Matyu 27:54 - Yesus Aqa Anjam Bole

⁵⁴ Ariya qaja tamo naŋgi ŋamburbasq dia Yesus taqatesoqneb qaji naŋgo gate koba ombla na mimiŋ dosiq mandam reŋgiŋyonaq meniŋ kokba paraparaeleŋonab unsibqa naŋgi tulaŋ ulaugetosib mareb, “Bole. Tamo endi a Qotei aqa Ŋiri.”

Matyu 27:54 ပူးပေါင်းရင်းမြစ်များ

Matyu 26:63

Onaqa Yesus a torei mequmej. A anjam bei yala marosai. Deqa atra tamo gate na olo nenemyej, “Qotei ŋambile gaigai unu qaji aqa ñam na e ni nenemmqai, ni Kristus e? Ni Qotei aqa Ŋiri e? Ni e merbe.”

Matyu 27:36

Ariya Yesus a ŋamburbas goge di gaiŋesonaqa qaja tamo naŋgi ŋamburbas utruq dia awoosib Yesus taqatesoqneb.

Matyu 27:40

“Ni nami marem, ‘E atra tal koba koŋgrontosiyqa bati qalub qa olo tigeltqai.’ Ni degsi marem. Deqa ni ino segi jejamu aqaryaiye. Ni Qotei aqa Ŋiri boleamqa ni ino segi jejamu aqaryaiyosim ŋamburbas uratosim mandamq aie.”

Matyu 27:43

A segi mareqnu, ‘E Qotei qa ijo areqalo siŋgilatejunum. E segi Qotei aqa Ŋiri.’ Aqa anjam di boleamqa Qotei na a aqaryaiyim ŋamburbas uratosim mandamq aiem.”

Matyu 27:51

Onaqa bati qujai deqa gara kobaquja atra tal miligiq di gaiŋesoqnej qaji a goge na braŋosiq aisiq poaiyelej. Onaqa mimiŋ kobaquja dego dosiq mandam reŋgiŋyonaqa meniŋ kokba paraparaeleŋeb.

Matyu 4:3

Onaqa walawalaiyo tamo Satan a Yesus aqa areq bosiqa minjej, “Ni Qotei aqa Ŋiriamqa meniŋ kalil endi minjrim bem bulyibqa ni uye.”

Matyu 8:5

Onaqa Yesus a walwelosiq Kaperneam qureq di brantej. Dia qaja tamo naŋgo gate bei soqnej. A Rom qaji tamo. A Yesus aqa areq bosiqa pailyosiq minjej,

Mak 15:39

Yesus a degsi mondor titosiq moiej deqa qaja tamo naŋgo gate koba Yesus aqa areq di tigelesoqnej qaji a na unsiqa marej, “Bole. Tamo endi a Qotei aqa Ŋiri.”

Luk 22:70

Yesus a naŋgi degsi minjrnaqa naŋgi na nenemyeb, “Deqa ni Qotei aqa Ŋiri e?” Onaqa a na kamba minjrej, “Od. Agi niŋgi na maronub di kere.”

Jon 19:7

Onaqa Juda tamo kokba naŋgi na olo Pailat minjeb, “Yesus a segi qa marqo, ‘E Qotei aqa Ŋiri.’ Aqa une deqa a moiem. Gago dal anjam degsi unu.”

Aposel 10:1

Ariya Sisaria qureq dia tamo bei soqnej aqa ñam Kornilius. A Juda tamo sai. A Rom qaji tamo. A qaja tamo naŋgo gate. A na qaja tamo 100 naŋgi taqatnjroqnej. Aqa qaja tamo naŋgi Itali sawa qaji.

Aposel 2:37

Onaqa naŋgi Pita aqa anjam di qunabqa anjam dena naŋgo are qametnjrej. Deqa naŋgi na Yesus aqa aŋgro naŋgi Pita ombla minjreb, “O gago was niŋgi na mergiye. Iga kieronamqa Qotei na iga eleŋamqa iga padalqasai?”

Aposel 21:32

A degsi qusiqa aqa qaja tamo qudei naŋgo gate naŋgi ti joqsiqa gurgur ti tamo uŋgasari naŋgo ambleq ainabqa unjrsibqa Pol qalqa urateb.

Aposel 23:17

Minjnaq qusiqa qaja tamo gate bei metonaq aqa areq bonaq minjej, “Ni aŋgro wala endi osim nuŋgo gate koba aqa areq osi aiimqa a na anjam bei minjqas.”

Aposel 23:23

Degsi minjsiqa aqa qaja tamo gate aiyel naŋgi metnjrnaqa aqa areq bonab minjrej, “Niŋgi na qaja tamo 200 siŋga na walwelo qaji naŋgi ti qaja tamo 200 aŋ ti laqnub qaji naŋgi ti qaja tamo 70 hos na walwelo qaji naŋgi ti minjribqa naŋgi bini qolo seŋ bati 9 Pol osib Sisaria qureq aiqab. Niŋgi na endegsib minjriye, ‘Nuŋgo walwelqajqa iŋgi iŋgi gereiyosib soqniye.

Aposel 27:1

Onaqa naŋgi iga qobuŋ gogetosim Itali sawaq gilqajqa anjam keretosib Pol tamo qudei ti tonto talq dena eleŋosib qaja tamo naŋgo gate bei aqa ñam Julius aqa baŋq di ateb. Julius a Rom qaji tamo.

Aposel 27:43

Degsi marnabqa naŋgo gate Julius a are qalej, “Naŋgi Pol dego qalib moiaim deqa e na naŋgi saidnjrqai.” Degsi are qalsiqa naŋgi minjrej, “Tonto tamo naŋgi ñumaib.” Osiqa tamo qawaiŋo qalie naŋgi minjrej, “Niŋgi namo prugosib yuwalq aisib qawaiŋosib alile di patqab.”

Rom 1:4

Ariya bunuqna Qotei na a olo subq na tigeltonaqa bati deqa Qotei aqa Mondor na iga endegsi osorgej, Yesus a Qotei aqa Ŋiri siŋgila koba. O was qu, a gago Tamo Koba Yesus Kristus.

Uli Anjam 11:13

Onaqa bati qujai deqa mimiŋ tulaŋ kobaquja dosiq qure koba di reŋgiŋyonaqa qure taqal qujai bei padalej. Qure taqal 9-pela soqneb. Mimiŋ dena tamo uŋgasari 7,000 padaltnjrej. Onaqa tamo uŋgasari mimiŋ dena padaltnjrosai qaji naŋgi tulaŋ ulaugetosib Qotei laŋ qureq di unu qaji aqa ñam soqteb.