naŋgi Qotei ti jeu sonabqa Yesus Kristus na jeu kobotej. Yesus a tamo kalil naŋgo Tamo Koba.

Aposel 2:36

“Deqa Israel tamo uŋgasari, niŋgi kalil ijo anjam endi geregere qusib poiŋgem. Yesus agi niŋgi na ŋamburbasq di qalnab moiej qaji a Qotei na olo osiqa gago Tamo Koba Kristus atej.” (Ñam Kristus di aqa damu, “Tamo Qotei na nami giltej qaji”) Pita a na tamo uŋgasari naŋgi anjam degsi minjrej.

Rom 14:9

Kristus a dego moisiq olo ŋambile osiq subq na tigelej. Di kiyaqa? A tamo ŋambile unub qaji ti tamo moreŋeb qaji naŋgi ti naŋgo Tamo Koba sqajqa deqa.

1 Korin 15:27

Agi Qotei aqa anjam bei nami endegsib neŋgreŋyeb unu, “Qotei na iŋgi iŋgi kalil eleŋosiqa Kristus aqa sorgomq di atej.” O was qu, Qotei a segi na iŋgi iŋgi kalil di eleŋosiqa Kristus aqa sorgomq di atej. Qotei aqa anjam degsib neŋgreŋyeb unu. Deqa iga qalieonum, Qotei a segi Kristus aqa sorgomq di sqasai.

Kolosi 2:10

Iŋgi iŋgi kalil siŋgila ti unub qaji naŋgo gate koba agi Kristus a segi. Niŋgi Kristus aqa segi tamo uŋgasari unub deqa Qotei na niŋgi ŋambile eŋgej. Ŋambile di nuŋgoq di tulaŋ keretsiq maqejunu.

Hibru 1:2

Ariya bini bati endi diŋo bati jojomqo deqa Qotei na aqa Ŋiri Yesus aqa medabu na iga anjam mergeqnu. Qotei na aqa Ŋiri Yesus giltej deqa a na iŋgi iŋgi kalil oqas. Aqa baŋ na Qotei na mandam atej unu.

Hibru 2:8

Ni na tamo naŋgi giltnjrem deqa naŋgi na iŋgi iŋgi kalil ni nami gereiyem qaji di taqatesqab. Iŋgi iŋgi kalil di ni na osim tamo naŋgo sorgomq di atim sqas.” O was qu, Qotei a marej, a na iŋgi iŋgi kalil osim tamo naŋgo sorgomq di atqas. Deqa iga qalieonum, a na iŋgi bei uratqasai. A na iŋgi iŋgi kalil osim tamo naŋgo sorgomq di atim sqas. Ariya bini iga uneqnum di iŋgi iŋgi kalil tamo naŋgo sorgomq di sosai.

1 Pita 3:22

Onaqa Kristus a laŋ qureq oqej deqa bini a Qotei aqa baŋ woq di awejunu. Deqa laŋ aŋgro naŋgi ti laŋ qaji mondor kokba ti laŋ qaji siŋgila ti kalil naŋgi Kristus aqa sorgomq di unub.

Uli Anjam 11:15

Ariya laŋ aŋgro namba 7 na aqa gul anjamonaqa tamo uŋgasari kalil laŋ qureq di unub qaji naŋgi tulaŋ koba leleŋosib endegsib marnab quem, “Gago Tamo Koba Qotei naŋgi aqa Ŋiri Kristus wo Mandor Kokba sqajqa bati agi brantqo. Deqa naŋgi aiyel bati gaigai Mandor Kokba sosib sawa sawa kalil taqatnjroqnqab.”

Uli Anjam 17:14

Osib Kaja Du qa ŋiriŋosib qoto itqab. Amqa Kaja Du a qoto siŋgilaosimqa naŋgi ñumqas. Kaja Du a tamo kokba kalil naŋgo Tamo Koba. A mandor kokba kalil naŋgo Mandor Koba. Tamo kalil a ombla unub qaji naŋgi a ti qoto siŋgilaqab. Naŋgi di Kaja Du na metnjrsiq aqa segi tamo uŋgasari sqajqa giltnjrej qaji. Deqa naŋgi aqa anjam bole dauryeqnub.”

Uli Anjam 19:16

Kristus aqa gara olekobaqsi aqa qaloqsi ñam endegsib neŋgreŋyeb unu, “Mandor kokba kalil naŋgo Mandor Koba. Tamo kokba kalil naŋgo Tamo Koba.”