Matyu 27:66 - Yesus Aqa Anjam Bole

⁶⁶ Pailat a naŋgi degsi minjrnaqa naŋgi na qaja tamo qudei naŋgi joqsib gilsib minjreb, “Niŋgi na sub me geregere taqatesoqniye.” Degsib minjrsib meniŋ kobaquja nami sub me getentesoqnej qaji di olo geregere siŋgilatosib sub meq di saga waiyeb. Tamo qudei naŋgi na Yesus aqa jejamu bajiŋqa bosib saga taqal atibqa naŋgi bunuqna bosib saga unqab. Dena naŋgi poinjrqas, naŋgi Yesus bajiŋonub. Deqa osib saga waiyeb.

Matyu 27:66 ပူးပေါင်းရင်းမြစ်များ

Matyu 27:65

Onaqa Pailat na minjrej, “Di kere. Niŋgi segi na qaja tamo qudei joqsib gilibqa naŋgi na sub me geregere getentosib taqatesqab.”

Matyu 28:11

Ariya uŋa aiyel aieqnabqa qaja tamo sub taqatesoqneb qaji naŋgi tigelosib qure miligiq aieb. Aisib kumbra kalil subq di brantonaq uneb qaji di atra tamo kokba naŋgi sainjreb.

Matyu 28:2

Naŋgi gileqnabqa Tamo Koba Qotei aqa laŋ aŋgro bei laŋ goge dena aisiqa meniŋ kobaquja sub me getentesoqnej qaji di belbeltosiq qalaq di atsiqa meniŋ quraq di awesoqnej. Awesonaqa mimiŋ kobaquja dej.

Mak 16:4

Degsi maroqnsib gilsib ŋam ateb meniŋ kobaquja di waqosiq taqalq di sonaq uneb. Meniŋ di tulaŋ kobaquja.

Jon 20:1

Yesus a subq di sonaq yori batiej. Nebeonaqa nobqolo ambru Maria Makdala qure qaji a tigelosiqa Yesus aqa subq gilej. Gilsiq ŋam atej meniŋ kobaquja sub me getenteb qaji di waqosiq taqalq di sonaq unej.

2 Timoti 2:19

Ariya Qotei aqa segi tamo uŋgasari naŋgi tal aqa ai bulosib siŋgila na tigelejunub. Tal aqa aiq di Qotei a anjam endegsi neŋgreŋyej, “Tamo Koba Qotei a aqa segi tamo uŋgasari naŋgi qa qalie bole.” Anjam bei dego tal aqa aiq di endegsi neŋgreŋyej, “Tamo kalil Qotei aqa ñam ti unub qaji naŋgi kumbra uge kalil qoreiyoqnebe.”

Uli Anjam 20:3

Laŋ aŋgro dena Satan ojsiq tontosiqa sub guma kobaq di waiyej. Waiysiqa sub me kabutosiqa qandimtej. A dia wausau 1,000 tontim sqas. Deqa a na tamo uŋgasari sawa sawa kalilq di unub qaji naŋgi olo gisa gisaŋnjroqnqasai. A subq dia tariŋosim soqnimqa wausau 1,000 di koboamqa a olo uratib oqedosimqa sokiñalayqas.