Matyu 27:17 - Yesus Aqa Anjam Bole

¹⁷ Deqa tamo uŋgasari kalil naŋgi Pailat aqa areq di koroonabqa a na nenemnjrej, “E Juda tamo yai tonto talq dena uratsiy eŋgwai? E Barabas uratsiy eŋgwai kio Yesus agi niŋgi Kristus qa mareqnub qaji a uratsiy eŋgwai kio? Niŋgi na merbiye.”

Matyu 27:17 ပူးပေါင်းရင်းမြစ်များ

Matyu 1:16

Jekop a Josep aqa abu. Josep a Maria aqa gumbuluŋ. Maria aqa miligiq na Yesus ŋambabej. Agi naŋgi a qa mareqnub, a Kristus.

Matyu 27:16

Ariya bati di Juda tamo bei aqa ñam Barabas a tonto talq di atnab soqnej. A leŋ ojo tamo.

Matyu 27:18

Pailat a naŋgi degsi minjrej. Di kiyaqa? A qalieej, atra tamo kokba naŋgi Yesus qa are tulaŋ minjiŋ oqetnjrnaqa deqa ojsib Pailat aqa baŋq di ateb.

Jon 19:15

Onaqa naŋgi tulaŋ koba leleŋosib minjeb, “Ni na a taqal waiy! Osim ŋamburbasq di qame!” Onaqa Pailat na minjrej, “E nuŋgo mandor koba osiy ŋamburbasq di qamqai e?” Onaqa atra tamo kokba naŋgi na kamba minjeb, “Gago mandor bei saiqoji. Gago mandor qujai agi Sisar.”

Jon 4:25

Onaqa uŋa dena Yesus minjej, “E qalie, Mesaia bqas.” “Mesaia” di Hibru anjam. Gago anjam, “Kristus.” Osiqa Yesus minjej, “Mesaia a bosimqa Qotei aqa anjam kalil ubtsim mergekritqas.”