Matyu 27:41 - Yesus Aqa Anjam Bole

^41-42 Atra tamo kokba ti dal anjam qalie tamo naŋgi ti Juda gate kokba ti naŋgi dego Yesus degsib misiliŋyoqneb. Osib segi segi maroqneb, “A na tamo uŋgasari gargekoba aqaryainjroqnej. Ariya a na aqa segi jejamu aqaryaiyqa keresai. A Israel naŋgo Mandor Koba boleamqa a na aqa segi jejamu aqaryaiyosim ŋamburbas uratosim mandamq aiimqa iga unsim marqom, ‘Bole.’

Matyu 27:41 ပူးပေါင်းရင်းမြစ်များ

Matyu 27:40

“Ni nami marem, ‘E atra tal koba koŋgrontosiyqa bati qalub qa olo tigeltqai.’ Ni degsi marem. Deqa ni ino segi jejamu aqaryaiye. Ni Qotei aqa Ŋiri boleamqa ni ino segi jejamu aqaryaiyosim ŋamburbas uratosim mandamq aie.”

Luk 18:32

Agi jeu tamo naŋgi na e osib tamo naŋgi Qotei aqa ñam qaliesai qaji naŋgo baŋq di e atqab. Yimqa naŋgi na e ojsib misiliŋboqnsib miselboqnsib ugeugeiboqnqab.

Luk 22:52

Osiqa atra tamo kokba ti atra tal taqato tamo naŋgi ti Juda tamo bole bole ti naŋgi minjrej, “E leŋ ojo tamo deqa kio niŋgi sebru ti torom ti eleŋosib e ojqa bonub e?

Luk 23:35

Ariya tamo uŋgasari kalil naŋgi tigelesosib Yesus koqyeqnabqa Juda gate kokba naŋgi na Yesus misiliŋyosib maroqneb, “A na tamo uŋgasari naŋgi aqaryainjroqnej. Ariya a na aqa segi jejamu aqaryaiyqa keresai. A segi Kristus boleamqa a na aqa segi jejamu aqaryaiyosim ŋamburbas uratosim mandamq aiem.”